Պետպատվերով կատարվող հակահամաճարակային միջոցառումների ցանկից հանվել են խոզերի ու թռչունների պլանային պատվաստումները

Շիրակի մարզում խոշոր և մանր եղջերավոր կենդանիների պլանային պատվաստում է  իրականացվում դաբաղի դեմ : Ստացվել է հաշվառված գլխաքանակին համապատասխան պատվաստանյութ։

Շիրակի մարզի Հացիկ, Կարմրաքար և Շիրակ գյուղերի անասնաբույժը  սկսել է անասնագլխաքանակի այս տարվա առաջին պատվաստումը: Մեկ՝ 100 միլիգրամանոց սրվակը օգտագործման ժամկետ ունի։

«Պատվաստանյութը՝ փակ վիճակում, 18 ամիս է ժամկետի մեջ, բացելուց՝ 4 ժամ է պիտանելի , ու այս մեկ սրվակով 50 գլուխ խոշոր եղջերավոր ենք պատվաստում»,-SHANTNEWS.am-ի հետ զրույցում ասել է անասնաբույժ Ներսես Հակոբյանը:

Օրական մինչև 200 գլուխ խոշոր եղջերավորների պատվաստման պլան է մշակել : Կանխարգելիչ այս միջոցառումը երկու փուլով է կատարվելու։ Գարնանային փուլը կարևոր է, մինչև կենդանիների արոտ  դուրս գալը,որպեսզի  պատվաստանյութն իր ազդեցությունն ունենա։

Անցած տարի   հիվանդություններ կենդանիների մոտ չեն հայտնաբերվել, անասնաբույժները սա վերագրում են ժամանակին կատարված  պատվաստումներին, բայց և եղել են տնտեսություններ, որոնք հրաժարվել են պլանային միջոցառումներից։

«Ախուրյան համայնքում եղել են հրաժարվողներ, պատճառաբանում են, թե պատվաստումից հետո անկումներ են լինում և այլն, դրա համար չեն ուզում, որ պատվաստենք: Բայց ասեմ, որ այդ դեպքերը շատք քիչ են  0,001 տոկոս են ու էական խնդիրներ չեն ներկայացնում»,-SHANTNEWS.am-ի հետ զրույցում ասել է Ախուրյանի անասնահամաճարակաբան Կարապետ Պապոյանը:

Պատվաստումներին զուգահեռ բրուցելոզի հայտնաբերման ուղղությամբ արյան նմուշառումներ  են կատարվում : Գյուղերի մեծ մասից սննդամթերքի անվտանգության մարզային տեսչական կենտրոնի լաբորատորիան արդեն նմուշներ ստացել է։

Այս տարի «Գյուղատնտեսական կենդանիների պատվաստում» ծրագրում փոփոխություններ են եղել, պետպատվերով իրականացվող պատվաստումների ցանկից հանվել են  թռչունների ու խոզերի պլանային պատվաստումները։

« Նախորդ տարիներին այդ պատվաստումներն իրականացվել են, բայց այս տարի դրանք հանվել են պետական ծրագրից, յուրաքանչյուրն առանձին է կատարելու պատվաստումն՝  իր տնտեսությունում»,-նշել է  ՍԱՏՄ Շիրակի մարզային կենտրոնի պետի ժ/պ Արտուշ Հովհաննիսյանը:

Շիրակի մարզում խոզերի 14 հազար 300 գլխաքանակ և 184 հազար 300 թև թռչուն է հաշվառված, որոնց պատվատումները, եթե անասնատերերը ցանկանան, իրենց  միջոցներով են անելու։ «Գյուղատնտեսական ծառայությունների կենտրոն» ՊՈԱԿ-ի տնօրեն Գառնիկ Հովհաննիսյանը SHANTNEWS.am-ին  փոխանցեց, որ այս պատվաստումները ծրագրից հանվել են ֆերմերների խնդրանքով ու պատճառաբանել, որ չեն ցանկանում  խոշոր եղջերավորներին պատվաստող անասնաբույժներն մյուս   կենդանիներին  պատվաստեն ու դրանով զերծ կպահեն տնտեսությունները  վարակների ներթափանցումից։

 «Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև  Shant Digital Tv հավելվածով՝ ամբողջ աշխարհում։