19:21 24.05.2021
ՀՀ և ԱՄՆ քաղաքացիություն ունեցող անձից հաղորդում է ստացվել այն մասին, որ բնակարան գնելու պատրվակով իրենից 9000 ԱՄՆ դոլար գումար է խարդախությամբ հափշտակվել:
Հաղորդման հիման վրա նյութերի նախապատրաստման ընթացքում տվյալներ են ձեռք բերվել այն մասին, որ հիշյալ քաղաքացին 2020թ. սեպտեմբերին Ադրբեջանի Հանրապետության կողմից սանձազերծված պատերազմի ընթացքում որոշել է Արցախից Երևան տեղափոխված փախստական որևէ ընտանիքի տեղավորելու նպատակով բնակարան գնել: Տեսնելով օնլայն գնումների հարթակում՝ https://erevan.unibo.ru/m19080814/dvuh-komnatnaya-ne-dorogo.htm կայքում, տեղակայված Երևանի Սարյան փողոցում 18.000 ԱՄՆ դոլար արժողությամբ երկու սենյականոց բնակարանի վաճառքի մասին հայտարարություն՝ հեռախոսով կապ է հաստատել «բնակարանի սեփականատիրոջ»՝ «Վլադիմիրի» հետ: Վերջինս հայտնել է, որ բնակվում է Պորտուգալիայում և գնորդից պահանջել, որ նա իր իսկ հաշվեհամարին փոխանցի բնակարանի արժեքի կեսը՝ 9000 ԱՄՆ դոլար գումարը, կտրոնը նկարի և ուղարկի իրեն, որպեսզի համոզվի, որ այն գնելու համար գնորդն ունի անհրաժեշտ գումարը:
Պայմանավորվածության համաձայն՝ գնորդը հայաստանյան բանկերից մեկի մասնաճյուղից 2020թ. հոկտեմբերի 15-ին 9.000 ԱՄՆ դոլար գումար է փոխանցել «MoneyGramm» փոխանցման համակարգի իր հաշվեհամարին, որից հետո կտրոնը նկարել և ուղարկել է բնակարանն իբր վաճառող անձին: Մի քանի օր անց վերջինս կրկին հաղորդագրություն է ուղարկել գնորդին՝ մնացած 9.000 ԱՄՆ դոլար գումարն ուղարկելու պահանջով, ինչին նա չի համաձայնել: Կասկածելով, որ հնարավոր է խաբեության զոհ է դարձել, գնորդը ցանկացել է հետ ստանալ իր հաշվեհամարին փոխանցված գումարը, սակայն բանկից տեղեկացել է, որ ողջ գումարը ՌԴ Սարատովի մարզում իր իսկ անունով կանխիկացվել է:
Փաստի առթիվ ՀՀ ոստիկանության Երևան քաղաքի քննչական վարչության Շենգավիթի բաժնում հարուցվել է քրեական գործ՝ խարդախության հատկանիշներով, որի նախաքննությունը կատարվում է ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում:
Նախաքննության ընթացքում իրականացվել են քննչական և դատավարական այլ գործողություններ, որոնց արդյունքում պարզվել է խարդախության մեխանիզմը: Քննությամբ տվյալներ են ձեռք բերվել նաև հիշյալ անձի կողմից նույն տարբերակով մեկ այլ անձի հետ գործարք կատարելու փորձ վերաբերյալ:
Նախաքննությունը շարունակվում է:
Ձեռնարկվում են միջոցառումներ՝ «Վլադիմիր» անվամբ ներկայացած անձի ինքնությունը պարզելու, նրա գործողություններից տուժած հնարավոր այլ անձանց հայտնաբերելու ուղղությամբ:
Վարույթն իրականացնող մարմինը հորդորում և զգուշացնում է քաղաքացիներին լինել զգոն՝ խարդախությունների զոհ չդառնալու համար, միաժամանակ խնդրում բոլոր այն քաղաքացիներին, ովքեր, հնարավոր է, տուժել են վերը նկարագրված անձի գործողություններից, դիմեն ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժին կամ ՀՀ ոստիկանության մոտակա բաժին:
10:24 22.06.2025
ԱՄՆ-ն պատերազմ է սկսել՝ միջուկային օբյեկտներին հարվածելով. Իրանի ԱԳՆՄիացյալ Նահանգները պատերազմը սկսեց՝ հարվածելով Իրանի միջուկային օբյեկտներին, հայտարարել է Իսլամական Հանրապետության արտաքին գործերի նախարարությունը։ «Աշխարհը չպետք է մոռանա, որ հենց Միացյալ Նահանգներն էր, որ դիվանագիտական գործընթացի ընթացքում դավաճանեց դիվանագիտությանը, աջակցեց Իսրայելի ագրեսիվ և դավաճանական գործողություններին, իսկ այժմ, օրենքի խախտումն ավարտելով և սիոնիստական ռեժիմի հանցագործությունները լրացնելով, վտանգավոր պատերազմ է սկսել Իրանի դեմ», – ընդգծել է […] ...
10:11 22.06.2025
Իրանը հրթիռակոծել է Իսրայելի Թել Ավիվ և Հայֆա քաղաքներըԻրանն այսօր հրթիռակոծել է Իսրայելի Թել Ավիվ և Հայֆա քաղաքները: Ըստ իսրայելական լրատվամիջոցների՝ Իրանի կողմից արձակվել է մոտ 20 հրթիռ։ «Իսրայելում կիրակի առավոտյան Իրանից հրթիռակոծության հետևանքով վիրավորվել է առնվազն 11 մարդ»,- հայտնել է Իսրայելի արտակարգ իրավիճակների ծառայությունը: ...
10:01 22.06.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
09:24 22.06.2025
Իրանը ՄԱԿ-ի Անվտանգության խորհրդի արտակարգ նիստ է պահանջումԻրանին ԱՄՆ-ի կողմից հասցված հարվածները միջազգային իրավունքի և ՄԱԿ-ի կանոնադրության կոպիտ խախտում են, հայտարարել է համաշխարհային կազմակերպությունում Իրանի մշտական ներկայացուցիչ Ամիր Սաիդ Իրավանին։ «Կասկած չկա, որ ԱՄՆ ռազմական ագրեսիան Իրանի ինքնիշխանության և տարածքային ամբողջականության դեմ միջազգային իրավունքի և ՄԱԿ-ի կանոնադրության մեջ ամրագրված պարտադիր միջազգային նորմերի կոպիտ խախտում է», – գրել է Իրավանին ՄԱԿ-ի Անվտանգության խորհրդի […] ...
09:12 22.06.2025
ԱՄՆ-ի կողմից միջուկային օբյեկտներին հարվածելուց հետո Իրանում ռադիոակտիվ արտահոսք չի հայտնաբերվելԻրանի ատոմային էներգիայի կազմակերպությունը որևէ ռադիոակտիվ արտահոսք չի հայտնաբերել Սպահանի, Նաթանզի և Ֆորդոյի միջուկային օբյեկտներին ԱՄՆ-ի կողմից հասցված հարվածներից հետո, ասվում է գործակալության հայտարարության մեջ։ «Մենք անմիջապես իրականացրեցինք անհրաժեշտ ստուգումներ՝ հարձակման ենթարկված օբյեկտների տարածքում ռադիոակտիվ նյութերի հնարավոր արտահոսքի հայտնաբերման նպատակով։ Բնակչության համար սպառնալիք չկա», -ըստ Իրանի պետական IRNA լրատվական գործակալության՝ ասել է կարգավորող մարմինը: ...
09:05 22.06.2025
ԱՄՆ-ն պատրաստ է րոպեների ընթացքում Իրանում լրացուցիչ թիրախներ ոչնչացնել. ԹրամփՄիացյալ Նահանգները պատրաստ է անհրաժեշտության դեպքում մի քանի րոպեի ընթացքում ոչնչացնել Իրանում լրացուցիչ թիրախներ, հայտարարել է ԱՄՆ նախագահ Դոնալդ Թրամփը Սպիտակ տանը իր հայրենակիցներին ուղղված հեռուստատեսային ուղերձում՝ կապված Իրանին հասցված հարվածների հետ։ «Եթե խաղաղությունը արագ չհաստատվի, մենք կհարձակվենք այլ թիրախների վրա ճշգրտությամբ, արագությամբ և հմտությամբ։ Դրանց մեծ մասը կարող է ոչնչացվել մի քանի րոպեի ընթացքում», […] ...
