19:58 05.06.2021
Շիրակի մարզում այս տարի իրականացվող ճանապարահաշինական աշխատանքների բյուջեն կազմում է 24 մլրդ 350 մլն դրամ: Այս գումարային հաշվարկում Գյումրիի փողոցաշինական ծրագիրն է, ինչպես նաև Հյուսիս-հարավի Տրանշ 3-ը: Այս տարի կհիմնանորոգվեն նաև մի շարք մարզային, տեղական նշանակության ճանապարհներ: Հավելյալ 3 ճանապարհահատվածի հիմնանորոգման հարցը քննարկվում է ըստ ֆինանսական միջոցների առկայության: Խոսքը Գյումրի-Հացիկ,Վարդաքար-Այգաբաց, Նոր Կյանք-Փանիկ-Փոքր Մանթաշ հատվածների մասին է:
Գյումրի-Հացիկ ճանապարհի հարթեցումը 30տարի պարտադիր ամենամսյա գործ է դարձել, որին նաև գյուղացիներն են մասնակցում, գիտեն, որ գյուղի ճամփան անցանելի պահելու միակ տարբերակն է:
Հիմնանորոգման նախագծանախահաշվային աշխատանքներն անցած տարի են կատարվել: Պարզել են անհրաժեշտ գումարի չափը: Հաշվարկը կարևոր է ճանապարհը հիմնանորոգման ծրագրերում ընդգրկելու համար:
«30 տարի անմխիթար վիճակում է: Ոչ մի անգամ հիմնանորոգման ծրագրերում չի ընդգրկվել: 2012 թվականին է ընդգրկվել պետական ծրագիր, որով ավազակոպճային հարթեցում է կատարվել ու ընդամենը դա է եղել: Իսկ անցած տարի նախահաշիվ են արել: Ըստ այդմ, պարզվեց, որ ճանապարհի հիմնանանորոգումը կարժենա 350-400 մլն դրամ»,-SHANTNEWS-ի հետ զրույցում ասել է Հացիկ գյուղի վարչական ղեկավար Կարեն Պետրոսյանը:
Համաշխարհային բանկի կենսական նշանակության ճանապարհների բարեկարգման ծրագրում ճանապարհահատվածները հերթի են դրվում: Հացիկի ճամփան էլ այդ հերթում է: Շիրակի մարզպետարանի տրանսպորտի բաժնի պետը նշում է՝ անցած տարի նույն ծրագրում Կամո գյուղի ճանապարհահատվածն ընդգրկվեց: Աշնանը հին ասֆալտը հեռացվեց, հիմա էլ նորի համար հիմքն են կառուցում:
Կամոյի ճանապարհը մինչև աշուն ասֆալտապատ կդառնա: Իսկ նույն ծրագրում ընդգրկված Հացիկի ճամփան հնարավոր է ավելի շուտ բարեկարգվի, բայց արդեն ոչ թե Համաշխարհային բանկի, այլ պետական ծրագրով:
«Գյումրի-Հացիկ, Վարդաքար-Այգաբաց և Նոր Կյանք-Փանիկ-Փոքր Մանթաշ ճանապարհների հիմնանորոգումը քննարկվում է: Նախագծանախահաշվային փաստաթղթերն անցած տարի են կատարվել, դրանք պատրաստ են: Անցած տարի, ելնելով ֆինանսական սղությունից, դուրս էին մնացել, բայց նորից այդ հարցը քննարկվում է: Մրցութային գործընթացն ավարտելուց հետո մնացորդային գումարների շրջանակներում կքննարկվի 3 ճանապարհների հարցը և հնարավոր է ընդգրկվեն 2021-ի ծրագիր »,-SHANTNEWS -ին ասել է Շիրակի մարզպետարանի տրանսպորտի և ճանապարհաշինության բաժնի պետ Խաչատուր Խնձրցյանը:
Երեք ճանապարհների հիմնանորոգումը կախված է նրանից, թե այս տարվա ծրագրում ընդգրկված ճանապարհների մրցութային փուլից հետո, ինչքան գումար կավելանա: Շինմրցույթների առաջին փուլն ավարտված է: Հստակ հիմնանորոգման աշխատանքներ կսկսվեն Վարդաքար-Աշոցք, Աշոցք-Ամասիա, Գյումրի-Կապս-Ամասիա ճանապարհի Արեգնադեմի հատվածում, ինչպես նաև Արթիկ-Պեմզաշեն և Անուշավան-Փանիկ ճանապարհներին:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
15:14 04.08.2025
Պեսկովը բարձր է գնահատել ԱՄՆ-ի ջանքերը Ուկրաինայի հարցում միջնորդելու վերաբերյալԱՄՆ-ի ջանքերը Ուկրաինայի հարցում միջնորդելու մասով կարևոր են, այդ թվում՝ Մոսկվայի և Կիևի միջև ուղիղ բանակցությունների համատեքստում, հայտարարել է Ռուսաստանի նախագահի մամուլի քարտուղար Դմիտրի Պեսկովը։ «Այս ջանքերը շատ կարևոր են, այդ թվում՝ ռուս-ուկրաինական ուղիղ բանակցությունների ընթացիկ գործընթացի համատեքստում։ Աշխատանքը շարունակվում է», – լրագրողներին ասել է Պեսկովը։ ...
15:08 04.08.2025
Արագածոտնի մարզի Ոսկեվազ և Սասունիկ բնակավայրերում փորձարկվելու են էլեկտրական շչակներՕգոստոսի 5-ին՝ ժամը 11:00-ին, Արագածոտնի մարզի Ոսկեվազ, իսկ ժամը 12:30-ին Սասունիկ բնակավայրերում փորձարկվելու են էլեկտրական շչակներ։ Այս մասին հայտնում են ՆԳՆ փրկարար ծառայությունից։ ...
15:05 04.08.2025
Իսրայելի արտգործնախարարը ՄԱԿ-ում կքննարկի պատանդների հետ կապված իրավիճակըԻսրայելի արտաքին գործերի նախարար Գիդեոն Սաարը հայտարարել է, որ երկուշաբթի օրը կմեկնի Նյու Յորք՝ ՄԱԿ-ի Անվտանգության խորհրդի նիստում ելույթ ունենալու համար, որտեղ կքննարկի Գազայի հատվածում պաղեստինյան ՀԱՄԱՍ շարժման կողմից պահվող պատանդների հետ կապված իրավիճակը։ Մերձավոր Արևելքի կարգավորման և Պաղեստինի պետության ճանաչման հեռանկարներին նվիրված համաժողովը սկսվել է երկուշաբթի օրը ՄԱԿ-ի կենտրոնակայանում։ «Այսօր երեկոյան (երկուշաբթի՝ խմբ.) ես […] ...
14:50 04.08.2025
ՆԳՆ ՓԾ ճգնաժամային կառավարման ազգային կենտրոնում գրանցվել է 915 դեպք, որից 437-ը՝ արտակարգՀուլիսի 28-ից օգոստոսի 3-ը ՆԳՆ ՓԾ ճգնաժամային կառավարման ազգային կենտրոնում գրանցվել է 915 դեպք, որից 437-ը՝ արտակարգ: Մասնավորապես՝ հրդեհի՝ 331, փլուզման, դիակի հայտնաբերման, ջրահեղձման, դժբախտ պատահարի` 1-ական, քարաթափման, բնական հրդեհի, երկրաշարժի, զինամթերքի հայտնաբերման, որոնողափրկարարական՝ 2-ական, ուժեղ կարկուտի՝ 3, ջրային տրանսպորտի մասնակցությամբ պատահարի՝ 4, վայրի կենդանիների հարձակման՝ 10, կեղծ ահազանգի, թունավորման` 13-ական, օձի նկատման՝ 58, ինքնասպանության […] ...
14:40 04.08.2025
Վահագն Խաչատուրյանն աշխատանքային այցով մեկնել է ԹուրքմենստանՀանրապետության նախագահ Վահագն Խաչատուրյանը 2025 թվականի օգոստոսի 4-ից-7-ն աշխատանքային այցով կմեկնի Թուրքմենստան՝ մասնակցելու Դեպի ծով ելք չունեցող և տարանցիկ զարգացող երկրների երրորդ միջազգային համաժողովին, որն անցկացվում է Միավորված ազգերի կազմակերպության հովանու ներքո։ Համաժողովը կազմակերպվում է յուրաքանչյուր տասնամյակում մեկ անգամ և նպատակ ունի ամփոփելու նախորդ ծրագրերի արդյունքները, ինչպես նաև սահմանելու զարգացման նոր ուղենիշներ դեպի ծով ելք […] ...
