20:30 11.03.2021
Հայաստանում կորոնավիրուսի երրորդ ալիքն է, որի տարածման տեմպերն առայժմ ամենացածրը Շիրակի մարզում են: Սա ցույց են տալիս հիվանդությունների վերահսկման և կանխարգելման ազգային կենտրոնի «Շիրակ» մասնաճյուղի մասնագետների ուսումնասիրությունները: Հիվանդացության թվերի աճը Շիրակի մարզում 1 ու կես անգամ է:
Հիվանդությունների վերահսկման և կանխարգելման ազգային կենտրոնի «Շիրակ» մասնաճյուղում ամեն օր վերլուծում են կորոնավիրուսի հաստատված դեպքերի վիճակագրությունը: Օրական արձանագրվող թվերն են այն ազդակը, որոնք վկայում են հիվանդացության աճի կամ նվազման մասին: Վերջին երկու շաբաթների վերլուծությունը թվերի աճ է ցույց տալիս:
«Տարեսկզբից մինչ օրս մարզում արձանագրված դեպքերը 67-ից դարձել են 99: 100 հազար բնակչից ելնելով՝ կարող ենք ասել, որ 100 հազարից 29-նն էր հիվանդանում, հիմա այս թիվը դարձել է 40: Այսինքն մոտ 50-54 % աճ ունենք: Ինչքան էլ զսպենք, միևնույն է , վերելքը 1 ու կես անգամ աճ է տվել:Բայց ՀՀ-ում ամենացածր ցուիցանիշն է սա: Օրական 1-5 դեպք է արձանագրվում: Կորոնավիրուսն ավելի շատ վարքագծային հիվանդություն է, քան օդակաթիլային, որովհետև հեռավորության պահպանումը, ձեռքերի մշակումը կամ դիմակ կրելը մարդու վարքագիծն են:Այսինքն եթե կարողանանք կանոնները պահել շատ լավ արդյունք կունենանք, ավելի լավ, քան հիմա կա »,-Shantnews-ին ասել է ՀՎԿԱԿ «Շիրակ» մասնաճյուղի տնօրենի տեղակալ Արմինե Անդրյանը:
Մասնագետը նշում է՝ մարզում անգամ բնակավայրեր կան, որտեղ մինչ օրս ոչ մի դեպք չի արձանագրվել: Անցած տարվա մարտից մինչ օրս Շիրակի մարզում 27 հազար 744 նմուշառում է կատարվել: Վերջին մեկ ամսվա ընթացքում է նմուշառումների թիվը կտրուկ ավելացել: Սա պայմանավորված է արտերկիր մեկնողների պարտադիր թեստավորման անհրաժեշտությամբ:
Շիրակի մարզի դպրոցներում ամենօրյա դիտարկումներ ու ստուգումներ են, որոնց արդյունքներով հիվանդացության թվերի աճը դպրոցներում մեծ չէ: Վերջին օրերին ընդամենը մեկ դեպք է հաստատվել:
Շիրակի մարզում կորոնավիրուսի առաջին դեպքն անցած տարի մարտի վերջին է արձանագրվել: Հիվանդացության բավական մեծ թվեր են մինչ օրս գրանցվել, սակայն կոլեկտիվ իմունիտետի մասին խոսել, ըստ մասնագետի, դեռ վաղ է: Քանի դեռ կոլեկտիվ իմունիտետը բավարար չէ, դեպքերն ավելանալու են: Նման կանխատեսման հիմքեր մասնագետներին տալիս է վիրուսի սեզոնայնությունը նաև հակահամաճարակային կանոնները չպահպանելը: Դիմակներ կրողներ գրեթե չկան, սահմանափակումները թուլացել են, մարդկանց զգոնությունը՝ ևս:
Ըստ մասնագետի, կոլեկտիվ իմունիտետի ձևավորման համար անհրաժեշտ է, որ բնակչության 75-80 տոկոսը իմունիզացված լինի: Պատվաստումների մեկնարկի հստակ ժամկետներ չկան: Պատվաստանյութը Հայաստան կհասնի շուտով: Առաջին փուլում պատվաստվելու են բուժաշխատողները, ինչը կազմում է բնակչության ընդամենը 1 տոկոսը:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
16:10 18.06.2025
ՆԳ նախարարը Ազգային ժողովում ներկայացրել է նախարարության 2024 թվականի բյուջեի կատարողականըՀունիսի 18-ին ՆԳ նախարար Արփինե Սարգսյանը ելույթ է ունեցել Ազգային ժողովում՝ ներկայացնելով ՆԳ նախարարության 2024 թվականի բյուջեի կատարողականը։ 2024 թվականին նախարարությանը հատկացվել է 91 մլրդ դրամ, արդյունքում՝ ճշտված ցուցանիշը կազմել է 100 մլրդ 957 մլն դրամ, և պայմանագրային հետաձգված ծրագրերի մատակարարման արդյունքում կատարողականը կարող է գնահատվել 98,5 տոկոս։ 2024 թվականին հաջողությամբ գործարկվել են Ոստիկանության հենասյունային […] ...
16:00 18.06.2025
Արմավիրում տուֆի ապօրինի արդյունահանման դեպքով հաղորդում է ներկայացվել ՀՀ քննչական կոմիտե. ԲԸՏՄԸնդերքի պահպանության կանխարգելիչ միջոցառումների ընթացքում Բնապահպանության և ընդերքի տեսչական մարմնի աշխատակիցներն Արմավիրի մարզում արձանագրել են տուֆի ապօրինի արդյունահանման դեպք։ Բաղրամյան համայնքի Արևադաշտ գյուղում տնտեսավարողն ընդերքօգտագործման իրավունքով տրամադրված տեղամասից դուրս իրականացրել է 25.819 խմ տուֆանման լեռնային զանգվածի ապօրինի տեղահանում։ Կատարվել է հողային ռեսուրսների վրա տնտեսական գործունեության հետևանքով առաջացած ազդեցության գնահատման վնասի հաշվարկ։ Վարչական վարույթի նյութերով առերևույթ […] ...
15:49 18.06.2025
Երևանում մթնոլորտային օդի որակը հունիսի 11-17-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը հունիսի 11-17-ը: Փոշու պարունակությունը գերազանցել է սահմանային թույլատրելի կոնցենտրացիան․ ◾️ Նոր Նորքում՝ հունիսի 15-ին, ◾️ Շենգավիթում՝ հունիսի 12-ին, ◾️ Կենտրոնում չի գերազանցել, ◾️ Արաբկիրում չի գերազանցել։ Ազոտի երկօքսիդի պարունակությունը գերազանցել է սահմանային թույլատրելի կոնցենտրացիան․ ◾️ Կենտրոնում՝ հունիսի 12-ին, 15-ին և 16-ին, ◾️ Նոր Նորքում՝ […] ...
15:40 18.06.2025
ՀԾԿՀ-ն 10 միլիոն դրամ գումարի չափով տուգանել է ՀԷՑ-ինՀանրային ծառայությունները կարգավորող հանձնաժողովը 10 միլիոն դրամ գումարի չափով տուգանել է «Հայաստանի էլեկտրական ցանցեր» ընկերությանը՝ արձանագրված տեխնիկական և առևտրային խախտումների համար։ Այս մասին հայտնում է ՀԾԿՀ-ն: «Հանձնաժողովը 2025 թվականի փետրվարի 3-14-ը իրականացրել է կարճաժամկետ մոնիթորինգ ընկերության երեք մասնաճյուղերում՝ ուսումնասիրելով սպառողներին առաքված և հաշվիչներով գրանցված էլեկտրաէներգիայի քանակն ու որակը։ Մոնիթորինգի արդյունքում արձանագրվել են մի շարք թերություններ՝ […] ...
15:30 18.06.2025
Յուրա Մովսիսյանն ու Հենրիխ Մխիթարյանը հանդիպել են Լոս ԱնջելեսումՖուտբոլի Հայաստանի հավաքականի նախկին խաղացողներ Յուրա Մովսիսյանն ու Հենրիխ Մխիթարյանը հանդիպել են ԱՄՆ-ի Լոս Անջելես քաղաքում: «Հաճելի էր հանդիպել և զրուցել Հենրիխ Մխիթարյանի հետ Լոս Անջելեսում»,- գրել է Մովսիսյանը սոցցանցերի իր էջերում հրապարակած լուսանկարին կից: 36-ամյա Մխիթարյանը Միլանի «Ինտերի» կազմում ԱՄՆ-ում մասնակցում է աշխարհի ակումբային առաջնությանը: Իտալիայի փոխչեմպիոնը խմբային փուլի առաջին տուրի խաղը կանցկացնի հունիսի […] ...
15:18 18.06.2025
Վերաքննիչ դատարանն անփոփոխ է թողել Ջալալ Հարությունյանի դատավճիռըՎերաքննիչ քրեական դատարանը անփոփոխ է թողել Լեռնային Ղարաբաղի պաշտպանության բանակի նախկին հրամանատար, գեներալ-լեյտենանտ Ջալալ Հարությունյանի վերաբերյալ մեղադրական դատավճիռը։ 2025 թվականի փետրվարին Սյունիքի մարզի ընդհանուր իրավասության դատարանը Ջալալ Հարությունյանին դատապարտել էր 5 տարի 6 ամիս ժամկետով ազատազրկման՝ զինվորական ծառայության նկատմամբ անփույթ վերաբերմունքի համար։ Մեղադրող կողմը պահանջել էր 6 տարվա ազատազրկում, սակայն առաջին ատյանի դատարանը մեղմել էր […] ...
