12:07 20.05.2021
ՀՀ կրթության, գիտության, մշակույթի և սպորտի նախարարի պաշտոնակատար Վահրամ Դումանյանը և նախարարի տեղակալ Կարեն Թռչունյանն այցելել են Բարձրագույն որակավորման կոմիտե՝ ծանոթանալու ընթացիկ աշխատանքներին և քննարկելու ոլորտում բարեփոխումների հնարավոր տարբերակները։
ԲՈԿ-ի նախագահ Կարեն Քեռյանի և աշխատակիցների հետ հանդիպման ընթացքում ԿԳՄՍ նախարարի պաշտոնակատարն անդրադարձել է «սև» ընդդիմախոսների համակարգին, գիտական աստիճանաշնորհման կարգի հնարավոր փոփոխություններին, մասնագիտական խորհուրդների գործունեությանը: Վահրամ Դումանյանը նախ կարևորել է այդօրինակ հանդիպումները՝ փաստելով, որ դրանք առկա խնդիրների մասին համակողմանի պատկերացում կազմելու և դրանց շուրջ անկաշկանդ քննարկում ծավալելու և լուծումներ նախանշելու հնարավորություն են ընձեռում:
«Մասնագիտական խորհրդի անդամների և «սև» ընդդիմախոսի մասնագիտական արժանապատվությունը և որակները չպետք է կասկածի տեղիք տան, հակառակը նշանակում է փոփոխությունների անհրաժեշտություն: Գիտական աշխատանքների պաշտպանության գործընթացի հուսալիությունը չափազանց կարևոր է: Պետք է բացառել կաշկանդվածությունը, և «ով «սև» ընդդիմախոս չէ, կաշկանդված է» երևույթը: Այո՛, այս ոլորտում անհրաժեշտ է լինել բծախնդիր, սակայն այդ բծախնդրությունն էլ պետք է լինի իմաստավորված և տրամաբանության սահմաններում»,- ասել է ԿԳՄՍ նախարարի պաշտոնակատարը և ընդգծել, որ հնարավոր բարեփոխումները պետք է համապատասխանեն հայաստանյան ներկայիս գիտական ներուժին:
ԲՈԿ-ի նախագահ Կարեն Քեռյանը ներկայացրել է ընթացիկ աշխատանքները և բարեփոխումների տեսլականը: Նրա խոսքով՝ փոփոխությունների համար նախ պետք է հստակ գնահատել ոլորտի ներկայիս վիճակը. «Կարևորում ենք Գիտության կոմիտեի հետ համատեղ աշխատանքը՝ ներկայիս ներուժը և արտասահմանում բնակվող մեր հայրենակից գիտնականներին պաշտպանության գործընթացներում ներգրավելու հնարավորությունները հասկանալու տեսանկյունից, քանի որ չափանիշներ ու պահանջներ սահմանելուց առաջ պետք է հստակ հասկանանք՝ արդյո՞ք դրանք համապատասխանում են մեր ունեցած հնարավորություններին»:
Խոսելով գիտական աշխատանքների պաշտպանության հուսալիության մասին՝ ԿԳՄՍ նախարարի տեղակալ Կարեն Թռչունյանն առաջարկել է դիտարկել ոլորտային նեղ մասնագետների ներգրավվածությամբ մեկանգամյա մասնագիտական խորհուրդներ կազմելու հնարավորությունը, ինչը, փոխնախարարի խոսքով, կբարձրացնի գործընթացի արդյունավետությունն ու անաչառությունը:
ԿԳՄՍ նախարարի պաշտոնակատար Վահրամ Դումանյանը նշել է, որ բարեփոխումների բոլոր ձևաչափերն անհրաժեշտ է շարունակաբար քննարկել և միայն դրանց արդյունավետության նկատմամբ լիակատար վստահության դեպքում կատարել կանոնադրության վերանայումներ:
Հանդիպման ընթացքում արծարծվել են նաև գիտական աստիճանավորման համար սահմանված պահանջների արդիականացմանը, կոմիտեի՝ գիտական պարբերականների նկատմամբ քաղաքականությանը, գիտական աշխատանքների թեմատիկ վիճակագրությանը վերաբերող և ոլորտային այլ հարցեր:
«Թեմաները զգայուն են, չկան պարզ լուծումներ, բայց կա մշտապես զգոն և բարեփոխումների հարցում ճկուն լինելու անհրաժեշտություն»,- եզրափակել է ԿԳՄՍ նախարարի պաշտոնակատար Վահրամ Դումանյանը և շնորհակալություն հայտնել անկեղծ ու շահագրգիռ քննարկման համար:
12:50 30.04.2025
Քննարկվել է Քաջարան-Ագարակ ճանապարհի կառուցման ընթացքը
12:39 30.04.2025
ԱՄՆ-ը ձգտում է կանխել Իրանի՝ միջուկային զենք ստանալը. ՈւոլցԱՄՆ-ը քննարկում է Իրանի միջուկային ծրագիրը սահմանափակելու բոլոր տարբերակները։ Այս մասին հայտարարել է ԱՄՆ ազգային անվտանգության հարցերով խորհրդական Մայք Ուոլցը։ «Բոլոր տարբերակները սեղանին են: Իրանը չպետք է միջուկային զենք ունենա, նախագահը (Դոնալդ Թրամփը) բացարձակ լուրջ է վերաբերվում դրան»,- ասել է Ուոլցը New York Post-ին՝ մեկնաբանելով Իրանի միջուկային օբյեկտներին հարվածելու հնարավորության մասին հայտարարությունները: Նախագահի օգնականը հույս […] ...
12:35 30.04.2025
Մայիսի 2-5-ին սպասվում է կարճատև անձրև և ամպրոպ, քամու ուժգնացումԵրևանում ապրիլի 30-ին կեսօրից հետո, մայիսի 1-ին երեկոյան, մայիսի 2-5-ին սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում 15-18 մ/վ արագությամբ: Մարզերում ապրիլի 30-ի և մայիսի 1-ի ցերեկը, մայիսի 2-3-ի գիշերն առանձին շրջաններում, 2-ի և 4-ի ցերեկը, 5-ին շրջանների զգալի մասում սպասվում է կարճատև անձրև և ամպրոպ, 2-ի ցերեկն առանձին վայրերում՝ հորդառատ։ […] ...
12:24 30.04.2025
Առաջարկվող փոփոխությամբ կդյուրացվի ՀՀ-ի և Ղազախստանի միջև ավտոմոբիլային տրանսպորտով բեռնափոխադրումների գործընթացըՀայաստանի եւ Ղազախստանի միջեւ ավտոմոբիլային հաղորդակցությունը կանոնակարգվում է 2006 թվականին ստորագրված «Ավտոմոբիլային հաղորդակցության մասին» համաձայնագրով, որով հիմնականում կարգավորվում է միջպետական կանոնավոր ու ոչ կանոնավոր ուղեւորափոխադրումներն ու բեռնափոխադրումների ոլորտը: Այս մասին ասել է ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանը Տնտեսական հարցերի մշտական հանձնաժողովի՝ ապրիլի 30-ի նիստում: Քննարկվել է ««ՀՀ կառավարության եւ Ղազախստանի Հանրապետության […] ...
12:20 30.04.2025
Իրանը խորհրդակցություններ կանցկացնի «եվրոեռյակի» հետ՝ ԱՄՆ-ի հետ բանակցություններից առաջԻրանը նախատեսում է խորհրդակցություններ անցկացնել «եվրոեռյակի» (Գերմանիա, Մեծ Բրիտանիա և Ֆրանսիա) հետ՝ իրանական միջուկային ծրագրի շուրջ ԱՄՆ-ի հետ բանակցություններից առաջ։ Այս մասին հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։ «Կարծում եմ՝ երեք եվրոպական երկրների դերը (իրանյան միջուկային ծրագրի հարցում) նվազել է նրանց կողմից որդեգրված սխալ քաղաքականության պատճառով։ Այդ պատճառով մենք պատրաստ ենք […] ...
12:12 30.04.2025
Ներկայացվել է մայիս ամսվա եղանակի կանխատեսումը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է մայիս ամսվա եղանակի կանխատեսումը։ Նշվում է, որ օդի ամսական միջին ջերմաստիճանը և տեղումների քանակը սպասվում է նորմային մոտ։ ...
