18:12 21.04.2021
Աշոցք խոշորացված համայնքի բնակիչներն այսօր առավոտյան փակել են Գյումրի-Բավրա միջպետական ճանապարհը: Մթերող ընկերությունները գյուղացիներին տեղյակ են պահել, որ այսօրվանից մեկ լիտր կաթի մթերման գինը նվազում է 10 դրամով՝ 150 դրամից դառնալով 140:
Մթերողները, ըստ գյուղացիների, խախտում են երկու տարի առաջ ձեռք բերած պայմանավորվածությունը, որով համաձայնել էին անփոփոխ գին սահմանել 150 դրամը: Գյուղացիները միջպետական ճանապարհը փակել են ու պահանջել կաթի գինը թողնել անփոփոխ: Ու սա, ըստ գյուղացիների, գնի նվազման միայն սկիզբն է՝ մթերման գինը շարունակաբար նվազելու է՝ կախված մթերվող կաթի քանակի ավելացումից:
«Անասնապահությունը գյուղատնտեսության ամենածանր ճյուղն է: Մենք այդ անասունների հաշվին ենք եկամուտ ստանում: Համաձայնել էինք 150 դրամով հանձնել կաթը: Հիմա նորից նվազեցնում են գինը: Մենք պահանջում ենք, որ կայուն գին սահմանվի՝ 150 դրամը պահպանվի: Զարմանալի է՝ խանութներում կաթնամթերքը թանկանում է, իսկ գյուղացուց էժան գնով են տանում»,- Shantnews-ին ասել են Աշոցքի բնակիչները:
2019-ին էին գյուղնախարարության միջնորդությամբ գյուղացիները մթերողների հետ համաձայնության եկել, որ կաթի մթերման գինը՝ 150 դրամը, անփոփոխ է մնալու: Հիմա գինը նվազեցնելու պատճառներ, ըստ գյուղացիների, մթերողները չեն նշել:
Աշոցք խոշորացված համայնքի 11 բնակավայրերը միասին շուրջ 11 հազար գլուխ խոշոր եղջերավոր անասուն ունեն: Գյուղացիական տնտեսություններում օրական արտադրվող կաթը գյուղացիները չեն կարող վերամշակել, ինչից էլ մթերողներն, ըստ նրանց, օգտվում են:
Կաթի մթերման գնի շուրջ քննարկում է նախատեսված գյուղացիների, մթերող ընկերությունների ներկայացուցիչների ու էկոնոմիկայի նախարարության միջև: Այս մասին գյուղացիներին տեղեկացրեց Շիրակի մարզպետը, որի հետ բողոքողները հեռախոսային կապ էին հաստատել:
«Միանշանակ, այնպիսի լուծում է գտնվելու, որ ժողովուրդը զգա, որ իր չարչարանքը գնահատված է: 3-4 օր է մենք զբաղվում ենք այդ հարցով, բայց լուծման վերջնական գործիքը պետության ձեռքում չէ: Ձեզանից 1-2 հոգու, համայնքի ղեկավարի հետ, կտեղեկացնենք ու կհրավիրենք քննարկման, տեղյակ կլինեք որոշումներից»,- գյուղացիների հետ հեռախոսազրույցում ասել է Շիրակի մարզպետ Հովհաննես Հարությունյանը:
Առաջիկայում եռակողմ հանդիպման ընթացքում կքննարկվեն մթերող ընկերությունների գնային առաջարկներն ու գյուղացիների պահանջը: Իսկ մինչ այդ, քննարկման արդյունքների պարզ դառնալը, Աշոցքի բնակիչները համաձայնեցին բացել ու չխոչընդոտել միջպետական ճանապարհի երթևեկությանը:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
16:43 04.08.2025
Շրջակա միջավայրի նախարարը և ՄԹ դեսպանը քննարկել են Հայաստանում կայանալիք COP17-ի կազմակերպչական հարցերըՇրջակա միջավայրի նախարար Համբարձում Մաթևոսյանը հանդիպել է Հայաստանում Միացյալ Թագավորության դեսպան Ջոն Գալագերի հետ, քննարկման առանցքում COP17-ի կազմակերպչական հարցերն էին: Հանդիպմանը մասնակցել է նախարարի տեղակալ Արամ Մեյմարյանը: Հանդիպման ընթացքում քննարկվել են 2026 թվականին Հայաստանում կայանալիք Կենսաբազմազանության մասին կոնվենցիայի կողմերի 17-րդ համաժողովի՝ COP17-ի կազմակերպչական հարցերը։ Անդրադարձ է կատարվել կազմակերպչական ողջ գործընթացին՝ ներառյալ ֆինանսական, տեխնիկական և գործընկերային […] ...
16:37 04.08.2025
ՆԳՆ շրջիկ սպասարկման գրասենյակները ծառայություններ կմատուցեն Շիրակի և Արագածոտնի մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ օգոստոսի 7-ին ծառայություններ կմատուցվեն․ ժամը 11:00-16:00-Շիրակի մարզի Անի համայնքում՝ համայնքապետարանի հարևանությամբ, ժամը 10:30-16:00-Արագածոտնի մարզի Արագած բնակավայրում՝ վարչական ղեկավարի գրասենյակի հարևանությամբ։ Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, […] ...
16:31 04.08.2025
Հայ շախմատիստների դիրքերը ՖԻԴԵ-ի աղյուսակումՇախմատի միջազգային ֆեդերացիան (ՖԻԴԵ) հրապարակել է շախմատիստների ամենամսյա դասակարգման աղյուսակը։ Տղամարդկանց դասակարգման աղյուսակը շարունակում է գլխավորել աշխարհի 16-րդ չեմպիոն Մագնուս Կառլսենը (Նորվեգիա, 2839 վարկանիշ)։ Լավագույն հնգյակում են նաև Հիկարու Նակամուրան (ԱՄՆ, 2807), Ֆաբիանո Կարուանան (ԱՄՆ, 2784), Ռամեշբաբու Պրագանանդհան (Հնդկաստան, 2779) և Արջուն Էրգիասին (Հնդկաստան, 2776)։ Աշխարհի գործող չեմպիոն Դոմարաջու Գուկեշը (Հնդկաստան) 2776 վարկանիշով 6-րդն է։ […] ...
16:25 04.08.2025
Ամփոփվել են Երևան քաղաքի քննչական վարչության և ենթակա քննչական ստորաբաժանումների 2025 թվականի առաջին կիսամյակում կատարված աշխատանքներըԱրթուր Պողոսյանի նախագահությամբ 2025 թվականի օգոստոսի 1-ին ամփոփվել են Երևան քաղաքի քննչական վարչության և ենթակա քննչական ստորաբաժանումների 2025 թվականի առաջին կիսամյակի ընթացքում կատարված աշխատանքները: Խորհրդակցությանը մասնակցել են ՀՀ քննչական կոմիտեի նախագահի տեղակալ Վազգեն Ավետիսյանը, Տարածքային քննչական վարչությունների գործունեության վերահսկողության գլխավոր վարչության պետի պաշտոնակատար Վահե Միրզոյանը, Հատուկ հանձնարարություններով գլխավոր վարչության պետ Արման Գալստյանը, Ներքին անվտանգության վարչության […] ...
16:18 04.08.2025
Շոգ օրեր, բարձր կարգի հրդեհավտանգ իրավիճակ. Գագիկ Սուրենյանը մանրամասներ է ներկայացրելՀուլիսին դիտված եղանակային, կլիմայական պայմանների վերլուծության, օգոստոս ամսվա ու առաջիկա օրերի եղանակային կանխատեսման և հանրապետության բարձր կարգի հրդեհավտանգ իրավիճակի մասին մանրամասներ է հայտնել Գագիկ Սուրենյանը: Ավելին՝ տեսանյութում: ...
16:12 04.08.2025
Հայտնաբերվել է 464 ոչ սթափ վարորդ․ պարեկների անցած շաբաթվա ծառայության արդյունքներըՀուլիսի 28-ից օգոստոսի 4-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 5448 խախտում՝ պահպանվող հատուկ տարածք տեղափոխելով 200 ավտոմեքենա։ Մասնավորապես, հայտնաբերվել է ոչ սթափ 210 վարորդ, առանց վարորդական իրավունքի վկայականի՝ 307 անձ։ Հայտնաբերվել է հաշվառման համարանիշի հետ կապված՝ 24, չամրակապված վարելու՝ 1161, առանց մանկական նստատեղի՝ քարսիթի՝ 18, վարելու ընթացքում ծխելու՝ 466, […] ...
