«Դիլիջանի միջազգային դպրոց» ծրագրի արտոնությունները կվերանայվեն. ԱԺ-ն ավարտեց աշխատանքները, ընդունեց բոլոր օրինագծերը

ԱԺ-ն այսօր շարունակել է հերթական նիստի աշխատանքները: Օրակարգում մնացել էր քննարկման ենթակա երկու հարց, սակայն, ինչպես նիստի սկզբին տեղեկացրել է Արարատ Միրզոյանը, 2 հարցերը նախաձեռնողի առաջարկությամբ տեղափոխվել են հաջորդ հերթական նիստերի օրակարգ: Ըստ այդմ՝ քվեարկել և ընդունել են ուրբաթ քննարկված հետևյալ նախագծերը.

1. «Դիլիջանի միջազգային դպրոց» ծրագրի շրջանակներում հարկային եւ մաքսային արտոնություններ տրամադրելու մասին» Հայաստանի Հանրապետության օրենքում փոփոխություններ և լրացումներ կատարելու մասին հարցն ընդունվել է 82 կողմ, 1 դեմ, 16 ձայներով,
2. Արտակ Մանուկյանի կողմից ներկայացված Հայաստանի Հանրապետության հողային օրենսգրքում փոփոխություններ և լրացումներ կատարելու մասին և «Հրապարակային սակարկությունների մասին» օրենքում փոփոխություն կատարելու մասին օրենքների նախագծերի փաթեթն ընդունվել է երկրորդ ընթերցմամբ,
3. Վաղարշակ Հակոբյանի ներկայացրած «Տեղական ինքնակառավարման մասին» Հայաստանի Հանրապետության օրենքում փոփոխություն կատարելու մասին օրենքի նախագիծը ևս ընդունվել է երկրորդ ընթերցմամբ և ամբողջությամբ,
4. Նիկոլայ Բաղդասարյան, Սերգեյ Մովսիսյան, Վիկտոր Ենգիբարյան, Հովհաննես Հովհաննիսյանի ներկայացրած «Հուղարկավորությունների կազմակերպման եւ գերեզմանատների ու դիակիզարանների շահագործման մասին» օրենքում փոփոխություններ և լրացումներ կատարելու մասին և Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ եւ լրացումներ կատարելու մասին օրենքների նախագծերի փաթեթն ընդունվել է առաջին ընթերցմամբ 80 կողմ, 1 դեմ, 20 ձեռնպահ ձայներով,
5. «Լուսավոր Հայաստանի» ներկայացրած «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքում լրացում կատարելու մասին հարցն ընդունվել է երիկրորդ ընթերցմամբ 102 կողմ, 3 ձեռնպահ ձայներով,
6. «Լուսավոր Հայաստանի» ներկայացրած «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքում լրացում կատարելու մասին հաջորդ նախագիծը ևս ընդունվել է 103 կողմ, 2 ձեռնպահ ձայներով,
7. Նիկոլայ Բաղդասարյան, Նարեկ Ղահրամանյան, Վիկտոր Ենգիբարյան, Հայկ Ցիրունյան, Հովիկ Աղազարյան, Գևորգ Պապոյանի ներկայացրած «Քաղաքաշինության մասին» Հայաստանի Հանրապետության օրենքում փոփոխություններ և լրացումներ կատարելու մասին հարցն ընդունվել է 83 կողմ, 1 դեմ, 19 ձեռնօպահ ձայներով,
8. Արտաշես Պետրոսյանի ներկայացրած «Էներգախնայողության և վերականգնվող էներգետիկայի մասին» Հայաստանի Հանրապետության օրենքում լրացումներ կատարելու մասին հարցն առաջին ընթերցմամբ ընդունվել է 75 կողմ, 20 ձեռնպահ ձայներով,
9. «Իմ քայլի» պատգամավորների ներկայացրած Անձեռնմխելի կապիտալով հիմնադրամների մասին հարցն առաջին ընթերցմամբ ընդունվել է 76 կողմ, 2 դեմ, 21 ձեռնպահ ձայներով,
10. Կառավարության ներկայացրած «Պետական տուրքի մասին» Հայաստանի Հանրապետության օրենքում փոփոխություններ և լրացումներ կատարելու մասին հարցն ընդունվել է երկրորդ ընթերցմամբ և ամբողջությամբ,
11. Կառավարության ներկայացրած «Նորմատիվ իրավական ակտերի մասին» օրենքում փոփոխություններ և լրացումներ կատարելու մասին հարցն ընդունվել է 75 կողմ, 21 ձեռնպահ ձայներով,
12. «Իմ քայլի» պատգամավորների ներկայացրած Հայաստանի Հանրապետության քաղաքացիական օրենսգրքում լրացում կատարելու մասին հարցն ընդունվել է 78 կողմ, 16 ձեռնպահ ձայներով,
13. Արթուր Դավթյանի ներկայացրած «Սնանկության մասին» օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթն առաջին ընթերցմամբ ընդունվել է 77 կողմ, 13 դեմ, 6 ձեռնպահ ձայներով,
14. «Միջազգային քաղաքացիական ավիացիայի մասին» կոնվենցիայի 56-րդ հոդվածում փոփոխություն կատարելու մասին» արձանագրությունը վավերացնելու մասին օրենքի նախագիծն ընդունվել է 86 կողմ, 2 դեմ, 15 ձեռնպահ ձայներով,
15. «Միջազգային քաղաքացիական ավիացիայի մասին» կոնվենցիայի 50-րդ հոդվածի «ա» կետում փոփոխություն կատարելու մասին» արձանագրությունը վավերացնելու մասին օրենքի նախագիծն ընդունվել է 83 կողմ, 18 ձեռնպահ ձայներով,
16. «Մաքսային ծառայության մասին» օրենքում լրացումներ և փոփոխություն կատարելու մասին օրենքի նախագիծն առաջին ընթերցմամբ ընդունվել է 75 կողմ, 12 դեմ, 10 ձեռնպահ ձայներով,
17. Հայաստանի Հանրապետության հարկային օրենսգրքում լրացումներ կատարելու մասին հարցն ընդունվել է 75 կողմ, 7 դեմ, 14 ձեռնպահ ձայներով,
18. Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ և լրացումներ կատարելու մասին հարցն առաջին ընթերցմամբ ընդունվել է 73 կողմ, 17 դեմ, 3 ձեռնպահ ձայներով,
19. «Չափումների միասնականության ապահովման մասին» օրենքում լրացումներ և փոփոխություններ կատարելու մասին հարցն առաջին ընթերցմամբ ընդունվել է 83 կողմ, 2 դեմ, 18 ձեռնպահ ձայներով,
20. Կառավարության ներկայացրած «Տեղական ինքնակառավարման մասին» Հայաստանի Հանրապետության օրենքում փոփոխություն կատարելու մասին հարցն ընդունվել է 77 կողմ, 4 դեմ, 15 ձեռնպահ ձայներով առաջին ընթերցմամբ,
21. «Եվրասիական տնտեսական միության և իր անդամ պետությունների՝ մի կողմից, և Սերբիայի Հանրապետության՝ մյուս կողմից, միջև ազատ առևտրի մասին» համաձայնագիրը վավերացնելու մասին նախագիծն ընդունվել է 100 կողմ, 1 դեմ, 7 ձեռնպահ ձայներով,
22. «Պետական տուրքի մասին» օրենքում լրացում և փոփոխություն կատարելու մասին հարցն առաջին ընթերցմամբ ընդունվել է 73 կողմ, 5 դեմ, 13 ձեռնպահ ձայներով: