18:52 05.05.2021
Գյումրիում մեկնարկել է գերմանական KFW բանկի միջոցներով իրականացվող ջրահեռացման և ջրամատակարարման ցանցի նորացման ծրագրի երրորդ փուլը։ Հիշեցնենք՝ 2010-2015 թվականներին ծրագրի երկու փուլերով Գյումրիի մի շարք թաղամասերում, ինչպես նաև Ազատանում, Ախուրյանում և Մարալիկում ջրամատակարարման ցանցը նորացվեց, կառուցվեցին ու վերանորոգվեցին օրվա կարգավորիչ ջրամբարներ։ 6 տարվա դադարից հետո երրորդ փուլը մեկնարկել է Անի թաղամասից։ Այն համարվում է առաջնահերթ, քանի որ ջրագծերի նորոգումով է պայմանավորված, թե երբ թաղամասում ՎԶԵԲ ծրագրով փողոցաշինությունը կմեկնարկի։
Անի թաղամասը Գյումրիում համարվում է համեմատաբար նոր, 88-ից հետո է կառուցվել։ Ենթակառուցվածքներն էլ, համեմատ քաղաքի հին բնակֆոնդում եղածների, ընդամենը 33 տարվա են: Ջրագծերի վթարներ ոչ հաճախ, բայց լինում են։ Շինարարները գործող ջրագծերը շրջանցել են ու նոր համակարգ անցկացնելու համար խրամուղիներ փորել են նոր տեղում։
Գյումրիի ջրամատակարարման ու ջրահեռացման ցանցի քարտեզագրում, որպես այդպիսին, գոյություն չունի։ Այսինքն՝ պարզ չէ, թե խողովակները որտեղով են անցնում։ Սրանով էր պայմանավորված, որ ջրամատակարարման ցանցի նորացման ծրագրի նախորդ երկու փուլերի դեպքում բազմաթիվ խնդիրներ եղան։ Շինարարը խրամուղի էր փորում, հանդիպում կոյուղատարի կամ էլեկտրական մալուխի։ Ծրագրի ղեկավարն է նշում՝ Անի թաղամասում գործը փոքր-ինչ հեշտ է լինելու։
«Պայմանագրով նախատեսված է այս տարվա ավարտին վերջացնել ցանցի նորացումը Անի թաղամասում: Բավական մեծ ծավալ է: Մոտ 20 հազար մետր՝ 20 կմ ջրագծեր են և տնային միացումներ»,- SHANTNEWS-ին ասել է Գյումրիի ենթակառուցվածքների վերականգնման ծրագրի ղեկավար Գագիկ Կարապետյանը:
Անի թաղամասը շուրջօրյա ջրամատակարարում ունի։ Բայց ջուրը տեղ է հասնում մաշված ջրացանցով և գրեթե բոլոր շենքերում խմելու ջուրը նկուղներ է լցվում։ Ջրամատակարարման ցանցի նորացման ծրագրով նկուղներում ցանցի փոխարինում նախատեսված չէ։ Շինարարը նոր ջրագիծը հասցնելու է մինչև շենքերի դիտահորերը։ Շիրակի մարզում ծրագրի երրորդ փուլով նախատեսված է շուրջ 14 մլն եվրո արժողության ենթակառուցվածքների նորացում իրականացնել։ Ընդգրկվել են երկաթգծի բանավանը, Շիրակացի ու Կոմիտաս փողոցը, Ձորի թաղը և Անի թաղամասը։
«Ջրամատակարարման և ջրահեռացման ցանցերի նորոգման ծրագրի երրորդ փուլով ունենք նաև օրվա կարգավորիչ ջրամբարների վերանորոգում: Բավական մեծ ծավալի՝ շուրջ 8-10 կմ, ունենք կոյուղու համակարգի վերանորոգում: Տեսակարար կշիռը կոյուղու համակարգի այս փուլում բավականին մեծ է»,- նշել է Գագիկ Կարապետյանը:
Անի թաղամասի փողոցները ընդգրկված են ՎԶԵԲ հիմնանորոգման ծրագրում։ Անցած տարի շինաշխատանքները Անի թաղամաս չհասան, ջրագծերի նորոգման ծրագիրն էր ուշանում։ Հիմա պատվիրատուի՝ քաղաքապետարանի հետ որոշել են՝ որպես առաջնահերթություն Անի թաղամասից են աշխատանքները սկսելու: KFW-ի ծրագրի երրորդ փուլով նաև կոյուղու համակարգի նորացում է նախատեսված, ինչը չի եղել նախորդ երկու փուլերի դեպքում։
Գյումրիի 21 առանձին հատվածներում է կոյուղատար ցանցը վերանորոգվելու։ Ծրագրի երրորդ փուլով նախատեսված է նաև Ոսկեհասկ, Գետք, Ախուրիկ ու Երազգավորս գյուղերում ջրագծերի փոխարինում, իսկ Մայիսյանում օրվա կարգավորիչ ջրամբար է կառուցվելու։ Ընդհանուր, երրորդ փուլը շինարարն ավարտին է հասցնելու 2022 թվականի ապրիլ-մայիս ամիսներին։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
16:43 04.08.2025
Շրջակա միջավայրի նախարարը և ՄԹ դեսպանը քննարկել են Հայաստանում կայանալիք COP17-ի կազմակերպչական հարցերըՇրջակա միջավայրի նախարար Համբարձում Մաթևոսյանը հանդիպել է Հայաստանում Միացյալ Թագավորության դեսպան Ջոն Գալագերի հետ, քննարկման առանցքում COP17-ի կազմակերպչական հարցերն էին: Հանդիպմանը մասնակցել է նախարարի տեղակալ Արամ Մեյմարյանը: Հանդիպման ընթացքում քննարկվել են 2026 թվականին Հայաստանում կայանալիք Կենսաբազմազանության մասին կոնվենցիայի կողմերի 17-րդ համաժողովի՝ COP17-ի կազմակերպչական հարցերը։ Անդրադարձ է կատարվել կազմակերպչական ողջ գործընթացին՝ ներառյալ ֆինանսական, տեխնիկական և գործընկերային […] ...
16:37 04.08.2025
ՆԳՆ շրջիկ սպասարկման գրասենյակները ծառայություններ կմատուցեն Շիրակի և Արագածոտնի մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ օգոստոսի 7-ին ծառայություններ կմատուցվեն․ ժամը 11:00-16:00-Շիրակի մարզի Անի համայնքում՝ համայնքապետարանի հարևանությամբ, ժամը 10:30-16:00-Արագածոտնի մարզի Արագած բնակավայրում՝ վարչական ղեկավարի գրասենյակի հարևանությամբ։ Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, […] ...
16:31 04.08.2025
Հայ շախմատիստների դիրքերը ՖԻԴԵ-ի աղյուսակումՇախմատի միջազգային ֆեդերացիան (ՖԻԴԵ) հրապարակել է շախմատիստների ամենամսյա դասակարգման աղյուսակը։ Տղամարդկանց դասակարգման աղյուսակը շարունակում է գլխավորել աշխարհի 16-րդ չեմպիոն Մագնուս Կառլսենը (Նորվեգիա, 2839 վարկանիշ)։ Լավագույն հնգյակում են նաև Հիկարու Նակամուրան (ԱՄՆ, 2807), Ֆաբիանո Կարուանան (ԱՄՆ, 2784), Ռամեշբաբու Պրագանանդհան (Հնդկաստան, 2779) և Արջուն Էրգիասին (Հնդկաստան, 2776)։ Աշխարհի գործող չեմպիոն Դոմարաջու Գուկեշը (Հնդկաստան) 2776 վարկանիշով 6-րդն է։ […] ...
16:25 04.08.2025
Ամփոփվել են Երևան քաղաքի քննչական վարչության և ենթակա քննչական ստորաբաժանումների 2025 թվականի առաջին կիսամյակում կատարված աշխատանքներըԱրթուր Պողոսյանի նախագահությամբ 2025 թվականի օգոստոսի 1-ին ամփոփվել են Երևան քաղաքի քննչական վարչության և ենթակա քննչական ստորաբաժանումների 2025 թվականի առաջին կիսամյակի ընթացքում կատարված աշխատանքները: Խորհրդակցությանը մասնակցել են ՀՀ քննչական կոմիտեի նախագահի տեղակալ Վազգեն Ավետիսյանը, Տարածքային քննչական վարչությունների գործունեության վերահսկողության գլխավոր վարչության պետի պաշտոնակատար Վահե Միրզոյանը, Հատուկ հանձնարարություններով գլխավոր վարչության պետ Արման Գալստյանը, Ներքին անվտանգության վարչության […] ...
16:18 04.08.2025
Շոգ օրեր, բարձր կարգի հրդեհավտանգ իրավիճակ. Գագիկ Սուրենյանը մանրամասներ է ներկայացրելՀուլիսին դիտված եղանակային, կլիմայական պայմանների վերլուծության, օգոստոս ամսվա ու առաջիկա օրերի եղանակային կանխատեսման և հանրապետության բարձր կարգի հրդեհավտանգ իրավիճակի մասին մանրամասներ է հայտնել Գագիկ Սուրենյանը: Ավելին՝ տեսանյութում: ...
16:12 04.08.2025
Հայտնաբերվել է 464 ոչ սթափ վարորդ․ պարեկների անցած շաբաթվա ծառայության արդյունքներըՀուլիսի 28-ից օգոստոսի 4-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 5448 խախտում՝ պահպանվող հատուկ տարածք տեղափոխելով 200 ավտոմեքենա։ Մասնավորապես, հայտնաբերվել է ոչ սթափ 210 վարորդ, առանց վարորդական իրավունքի վկայականի՝ 307 անձ։ Հայտնաբերվել է հաշվառման համարանիշի հետ կապված՝ 24, չամրակապված վարելու՝ 1161, առանց մանկական նստատեղի՝ քարսիթի՝ 18, վարելու ընթացքում ծխելու՝ 466, […] ...
