19:58 12.04.2021
Շիրակի մարզի ցածրադիր տարածաշրջաններում՝ Ախուրյանում և Անիում սկսվել են գյուղատնտեսական աշխատանքները: Գարնանացան գարի ու ցորեն են ցանում, հողը պարարտացնում բանջարեղենի մշակության համար: Անցած աշնանը մարզում 14 հազար հեկտար աշնանացան է մշակվել: Ակնկալվում է, որ գարնանացանի ցանքերը ևս, անցած տարվա համեմատ, ավելանալու են: Անցած տարի աշնանը շուրջ 600 հեկտար հողերը, որոնք խոտհարքների տակ են եղել, վարել են ու այս տարի մշակելու են:
Գյուղատնտեսական տարին Շիրակի մարզում փոքր-ինչ ուշ է սկսվել՝ եղանակները թույլ չէին տալիս ավելի շուտ վարուցանքի: Գարնանացանն առաջինն է, որին հաջորդելու է բանջարեղենի մշակությունը: Շղթայաբար բոլոր մշակաբույսներն այս տարի հողում ավելի ուշ են հայտնվում:
Ազատանի խոշոր հողատերերն ու ֆերմերները վաղուց գյուղի սահմաններից դուրս են եկել ու վարձակալական հողակտորներ են մշակում մարզի ցածրադիր հատվածներում: Կառնուտի, Ախուրյանի, Շիրակի ու Արևիկի հողերը ամենաբարենպաստն են հացահատիկի մշակության համար: Ընդհանուր այս տարի Շիրակի մարզում ցորենի ու գարու ցանքերն ավելացել են:
Մոտ 600 հեկտարը, որը նախորդ տարիներին խոտհարք է եղել, գյուղացիները վարել են ու պատրաստվում են ցանք կատարել:14 հազար հեկտար աշնանացան է մարզում կատարվել: Ամենաշատը Շիրակի մարզը 20 հազար հեկտար ցանքեր է ունեցել: Այս ցուցանիշը վերջին տարիներին նվազել էր, հիմա նորից աճ է գրանցվում, բայց էլի մարզի անմշակ հողերը շատ են:
«Շիրակի մարզում արտադրվում է տարեկան 60-80 հազար տոննա հացահատիկ, որը ՀՀ-ի պահանջարկի 20-30 %-ն է կազմում: Իսկ հնարավորություններ Շիրակի մարզում շատ կան: Մենք ունենք 78 հազար հեկտար վարելահողեր, որից 48 հազարն է մշակվում: Այս տարի շատ վարելահողեր, որտեղ խոտհարքներ էին ձևավորվել, վարել են ու մշակելու են: Նախորդ մի քանի տարիների ընթացքում խոտի բերքը ցածր էր և ֆերմերները տեսան, որ ավելի շատ բերք և եկամուտ ստացվում է հողը մշակելով, վարելով, ցանելով, քան թե խոտհարք ունենալով»,- Shantnews-ին ասել է Շիրակի մարզպետարանի գյուղատնտեսության բաժնի պետ Անդրանիկ Նալբանդյանը:
Հացահատիկի ցանքերի ավելացմանը նպաստել են նաև պետական աջակցության ծրագրերը: Մասնավորապես, գարնանացանի համար գարու և ցորենի սերմացուներ են տրամադրվում կառավարության 50 տոկոս սուբսիդավորմամբ: Մարզի գյուղատնտեսները օգտվել են նաև անտոկոս վարկավորումից: Ծրագիրն այս տարի ևս շարունակվում է:
«0 %-ով տրամադրվում է 3-15 մլն դրամ գումար: Ծրագիրը շարունակվում է նաև 2021 թվականին: Նույն ծրագրով 3-ից 30 մլն դրամ տրամադրվում է խոզաբուծության, ոչխարաբուծության, թռչնաբուծության, ինչպես նաև այգիների հիմնման համար: Տրամադրվում է 50 մլն դրամ անասնապահության համար: Շիրակի մարզում հետաքրքրվողներ և վարկերից օգտվողներ շատ կան»,- ասել է Անդրանիկ Նալբանդյանը:
Միայն անցած տարի վարկավորումից Շիրակի մարզում 3200 գյուղացի է օգտվել: Վարկավորման չափը կազմել է 4 մլրդ 600 մլն դրամ: Վարկի վերադարձելիության երաշխիքը բանկի համար գրավի առարկան է, իսկ գյուղացու համար՝ բերքն ու անասնապահությունից ստացված արդյունքը:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
17:05 04.08.2025
Արտակարգ արբիտրը մերժել է ՀԷՑ-ի բաժնետերերի նոր պահանջները
17:05 04.08.2025
Արտակարգ արբիտրը մերժել է ՀԷՑ-ի բաժնետերերի նոր պահանջներըՀՀ կառավարությունից տեղեկացնում են, որ ս.թ. հուլիսի 29-ին Liormand Holdings Limited ընկերությունը, Սամվել Կարապետյանը, Էթերի Կարապետյանը, Սարգիս Կարապետյանը և Կարեն Կարապետյանը («Հայցվորներ») կրկին դիմել էին Ստոկհոլմի առևտրային պալատի արբիտրաժային ինստիտուտի արբիտրաժային կանոնների ներքո նշանակված Արտակարգ Արբիտրին (Emergency Arbitrator)՝ պահանջելով լրացնել Արտակարգ Արբիտրի՝ ս.թ. հուլիսի 22-ի արբիտրաժային վճիռը EA 2025/121 գործի շրջանակներում հետևյալ բովանդակությամբ. 1. Հայտարարել, […] ...
17:00 04.08.2025
Երևանի քաղաքապետարանի հասարակական կարգի պահպանության ծառայության աշխատակիցները շրջայց են իրականացրել հանրային տրանսպորտումԱյսօր Երևանի քաղաքապետարանի հասարակական կարգի պահպանության ծառայության աշխատակիցները շրջայց են իրականացրել հանրային տրանսպորտում: Քաղաքացիների հետ տարվել են բացատրական աշխատանքներ՝ չվճարելու դեպքում հնարավոր հետևանքների մասին։ Մասնավորապես, ուղևորներին նախազգուշացվել է վարչական իրավախախտումների վերաբերյալ օրենսգրքի 137.9-րդ հոդվածի 3 մասերով նախատեսված տուգանքների վերաբերյալ։ Ծառայության աշխատակիցները հորդորել են բոլոր ուղևորներին կատարել ուղեվարձի վճարումները՝ Երևանի ավագանու սահմանած ձևաչափերով։ «Այսուհետ հանրային տրանսպորտում […] ...
16:49 04.08.2025
Շիրակի քրեական ոստիկանները մարիխուանա և կանեփի թփեր են հայտնաբերելՀուլիսի 29-ին Քրեական ոստիկանության Շիրակի մարզային վարչությունում տեղեկություններ էին ստացվել, որ 71-ամյա գյումրեցի տղամարդը աճեցնում է կանեփ ու պահում դրանից պատրաստված թմրամիջոց։ Տեղեկությունը ստուգվել ու հաստատվել է։ Նախաձեռնված քրեական վարույթի շրջանակում 71-ամյա գյումրեցու տանը կից խորդանոցում կատարված զննությամբ հայտնաբերվել է շուրջ 38 գրամ մարիխուանա, իսկ կիսաքանդ շինության տարածքում՝ կանեփի 79 թուփ։ Կազմված փաստաթղթերն ուղարկվել են […] ...
16:43 04.08.2025
Շրջակա միջավայրի նախարարը և ՄԹ դեսպանը քննարկել են Հայաստանում կայանալիք COP17-ի կազմակերպչական հարցերըՇրջակա միջավայրի նախարար Համբարձում Մաթևոսյանը հանդիպել է Հայաստանում Միացյալ Թագավորության դեսպան Ջոն Գալագերի հետ, քննարկման առանցքում COP17-ի կազմակերպչական հարցերն էին: Հանդիպմանը մասնակցել է նախարարի տեղակալ Արամ Մեյմարյանը: Հանդիպման ընթացքում քննարկվել են 2026 թվականին Հայաստանում կայանալիք Կենսաբազմազանության մասին կոնվենցիայի կողմերի 17-րդ համաժողովի՝ COP17-ի կազմակերպչական հարցերը։ Անդրադարձ է կատարվել կազմակերպչական ողջ գործընթացին՝ ներառյալ ֆինանսական, տեխնիկական և գործընկերային […] ...
16:37 04.08.2025
ՆԳՆ շրջիկ սպասարկման գրասենյակները ծառայություններ կմատուցեն Շիրակի և Արագածոտնի մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ օգոստոսի 7-ին ծառայություններ կմատուցվեն․ ժամը 11:00-16:00-Շիրակի մարզի Անի համայնքում՝ համայնքապետարանի հարևանությամբ, ժամը 10:30-16:00-Արագածոտնի մարզի Արագած բնակավայրում՝ վարչական ղեկավարի գրասենյակի հարևանությամբ։ Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, […] ...
16:31 04.08.2025
Հայ շախմատիստների դիրքերը ՖԻԴԵ-ի աղյուսակումՇախմատի միջազգային ֆեդերացիան (ՖԻԴԵ) հրապարակել է շախմատիստների ամենամսյա դասակարգման աղյուսակը։ Տղամարդկանց դասակարգման աղյուսակը շարունակում է գլխավորել աշխարհի 16-րդ չեմպիոն Մագնուս Կառլսենը (Նորվեգիա, 2839 վարկանիշ)։ Լավագույն հնգյակում են նաև Հիկարու Նակամուրան (ԱՄՆ, 2807), Ֆաբիանո Կարուանան (ԱՄՆ, 2784), Ռամեշբաբու Պրագանանդհան (Հնդկաստան, 2779) և Արջուն Էրգիասին (Հնդկաստան, 2776)։ Աշխարհի գործող չեմպիոն Դոմարաջու Գուկեշը (Հնդկաստան) 2776 վարկանիշով 6-րդն է։ […] ...
