19:52 10.07.2021
Գյումրիում այսօր անցկացվել է ակրոբատիկակական մարմնամարզության Հայաստանի բաց առաջնությունը, որին մասնակցել են մարզիկներ Շիրակի, Լոռու, Սյունիքի մարզերից, ինչպես նաև մայրաքաղաք Երևանից: Մարզիկները հանդես են եկել 5 խմբերում: Մրցել են տղաների քառյակներն ու զույգերը, աղջիկների ու տղաների, այսպես կոչված, խառը զույգերը և աղջիկների եռյակներն ու զույգերը: Միևնույն ժամանակ ելույթներ են ունեցել նաև ցատկորդները: Ամենամեծ մրցակցությունն այս տարի աղջիկների զույգերի ու եռյակների միջև էր ձևավորվել: Ակրոբատիկական բարդ վարժություններ են կատարում, դրանցից յուրաքանչյուրի համար միավոր վաստակում: Մարզիկների ելույթները գնահատվում են մինչև 20 միավոր:
Կորոնավիրուսով պայմանավորված սահմանափակումներից հետո, կարճ ժամանակում մարզիկները պատրաստվել են Հայաստանի բաց առաջնությանը: Մասնակիցներից մի քանիսը ելույթ էին ունենում, այսպես կոչված, սպորտի վարպետի ծրագրով: Սա նրանց տարիների աշխատանքի ու ձեռքբերումների արդյունքն է:
«Մարզաձևը օլիմպիական չէ, բայց մենք էլ հետ չենք մնում: Ամեն տարի մասնակցում ենք եվրոպայի և աշխարհի առաջնություններին: Մեր մարզիկներից ոմանք դեռ աշխատելու տեղ ունեն տեխնիկայի վրա, մյուսները՝ թռիչքների վրա: Ոսկե միջինն էլ ունենք: Երևանի, Գյումրիի, Վանաձորի մարզադպրոցներում շատ մեծ պոտենցիալ ունեցող մարզիկներ կան, որոնք ընդգրկված են 12-18 և 11-16 տարիքային խմբերում»,-Shnantnews-ին ասել է առաջնության գլխավոր մրցավար Աննա Զաքարյանը:
Լավագույն արդյունքներ ցուցաբերեցին Գյումրիի քաղաքապետարանի մարմնամարզական մարզաձևերի մանկապատանեկան մարզադպրոցի և Երևանի ակրոբատիկայի Շենգավիթի մարզադպրոցի սաները: Ցատկորդների մեջ ևս լավագույն արդյունքները գյումրեցի մարզիկներինն էին: Բայց ցատկորդները միջազգային ստուգատեսներում բարձր արդյունքներ չեն կարողանում ապահովել, պատճառը մարզադպրոցի ցատկուղին է, որը չի համապատասխանում միջազգային առաջնությունների չափորոշիչներին:
«Այս մարզաձևը բավական մեծ հեղինակություն և մասսայականություն ունի: Այս մարզաձևը հիմք է հանդիսանում մյուս մարզաձևերի համար: Չմոռանանք, որ ծանրամարտի աշխարհի չեմպիոն Նազիկ Ավդալյանը հենց այս մարզաձևից սպորտի վարպետ է: Հայաստանի բաց առաջնությունում, այսպես ասենք, տոն տվողը Շենգավիթի և Գյումրիի մարզադպրոցների սաներն են: Կարծում եմ հենց այս մարզադպրոցների ներկայացուցիչներն են ձևավորելու Հայաստանի հավաքական թիմը»,-Shantnews-ին ասել է Շիրակի մարզպետարանի մշակույթի և սպորտի բաժնի պետ Վաչագան Վարդանյանը:
Հայաստանի հավաքական թիմը մասնակցելու է ակտրոբատիկայի եվրոպայի առաջնությանը, որն անցկացվելու է աշնանը Իտալիայում: Հայաստանի բաց առաջնության արդյունքներով ընտրվելու են լավագույն մարզիկները, որոնք էլ կձևավորեն Հայաստանի հավաքական թիմը:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
13:20 01.05.2025
Մեզ համար կարևոր է ստեղծել այնպիսի միջավայր, որտեղ աշխատանքը ոչ միայն կենսաապահովման աղբյուր է, այլ նաև ինքնադրսևորման, մասնագիտական աճի հարթակ․ ԱՍՀ նախարարՀՀ աշխատանքի և սոցիալական հարցերի նախարար Նարեկ Մկրտչյանը շնորհավորական ուղերձ է հղել Աշխատանքի և աշխատավորների միջազգային օրվա կապակցությամբ․ «Սիրելի՛ քաղաքացիներ, Մայիսի 1-ը որպես Աշխատանքի և աշխատավորների միջազգային օր, կրկին հնարավորություն է ընդգծելու արժանապատիվ աշխատանքի կարևորությունը՝ հիմնված ազատության, արդարության և հավասարության վրա. սա այն հիմնական նպատակն է, որին ուղղված են պետության կողմից իրականացվող ոլորտային բարեփոխումները։ Մեզ […] ...
13:03 01.05.2025
Նոր Զելանդիայում արտակարգ դրություն է հայտարարվել ջրհեղեղի պատճառովՆոր Զելանդիայի Քրայսթչըրչ քաղաքում և Սելվին շրջանում արտակարգ դրություն է հայտարարվել՝ ուժեղ անձրևների հետևանքով առաջացած լայնածավալ ջրհեղեղներից հետո, հաղորդում է New Zealand Herald թերթը։ «Քրայսթչըրչում և Քենթերբերիի Սելվին շրջանում հայտարարվել է արտակարգ դրություն», – գրում է հրատարակությունը։ Հայտարարությունը արել է երկրի արտակարգ իրավիճակների նախարար Մարկ Միտչելը։ ...
12:37 01.05.2025
Հրդեհ Աղավնավանք գյուղումՄայիսի 1-ին, ժամը 07։44-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աղավնավանք գյուղի 5-րդ փողոցի տներից մեկի բակում այրվում է անասնագոմ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Աղավնավանք գյուղի 3-րդ փողոցի տներից մեկի բակում գտնվող անասնագոմի տանիքում: Հրդեհը մեկուսացվել է ժամը 08:30-ին, մարվել՝ 08:55-ին։ Այրվել է անասնագոմի […] ...
12:20 01.05.2025
Աշխատանքը չպետք է ընկալվի որպես պարտադրանք կամ բեռ, այլ որպես ինքնադրսևորման, կայուն ապագայի կառուցման հնարավորություն․ ՊապոյանՀՀ էկոնոմիկայի նախարար Գևորգ Պապոյանը շնորհավորական ուղերձ է հղել Աշխատանքի և աշխատավորների համերաշխության միջազգային օրվա կապակցությամբ։ «Հարգելի՛ հայրենակիցներ, Շնորհավորում եմ Աշխատանքի և աշխատավորների համերաշխության միջազգային օրվա կապակցությամբ։ Այս օրը մեզ հիշեցնում է, որ առանց նպատակային, համակարգված և գիտելիքի վրա հիմնված աշխատանքի հնարավոր չէ ապահովել տնտեսական իրական առաջընթաց։ Աշխատանքը չպետք է ընկալվի որպես պարտադրանք, տանջանք կամ […] ...
12:05 01.05.2025
Այսօր մեկնարկում է «Երևանի քաղաքապետի գավաթ 2025» գեղասահքի միջազգային բաց մրցաշարըԳեղասահքի մարզադպրոցի գեղասահորդները պատրաստվում են այսօր մեկնարկող «Երևանի քաղաքապետի գավաթ 2025» գեղասահքի միջազգային բաց մրցաշարին: «Սիրով հրավիրում ենք գեղասահքի սիրահարներին ներկա գտնվելու այս դիտարժան առաջնությանը, որը կանցկացվի Երևանի գեղասահքի և հոկեյի մարզադպրոցում։ Մրցաշարը կտևի մինչև մայիսի 4-ը։ Մուտքն ազատ է»,-նշված է Երևանի քաղաքապետարանի հաղորդագրության մեջ։ ...
11:51 01.05.2025
ԱՄՆ-ն և Ուկրաինան ստորագրել են բնական պաշարների մասին համաձայնագիրըԿիևը և Վաշինգտոնը համաձայնագիր են ստորագրել համատեղ հանքարդյունաբերության և Ուկրաինայի վերականգնման համար ներդրումային հիմնադրամի ստեղծման մասին, հաղորդում է ԱՄՆ ֆինանսների նախարարությունը։ ԱՄՆ ֆինանսների նախարարության կայքում հրապարակված մամուլի հաղորդագրության մեջ ասվում է, որ համաձայնագիրը կնքվել է «ի նշան այն նշանակալի ֆինանսական և նյութական աջակցության, որը ամերիկացի ժողովուրդը տրամադրել է Ուկրաինայի պաշտպանությանը Ռուսաստանի լայնածավալ ներխուժման սկզբից ի […] ...
