17:50 26.06.2021
Սննդային թունավորումով Գյումրիի ինֆեկցիոն հիվանդանոց տեղափոխվածների մոտ հայտնաբերվել է ստաֆիլակոկի հարուցիչ: Այս մասին SHANTNEWS-ին ասել է Գյումրիի ինֆեկցիոն հիվանդանոցի բժիշկ-վարակաբան Կարինե Տոնոյանը:
Հիշեցնենք, երեկ Գյումրիի ինֆեկցիոն հիվանդանոց էին տեղափոխվել 23 քաղաքացիներ, նրանց թվում 16 երեխա: Այս պահին բուժումը շարունակում է 8-ը, 15-ն այսօր են դուրս գրվել հիվանդանոցց։ Տեղափոխվածները Այրում քաղաքի միջնակարգ դպրոցի ուսուցիչները, աշակերտներն ու նրանց ծնողներն են, որոնք եկել էին Գյումրիի տեսարժան վայրերն այցելելու: Ճանապարհին իրենց հետ բերած մսային ուտեստ՝ քաբաբ են կերել, ինչն էլ, ըստ նախնական վարկածի, թունավորման պատճառ է դարձել:
Միայն քաբաբն է, որ բոլորը միասին են կերել ու 43-ի մոտ էլ ինքնազգացողության վատացում է սկսվել: Դրա համար էլ, մինչ լաբորատոր հետազոտության արդյունքների պարզ դառնալը, համոզված են, որ պատճառը մսային ուտեստն էր: Առավել ևս, որ ճանապարհին սննդամթերքի պահպանման պայմաններ չեն եղել:
Բժիշկները բացատրում են՝ պարտադիր չէ, որ սննդամթերքը տարօրինակ հոտ կամ համ ունենա: Միկրոբների առկայությունն է թունավորման պատճառ դառնում: 43 հոգանոց խմբից 20-ի ինքնազգացողությունը լավ է եղել, նրանք տուն են վերադարձել, հոսպիտալացվել է 23-ը: Այսինքն՝ սննդային թունավորման դրսևորումները բոլորի մոտ չէ, որ խիստ արտահայտված են եղել:
«Նշանակություն ունի, թե որտեղ է ավելի շատ միկրոբ եղել, սննդամթերքի որ հատվածում են դրանք կուտակվել և թունավորում առաջացրել, որովհետև նման է ստաֆիլակոկային թունավարակի։ Նշանակություն ունի նաև մարդու կերած չափաբաժինը, նրա օրգանիզմի ընդհանուր դիմադրողականությունը: Սնունդը իրենց հետ են բերել , տոպրակի մեջ է եղել և հնարավոր է մի մասը տաքացել է, ավելի շատ փչացել, քան մյուս մասը: Երեկ երեկոյան հիվանդները ունեցել են ջերմություն, լուծ: Փսխումին միացել է նաև լուծն ու ցավերը որովայնի շրջանում: Այսօր համեմատաբար դրական տեղաշարժով է ընդհանուր բոլորի վիճակները»,- SHANTNEWS-ին ասել է Գյումրիի ինֆեկցիոն հիվանդանոցի բժիշկ-վարակաբան Կարինե Տոնոյանը:
Բժիշկները խորհուրդ են տալիս շոգ եղանակին, աղիքային վարակներից խուսափելու համար, օգտագործել շատ հեղուկներ և հատկապես երկար ճանապարհ գնալիս , վերցնել այնպիսի սննդամթերք, որը ճանապարհին չի փչանա, իսկ մսային ուտեստների համար, ապահովել տեղափոխման ու պահպանման սառնարանային պայմաններ:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
14:50 04.08.2025
ՆԳՆ ՓԾ ճգնաժամային կառավարման ազգային կենտրոնում գրանցվել է 915 դեպք, որից 437-ը՝ արտակարգՀուլիսի 28-ից օգոստոսի 3-ը ՆԳՆ ՓԾ ճգնաժամային կառավարման ազգային կենտրոնում գրանցվել է 915 դեպք, որից 437-ը՝ արտակարգ: Մասնավորապես՝ հրդեհի՝ 331, փլուզման, դիակի հայտնաբերման, ջրահեղձման, դժբախտ պատահարի` 1-ական, քարաթափման, բնական հրդեհի, երկրաշարժի, զինամթերքի հայտնաբերման, որոնողափրկարարական՝ 2-ական, ուժեղ կարկուտի՝ 3, ջրային տրանսպորտի մասնակցությամբ պատահարի՝ 4, վայրի կենդանիների հարձակման՝ 10, կեղծ ահազանգի, թունավորման` 13-ական, օձի նկատման՝ 58, ինքնասպանության […] ...
14:40 04.08.2025
Վահագն Խաչատուրյանն աշխատանքային այցով մեկնել է ԹուրքմենստանՀանրապետության նախագահ Վահագն Խաչատուրյանը 2025 թվականի օգոստոսի 4-ից-7-ն աշխատանքային այցով կմեկնի Թուրքմենստան՝ մասնակցելու Դեպի ծով ելք չունեցող և տարանցիկ զարգացող երկրների երրորդ միջազգային համաժողովին, որն անցկացվում է Միավորված ազգերի կազմակերպության հովանու ներքո։ Համաժողովը կազմակերպվում է յուրաքանչյուր տասնամյակում մեկ անգամ և նպատակ ունի ամփոփելու նախորդ ծրագրերի արդյունքները, ինչպես նաև սահմանելու զարգացման նոր ուղենիշներ դեպի ծով ելք […] ...
14:32 04.08.2025
Ալափարսի բնակչի տնամերձ հողամասում հայտնաբերվել է կանեփի 223 թուփ. Չարենցավանի ոստիկանների բացահայտումըՀուլիսի 29-ին Համայնքային ոստիկանության Չարենցավանի բաժնի ծառայողները ստացել էին փաստական տվյալ, որ Կոտայքի մարզի Ալափարս գյուղի բնակիչ 61-ամյա տղամարդը տնամերձ հողամասում աճեցնում է կանեփ։ Չարենցավանի քննչական բաժնում նախաձեռնաված քրեական վարույթի շրջանակում հուլիսի 31-ին կատարված զննությամբ տղամարդու հողամասում և ծաղկանոցում հայտնաբերվել է կանեփի 223 թուփ։ Հայտնաբերվել են նաև կանեփանման կիսաչոր զանգվածներ։ Հանգամանքները նախաքննությամբ պարզվում են: ...
14:20 04.08.2025
Պարկում նռնակ, «Նագան» և սվին դանակ. զենք-զինամթերքի կամավոր հանձնում Սևանի բաժնումՀուլիսի 31-ին Պարեկային ծառայության Գեղարքունիքի մարզի գումարտակի 1-ին վաշտի հրամանատարին է դիմել Սևան քաղաքի մի բնակիչ: Նա հայտնել է, որ պապական տան գոմի տանիքը մաքրելիս գտել են պարկի մեջ լցված զենք-զինամթերք, որը պատկանում է հանգուցյալ պապին։ Համայնքային ոստիկանության Սևանի բաժնում պարկը բացվել է փորձագետի մասնակցությամբ: Պարկում կային սվին դանակ, «Նագան» տեսակի թմբուկավոր ատրճանակ, «Ֆ-1» տեսակի […] ...
14:12 04.08.2025
2 ոսկե և 2 բրոնզե մեդալ՝ Մաթեմատիկական միջազգային ուսանողական օլիմպիադայումՄաթեմատիկական միջազգային ուսանողական օլիմպիադայում Հայաստանի մասնակիցները նվաճել են 2 ոսկե և 2 բրոնզե մեդալներ: Մաթեմատիկական միջազգային ուսանողական 32-րդ օլիմպիադան (International Mathematics Competition) տեղի է ունեցել հուլիսի 28-ից օգոստոսի 3-ը, որին մասնակցել են աշխարհի 73 համալսարանի թիմեր (434 ուսանողներ): Ռուբեն Համբարձումյանը և Վահրամ Ասատրյանն արժանացել են ոսկե, իսկ Ստեփան Գևորգյանն ու Նարեկ Հովեյանը՝ բրոնզե մեդալների: Ուսանողական […] ...
