18:15 29.03.2021
Շարունակվում է Ջուլիետա Ղուկասյանին ծեծելով մահվան հասցնելու գործի քննությունը։ Հիշեցնենք՝ այն գտնվում է ապացույցների հետազոտման փուլում։ Այսօր պետմեղադրողը հրապարակել է զննություն կատարելու մասին արձանագրությունները։ Մասնավորապես հրապարակվել է Գյումրիի գիշերային ակումբներից մեկում և Մայակովսկի 39 տան մոտ տեղադրված տեսախցիկների տեսագրությունների վերծանման մասին արձանագրությունները։ Համաձայն դրանց՝ դեպքին նախորդող ժամերին ռուս զինծառայող Անդրեյ Ռազգիլդեևը ժամանակ է անցկացրել Գյումրիի գիշերային ակումբներում, իսկ առավոտյան հայտնվել է Սլաբոտկա թաղամասում։
Այստեղ կատարված տեսագրություններն ապացուցում են, որ նա Ջուլիետա Ղուկասյանին հանդիպել է վաղ առավոտյան և հետապնդել։ Ծեծի ենթարկելու պահը տվյալ տեսախցիկի տեսադաշտից դուրս է մնացել։ Բայց նրանից, որ թաղամասում հայտնված տղամարդը և նախորդող ժամերին գիշերային ակումբներում գտնվածը նույն անձն է, ըստ պետմեղադրողի հրապարակած արձանագրությունների, հաստատել են վկաները, որոնք նախաքննական գործողությունների են մասնակցել։
«Տեսագրությունում երևում է դանդաղ քայլող կին, որի ձեռքին կա տոպրակ, հագին՝ վերարկու, իսկ գլխին՝ գլխարկ: Երբ կինը հասնում է տեսագրությունում երևացող եղևնիների մոտ, ներքևից, ձախ կողմից, հայտնվում է մի երիտասարդ և եղևնիների արանքից թեքվում է դեպի այդ կինը: Տղամարդու ձեռքին ինչ-որ բան կա, սակայն չի երևում: Տղամարդու դաստակը կորաձև բացված է, սակայն ձեռքի առարկան չի երևում: Մի պահ կանգ է առնում և շարունակում շարժվել կնոջ հետևից՝ դուրս գալով տեսախցիկի տիրույթից: Հետո երևում է՝ տվյալ տղամարդու դաստակը բացվում է՝ ձեռքը դեպի հետ տանելով: Զննության մասնակիցը հայտնեց, որ այդ տղամարդը նույն մարդն է, որը 02.12.2018 թվականին այցելել է իրենց ակումբ»,- տեսագրությունների զննության արձանագրությունը ներկայացրել է պետմեղադրող Վահե Միրզոյանը:
Հիշեցնենք, Ջուլիետա Ղուկասյանին ծեծելով մահվան հասցնելու դեպքը տեղի է ունեցել 2018 թվականի դեկտեմբերի 2-ին։ Գործով մեղադրանքն առաջադրվել է Գյումրիում տեղակայված ռուսական 102-րդ ռազմաբազայի զինծառայող Անդրեյ Ռազգիլդեևին։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
15:18 18.06.2025
Վերաքննիչ դատարանն անփոփոխ է թողել Ջալալ Հարությունյանի դատավճիռըՎերաքննիչ քրեական դատարանը անփոփոխ է թողել Լեռնային Ղարաբաղի պաշտպանության բանակի նախկին հրամանատար, գեներալ-լեյտենանտ Ջալալ Հարությունյանի վերաբերյալ մեղադրական դատավճիռը։ 2025 թվականի փետրվարին Սյունիքի մարզի ընդհանուր իրավասության դատարանը Ջալալ Հարությունյանին դատապարտել էր 5 տարի 6 ամիս ժամկետով ազատազրկման՝ զինվորական ծառայության նկատմամբ անփույթ վերաբերմունքի համար։ Մեղադրող կողմը պահանջել էր 6 տարվա ազատազրկում, սակայն առաջին ատյանի դատարանը մեղմել էր […] ...
14:53 18.06.2025
Էդուարդ Վարդանյանը մենամարտ կանցկացնի Fight Nights-ի շրջանակներումACA-ի Գրան պրիի հաղթող, հայ մարտիկ Էդուարդ Վարդանյանը Fight Nights-ի շրջանակներում մենամարտ կանցկացնի, հայտարարել է լիգայի նախագահ Կամիլ Հաջիևը: Վարդանյանը կմենամարտի Ռուսաստանը ներկայացնող Մարիֆ Պիրաևի դեմ: Մենամարտը տեղի կունենա օգոստոսի 16-ին: 34-ամյա Վարդանյանն օկտագոնում 26 հաղթանակ և 4 պարտություն ունի, Պիրաևը՝ 28 հաղթանակ, 4 պարտություն և 1 ոչ-ոքի: ...
14:36 18.06.2025
Չթույլատրվող հատվածով փողոցը հատած 87-ամյա հետիոտնը վրաերթի հետևանքով մահացել էՀունիսի 17-ին` ժամը 13:30-ի սահմաններում, Երևան-Երասխ ճանապարհի Արտաշատ քաղաքի հատվածում «Օպել» ավտոմեքենայի վարորդը վրաերթի է ենթարկել ճանապարհը չթույլատրված տեղով հատող 87-ամյա Լևիկ Մ.-ին, որը տեղում մահացել է։ Վարորդը փախուստի չի դիմել, զանգահարել է փրկակար ծառայություն։ Նախաձեռնվել է քրեական վարույթ։ Հանգամանքները պարզվում են։ Ոստիկանությունը կրկին հորդորում է փողոցները հատել բացառապես թույլատրելի հատվածներով։ Ծանուցում. Ենթադրյալ հանցանքի մեջ […] ...
14:27 18.06.2025
Մեքսիկայի ափերի մոտ երկրաշարժ է տեղի ունեցելՄեքսիկայի ափերի մոտ 5.6 մագնիտուդով երկրաշարժ է տեղի ունեցել, հայտնում է Ազգային սեյսմոլոգիական ծառայությունը։ «5.6 մագնիտուդով երկրաշարժը տեղի է ունեցել Չիապաս նահանգի Պիխիխյապան քաղաքից 138 կիլոմետր հարավ-արևմուտք», – ասվում է հաղորդագրության մեջ: Ծառայության տվյալներով՝ երկրաշարժը տեղի է ունեցել տեղական ժամանակով ժամը 3:49-ին (Մոսկվայի ժամանակով ժամը 12:49-ին): Օջախը գտնվել է 10 կիլոմետր խորության վրա: Զոհերի կամ […] ...
14:16 18.06.2025
Վարչապետն անդրադարձել է Իսրայելի ու Իրանի հակամարտության ֆոնին Հայաստանին սպառնացող հավանական վտանգներինՀՀ վարչապետ Նիկոլ Փաշինյանը սադրիչ, պրովոկատիվ և չհիմնավորված է համարում Իսրայել-Իրան հակամարտության ֆոնին Սյունիքի մարզի հետ կապված վտանգի մասին տարածվող տեղեկությունները։ Վարչապետի գնահատմամբ՝ դրանք արվում են Հայաստանի քաղաքացիների շրջանում անհանգստություն, խուճապ և անորոշություններ գեներացնելու համար։ «Արմենպրես»-ի հաղորդմամբ՝ այս մասին վարչապետն ասել է Ազգային ժողովում լրագրողների հետ ճեպազրույցի ընթացքում՝ անդրադառնալով Իսրայել-Իրան հակամարտության ֆոնին Հայաստանին սպառնացող հնարավոր […] ...
