Վաշինգտոնում թևածում է հայկական շունչն ու ոգին

Վաշինգոնում հունիսի 28-ին կայացել է ժողովրդական և ազգային տոների, սովորույթների և կենցաղի դրվագները ներկայացնող ամենամյա «Սմիթսոնյան ֆոլքլայֆ» փառատոնի բացման պաշտոնական արարողությունը, հաղորդում է «Ամերիկայի ձայն»-ը:

Հեղինակավոր փառատոնը այս տարի ներկայացնում է հայկական և կատալոնական մշակութային ժառանգությունը՝ արվեստներն ու արհեստները:

Ամենամյա փառոտոնի պաշտոնական բացմանը ներկա են եղել Հայաստանի նախագահ Արմեն Սարգսյանը և նրա տիկինը, Հայաստանի մշակույթի նախարար Լիլիթ Մակունցը, ԱՄՆ-ում Հայաստանի դեսպանը Գրիգոր Հովհաննիսյանը, Հայաստանում ԱՄՆ-ի դեսպան Ռիչարդ Միլսը,Հայաստանը և Սփյուռքը ներակայցնող բարձրաստիճան այրեր, հյուրերեր և հոգևորականներ:

Բացման հանդիսավոր արարողությանը ներկա է եղել նաև սիրված երաժիշտ Արտո Թունջբոյաջյանը:

Ելույթներով հանդես են եկել Սմիթոսնյան հաստատության ներկայացուցիչները, այդ թվում՝ «Սմիթսոնյան ֆոլքլայֆ» փառատոնի Սաբրինա Լին Մոթլին, ինչպես նաև՝ Հայաստանում ԱՄՆ-ի դեսպան Ռիչարդ Միլսը իր ջերմ ելույթում շնորհակալություն է հայտնել փառատոնի կազմակերպիչներին, ԱՄՆ-ի դեսպանության և պետքարտուղարության իր գործընկերներին: Միլսը նաև առանձնահատուկ ողջույնի խոսք է ուղղել Հայաստանի նորանշանակ մշակույթի նախարարին.

«Ես դեսպանատան անունից ցանկանում եմ շնորհակալություն հայտնել Սմիթսոնյանի մեր գործընկերներին իրենց նվիրվածության, աջակցության և արված աշխատանքի համար: Պարոն նախագահ, հարգելի գործընկերներ, տիկին նախարար, պատիվ ունեմ այստեղ գտնվել և հատկապես տեսնել, որ այն երկիրը, որտեղ որպես դեսպան իմ ծառայությունն եմ մատուցում և որը հասցրել եմ սիրել, ներկայացված է Վաշինգտոնում և տոնում է իր մշակույթը: Ես նաև ցանկանում եմ ողջունել Հայաստանի մշակույթի նախարարի տիկին Մակունցին, որը ներկայացնում է Հայաստանի նոր կառավարությունը: Ինչպես շատերը գիտեն:

Հայաստանը թևակոխել է պատմության նոր փուլ. այն ունի նոր կառավարություն: Եվ այս նոր կառավարության որդերգած արժեքները ժողովրդի արժեքներն են՝ դրանք են ներառվածությունը, բազամազանությունն ու հարգանքը կյանքի տարբեր դրսևորումների հանդեպ: Տիկին նախարար, Ձեր այստեղ գտնվելը շատ տեղին է, քանի որ դուք ներկայացնում եք հենց այս արժեքները՝ ժողովրդական արժեքները, որոնք նաև Սմիթսոնյան հաստատության արժեքներն: Շնորհակալ եմ»:

«Սմիթսոնյան ֆոլքլայֆ» փառատոնի բացման պաշտոնական արարողության ավարտից հետո բարձասիճան հյուրերն ու պաշտոնյաները շրջայց են կատարել Վաշինգտոնի ազգային պուրակում՝ այցելելով հայակական ժողովրդական արվեստներն ու արհեստները ներկայցնող տաղավարներ:

Ժամանակակից կենցաղի և ապրող/գործող ժողովրդական մշակութային ավանդույթների՝ արվեստների և արհեստների պահպանմանը նվիրված «Սմիթսոնյան ֆոլքլաֆ» փառատոնին հայկական մշակութային ժառանգությունը ներկայացնում են Սփյուռքից և Հայաստանից ժամանած մեծ թվով հայրենակիցներ:

Փառատոնի օրերին այցելուները, ցանկության դեպքում, կարող են սովորել ինչպես թոնիրում լավաշ թխել, խորոված, պանիր և գաթա պատրաստել ու նաև տարատեսակ վարպետության դասընթացների մասնակցել:

Տասնօրյա փառատոնի պաշտոնական փակումը տեղի կունենա հուլիսի 8-ին:

Հիշեցնենք, որ 1967 թվականին հիմնադրված հեղինակավոր փառատոնին մինչ այժմ մասնակցել են ավելի քան 100 երկրներ: