18:55 08.04.2021
Համաշխարհային բանկի «Կենսական նշանակության ճանապարհներ» ծրագրով հիմնանորոգվում է Կամո գյուղի ճանապարհը: Այն մարզի հիմնանորոգման անժամկետ հերթում հայտնված գյուղական ճանապարհներից մեկն էր: Գյումրիից Կամո ճանապարհը ընդամենը 13 կմ է, համարվում է քաղաքամերձ բնակավայր, բայց 13 կմ-ն անցնելու համար մեկ ժամն էլ բավարար չէ։ Գյուղի բնակիչները նույնիսկ հիշեցին, որ 4 կմ ճանապարհը կապիտալ նորոգվել է 1980 թվականին։ 40 տարում ծանր տեխնիկան իր հերթին, ձյունն ու անձրևներն իրենց, խորհրդային ասֆալտից բան չեն թողել։ Համայնքի գումարներով մաս-մաս փոսեր են փակել, հարթեցրել, որի դիմացկությունը երկու ամսվա համար է եղել։
Գյուղի հնարամիտ բնակիչներից մեկի ինքնաշեն մեքենան է միայն հողածածկ ճանապարհի խոր փոսերի միջից անվտանգ կարողանում դուրս գալ։ Խոշոր անիվներով ինքնաշեն մեքենան շուտով իրեն էլ պետք չի գալու։ Կամոյի բնակիչներն հիմա արդեն ճանապարհի վիճակի մասին անցյալով են խոսում։ Երկու շաբաթ է շինարարների տեխնիկան աշխատում է քայքայված ճանապարհի վրա։ Այստեղով մինչև անցած տարի անցուդարձ էր անում նաև ռուսական ռազմակայանի զինտեխնիկան, զորավարժությունների տարածք հասնելու համար այն եղել է ամենակարճ ճանապարհը։
Ռոբերտ Ղազարյանը մինչև համայնքների խոշորացումը եղել է Կամոյի գյուղապետը, հիմա էլ վարչական ղեկավարն է։ Բոլոր տարիներին գործադիր, տարածքային կառավարման մարմիններին դիմումներ է գրել, բնակիչների ստորագրություններով նամակներ փոխանցել ճանապարհի նորոգման խնդրանքով։ 2008-ին էր նախատեսված հիմնանորոգել պետական ճանապարհաշինության ծրագրով, որի համար 30 մլն դրամ համայնքային բյուջեից համաֆինանսավորում էր պահանջվել, բայց ծրագիրն հետո սառեցվել էր, և գյուղի ճանապարհի մասին մոռացան մինչև 2019 թվականը։
Գյուղում 3 փոքր կամուրջ էլ կա, որտեղով անցնում է ոռոգման ցանցը։ Շինարարը կամուրջների տեխնիկական վիճակը ևս ուսումնասիրել է, բետոնե պատնեշները կամուրջներին այլևս ամրություն չեն տալիս, ապամոնտաժվելու են, տեղում նորերն են կառուցելու։ Ճանապարհաշինական փոքր ծավալի ևս երկու ծրագրեր, բայց արդեն սուբվենցիոն, հավանաբար կլինեն Ախուրյան համայնքում։
Այս տարի 7 սուբվենցիոն ծրագիր են ներկայացրել կառավարությանը, 2-ը գյուղական ճանապարհների նորոգումներ են, որից մեկը նորից Կամո գյուղի համար է՝ գյուղամիջյան ճանապարհ է նախատեսվում հիմնանորոգել: Սուբվենցիոն 2-րդ ծրագրով էլ նախատեսում են դեպի Արևիկ գյուղ տանող ճանապարհն ասֆալտապատել։ Եվս 7 բնակավայրերում մի քանի օրից փոսալցումները կսկսվեն, գումարներ են հատկացվել խոշորացված համայնքի բյուջեից։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
