15:59 22.03.2021
Մարտի 20-21-ը կայացել է Կրասնոդարի երկրամասի հայոց լեզվի և հայրենագիտության ուսուցիչների համառուսական 3-րդ խորհրդակցությունը՝ «Դասավանդում եմ Հայաստան» խորագրով: Միջոցառմանը ողջույնի խոսքով հանդես է եկել ՀՀ ԿԳՄՍ նախարարի տեղակալ Արթուր Մարտիրոսյանը:
ԿԳՄՍ նախարարի տեղակալը ողջունել է մասնակիցներին Կրասնոդարում խորհրդակցության մեկնարկի առիթով, մաղթել արդյունավետ աշխատանք և կարևորել նախաձեռնությունը երկխոսության միջոցով աշխարհասփյուռ հայության առջև ծառացած կրթական հիմնախնդիրներին միասնաբար լուծումներ գտնելու առումով:
«Ապրում ենք պատմական բարդ ժամանակներ և ունենք լուրջ մարտահրավերներ. մեկը, անշուշտ, համավարակն է, մյուսը՝ մեզ պատուհասած պատերազմը, և հիմա, ավելի քան երբևէ, մենք կարիք ունենք միասնության, սփյուռքում հայկական կառույցների ուժեղացման: Համոզված եմ՝ գործընթացը պետք է սկսել կրթությունից: Այստեղ առանձնահատուկ դերակատարում ունեն սփյուռքի մեր կրթության, դպրության մշակները, որոնք կատարում են մատաղ սերնդին հայեցի կրթություն տալու հայրենանվեր գործը: Ամեն դժվարություն նաև հնարավորություն է: Արցախյան վերջին պատերազմը մղում է մեզ էլ ավելի խորամուխ լինել համայն հայության համախմբման գործում: Այդ առումով պետք է ավելի միասնական լինենք, դասեր քաղենք ու կարողանանք առերեսվել իրականությանը: Համավարակի պայմաններն էլ կրթական նոր ռեսուրսների ստեղծման ու հեռավար ուսուցման գործիքների ընդլայնման հնարավորություն են տվել: Ուզում եմ նշել, որ թե՛ պատերազմը, թե՛ համավարակը իրենց անդրադարձն են գտնում ՀՀ կրթության զարգացման ռազմավարությունում, որը հիմա վերանայման փուլում է»,- նշել է Արթուր Մարտիրոսյանը:
ԿԳՄՍ նախարարի տեղակալը նաև խորհրդակցության մասնակիցներին տեղեկացրել է, որ մեկնարկել է հեռավար ուսուցման նոր հարթակի ստեղծման աշխատանքը, որի նպատակն է ապահովել համընդհանուր հասանելիություն, նոր որակի հեռավար կրթություն՝ կրթության իրավունքի իրացման, կրթության անընդհատության ապահովման տեսանկյունից. «Այն նաև դառնալու է այն ռեսուրս-հարթակը, որի հիման վրա մենք կարող ենք հաջորդաբար կրթական ծառայություններ առաջարկել նաև սփյուռքին: Այստեղ շատ ենք կարևորելու երկխոսությունը ձեզ հետ, որպեսզի այդ կրթական ռեսուրսներն առավելագույնը հարմարեցված լինեն ձեր կարիքներին: Ձեզ մաղթում եմ բեղմնավոր աշխատանք և շնորհակալություն եմ հայտնում «Կրասնոդարի երկրամասի տարածաշրջանային հայկական ազգային-մշակութային ինքնավարություն» կազմակերպությանը նման նախաձեռնություն կյանքի կոչելու համար»:
Խորհրդակցության ընթացքում քննարկվել են ՌԴ հայկական դպրոցներում, կենտրոններում և լրացուցիչ կրթության օջախներում ուսուցողական ու մշակութային գործընթացների իրականացման միասնական ծրագրերի և մեթոդների ստեղծման հարցերը։
Խորհրդակցության նպատակն էր ձևավորել և զարգացնել ներդպրոցական կապեր, համախմբվածություն ընդհանուր հայրենասիրական իդեալների, ազգային գաղափարախոսության, հավատի և եկեղեցու շուրջ, «Կրասնոդարի երկրամասի տարածաշրջանային հայկական ազգային-մշակութային ինքնավարություն» կազմակերպության հիմքի վրա ստեղծել հայեցի կրթության և դաստիարակության կենտրոն՝ երկրամասի լրացուցիչ կրթության մանկավարժների համար։
Խորհրդակցության օրակարգային հարցերից էին այնպիսի թեմաներ, ինչպիսիք են՝ «Ժամանակակից ինտերակտիվ մեթոդների օգտագործումը հայոց լեզվի դասերին», «Նախադպրոցականների հայերեն խոսքի ձևավորման առանձնահատկությունները օտարախոս միջավայրում», «Կրթության և դաստիարակության դերը սփյուռքում ազգային ինքնագիտակցության արթնացման և հայի տեսակի պահպանման գործում», «Հայկական թատրոնի դերը հայեցի հոգեկերտվածքի ձևավորման գործում» և այլն։
«Դասավանդում եմ Հայաստան» խորագիրը կրող խորհրդակցությունը փորձի փոխանակման հնարավորություն է տվել մասնակից ուսուցիչներին, որոնք ներկայացրել են իրենց դպրոցի և խմբակի պայմանների, կառուցվածքի, հաջողությունների և դժվարությունների, հայոց լեզվի և հայրենագիտության դասավանդման արդյունավետ մեթոդների կիրառման մասին:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...