19:45 12.02.2021
Գյումրիի Կազաչի պոստ թաղամասի 237 բնակելի շենքի տանիքում 2 օր առաջ տեղի ունեցած փլուզումը շարունակություն է գտել արդեն բնակարաններում: Տանիքը քայքայված է, ձնհալի ջրերը հոսում են 3-րդ աստիճանի վթարայնության շենքի բոլոր բնակարաններ։ Միրաքյանների բնակարանում կեսգիշերին առաստաղը փլուզվել է։ Սա առաջին դեպքը չէ, երկու ամիս առաջ ննջասենյակի առաստաղն է փլվել, իսկ երեկ հյուրասենյակինը ։
Փոքր տանը ոչ մի անկյուն ապահով չէ: Մեկ սենյականոց բնակարանում տիկին Անահիտը որդու, դստեր ու 4 անչափահաս թոռների հետ է ապրում: Ննջասենյակի փլուզումից հետո մայրն ու երեխաները ժամանակավոր բնակության այլ տեղ են գտել։ Կիսաբաց տանիքի պատճառով շենքում մյուս բնակարաններ են հասել փլուզումները։
Վիճակը մի փոքր բարվոք է շենքի ձախակողմյան հատվածի բնակարաններում, այստեղ դեռ փլուզումներ չկան, բնակիչները իրենց միջոցներով փակել են տանիքի վնասված հատվածները։ 15 բնակարանից 7-ն է բնակեցված, 5-ը՝ ոչ սեփականության իրավունքով։ Բնակություն են հաստատել տարբեր պատճառներով ու տարբեր ժամանակներում՝ նրանց տրվել է բնակության թույլտվություն՝ ընդամենը միասնական օրդերով։
2003 թվականի սեյսմիկ եզրակացությունը կա՝ շենքը 3-րդ աստիճանի վթարայնության է։ Բայց նույն եզրակացությամբ 3-րդ աստիճանի վթարայնության շենքը նշվում է, որ խիստ վտանգավոր է բնակության համար, անհրաժեշտ է էվակուացնել որոշ բնակարանների բնակիչների և անհապաղ միջոցներ ձեռնարկել վնասազերծել ու որոշել շենքի ամրացման հարցը: Այնուամենայնիվ բնակարանների սեփականաշնորհում թույլատրվել է։
«2002-2004 թվականներին 140 շենք էր որոշվել ամրացնել՝ Լինսի հիմնադրամի միջոցներով, մոտ 67-ը ամրացվել են, մնացածում՝ ոչինչ չի արվել, գումար չլինելու, կամ ինչ-ինչ պատճառներով, այսինքն՝ այդ շենքը նորից ամրացման կարիք ունի մնում է այդ ցանկում»,- SHANTNEWS.am-ի հետ զրույցում ասել է Գյումրիի քաղաքապետարանի անշարժ գույքի կառավարման գլխավոր մասնագետ Մկրտիչ Դավթյանը։
Շենքը մնում է ամրացվողների ցանկում, ինչպես Գյումրիի շատ վթարայիններ։ Քաղաքապետարանի պատասխանատուն էլ Կազաչի պոստի 237 շենքի բնակիչների համար հուսադրող պատասխան չուներ, այսինքն՝ տանիքը վերանորոգելու աշխատանքներ առայժմ չեն նախատեսում։ Շենքը նաև սպասարկող համատիրություն չունի։ Ստացվում է՝ բնակիչներն իրենց միջոցներով են նորից շարունակելու տանիքը մաս-մաս ծածկելու, բայց դրանից բնակարաններում փլուզման վտանգը չի նվազի։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
