19:37 19.07.2021
Գյումրիի Բուլվարային թաղամասի ամենաբարձր շենքերը՝ 9 հարկանիները վերելակներ չունեն: Դռներն արդեն 30 տարուց ավելի փակ են, ավելի ճիշտ՝ բնակիչներն են փակել՝ անվտանգության նկատառումներով: Վերելակի հորերն են միայն մնացել, որոնք շենքի մուտքից սահմանազատել են՝ ինչով հնարավոր է:
Շենքերի վերելակները, որպես այդպիսին, պահպանված չեն: Սա նշում է բազմահարկերը սպասարկող համատիրության նախագահը: Վերելակները կառուցվել են 80-ականներին, շահագործվել շատ կարճ՝ մինչև 1988-ը: Դրանից հետո, թե ինչպես են վերելակներն ապամոնտաժվել և ուր են տարվել, հայտնի չէ:
«Կան, այսպես կոչված, շախտաները, որոնց մեջ աշխատում էին վերելակները: Իսկ վերելակները երկրաշարժից հետո թե՛ պետականորեն, թե՛ անօրինական ձևով տեղափոխվել են Երևան անհայտ ուղղությամբ: Նորերը տեղադրելու վերջնական արդյունքում խնդիրը հանգում է գումարին: 10 շենքի վերելակ դնելն առանց մոնտաժման աշխատանքների, մոտ 130 մլն է: Հենց գործընթացը հասնում է փողին, մնում է ապագայի ծրագիր»,- SHANTNEWS-ին ասել է Գյումրիի «Կենտրոն» համատիրության նախագահ Մովսես Ջուհարյանը:
Քաղաքի 10 բարձրահարկ շենքերի վերելակները վերանորոգելու ծրագրեր, ըստ համատիրության ղեկավարի, եղել են ու ոչ մեկ անգամ: Նույնիսկ հաշվարկ կա կատարված, ըստ որի՝ յուրաքանչյուր վերելակի վերատեղադրումը կարժենա 10 մլն 500 հազար դրամ: Հաշվարկը կա, գումարները չէ:
Վերելակի բացակայությունը թաղամասում ամենակարևոր, բայց ոչ միակ խնդիրն է: Բնակիչները հերթով թվարկում են՝ շենքերի տարածքն անբարեկարգ է, խաղահրապարակ չունեն, շենքերի մուտքերը վերանորոգման կարիք ունեն:
«Այդ շենքերում վճարումները մոտավորապես 30% են կազմում: Կան շենքեր, որ ավելի քիչ են: Բնակիչներ կան, որոնք առանց կարգավիճակի են ու անընդհատ պահանջատեր են: Այս թաղամասի օրինական բնակիչներից շատերը դուրս են եկել շենքերից և այլ վայրերում են ապրում: Նրանց բնակարանները ժամանակին հատկացվել են սոցիալապես անապահով ընտանիքների»,- նշում է Մովսես Ջուհարյանը:
Խոսքն այն բնակիչների մասին է, որոնց Բուլվարային թաղամասում հատկացվել են այն բնակարանները, որոնց տերերը երկրաշարժից հետո հրաժարվել են բարձրահարկեր վերադառնալ: Մի մասին հատկացված բնակարանները օրդերավորված են, առանձին դեպքերում էլ նախկին տերերը վերադարձել են ու հետ են պահանջում իրենց բնակարանները:
Թաղամասի բարձրահարկերը թերի են բնակեցված: Ներքևի հարկերի փակ դռները խնդիրներ են ստեղծում վերևի հարկերի բնակիչների համար: Ջրագծի և կոյուղատար համակարգի վթարների վերացումը այս շենքերում ամիսներ է տևում, մինչև փակ դռների տերերին են գտնում: Հիմա արդեն բոլոր բնակարանները սեփականաշնորհված են ու անօթևան բնակիչներին հատկացումներ Բուլվարայինում այլևս հնարավոր չեն:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
14:40 04.08.2025
Վահագն Խաչատուրյանն աշխատանքային այցով մեկնել է ԹուրքմենստանՀանրապետության նախագահ Վահագն Խաչատուրյանը 2025 թվականի օգոստոսի 4-ից-7-ն աշխատանքային այցով կմեկնի Թուրքմենստան՝ մասնակցելու Դեպի ծով ելք չունեցող և տարանցիկ զարգացող երկրների երրորդ միջազգային համաժողովին, որն անցկացվում է Միավորված ազգերի կազմակերպության հովանու ներքո։ Համաժողովը կազմակերպվում է յուրաքանչյուր տասնամյակում մեկ անգամ և նպատակ ունի ամփոփելու նախորդ ծրագրերի արդյունքները, ինչպես նաև սահմանելու զարգացման նոր ուղենիշներ դեպի ծով ելք […] ...
14:32 04.08.2025
Ալափարսի բնակչի տնամերձ հողամասում հայտնաբերվել է կանեփի 223 թուփ. Չարենցավանի ոստիկանների բացահայտումըՀուլիսի 29-ին Համայնքային ոստիկանության Չարենցավանի բաժնի ծառայողները ստացել էին փաստական տվյալ, որ Կոտայքի մարզի Ալափարս գյուղի բնակիչ 61-ամյա տղամարդը տնամերձ հողամասում աճեցնում է կանեփ։ Չարենցավանի քննչական բաժնում նախաձեռնաված քրեական վարույթի շրջանակում հուլիսի 31-ին կատարված զննությամբ տղամարդու հողամասում և ծաղկանոցում հայտնաբերվել է կանեփի 223 թուփ։ Հայտնաբերվել են նաև կանեփանման կիսաչոր զանգվածներ։ Հանգամանքները նախաքննությամբ պարզվում են: ...
14:20 04.08.2025
Պարկում նռնակ, «Նագան» և սվին դանակ. զենք-զինամթերքի կամավոր հանձնում Սևանի բաժնումՀուլիսի 31-ին Պարեկային ծառայության Գեղարքունիքի մարզի գումարտակի 1-ին վաշտի հրամանատարին է դիմել Սևան քաղաքի մի բնակիչ: Նա հայտնել է, որ պապական տան գոմի տանիքը մաքրելիս գտել են պարկի մեջ լցված զենք-զինամթերք, որը պատկանում է հանգուցյալ պապին։ Համայնքային ոստիկանության Սևանի բաժնում պարկը բացվել է փորձագետի մասնակցությամբ: Պարկում կային սվին դանակ, «Նագան» տեսակի թմբուկավոր ատրճանակ, «Ֆ-1» տեսակի […] ...
14:12 04.08.2025
2 ոսկե և 2 բրոնզե մեդալ՝ Մաթեմատիկական միջազգային ուսանողական օլիմպիադայումՄաթեմատիկական միջազգային ուսանողական օլիմպիադայում Հայաստանի մասնակիցները նվաճել են 2 ոսկե և 2 բրոնզե մեդալներ: Մաթեմատիկական միջազգային ուսանողական 32-րդ օլիմպիադան (International Mathematics Competition) տեղի է ունեցել հուլիսի 28-ից օգոստոսի 3-ը, որին մասնակցել են աշխարհի 73 համալսարանի թիմեր (434 ուսանողներ): Ռուբեն Համբարձումյանը և Վահրամ Ասատրյանն արժանացել են ոսկե, իսկ Ստեփան Գևորգյանն ու Նարեկ Հովեյանը՝ բրոնզե մեդալների: Ուսանողական […] ...
13:53 04.08.2025
Խաչանովը հաղթել է Ռուդին և դուրս եկել Տորոնտոյի մրցաշարի քառորդ եզրափակիչՌուսաստանը ներկայացնող հայազգի թենիսիստ, աշխարհի 16-րդ ռակետ Կարեն Խաչանովը Տորոնտոյի «Մասթերսում» դուրս է եկել քառորդ եզրափակիչ: 1/8 եզրափակչում նա 6-4, 7-5 հաշվով հաղթել է 13-րդ ռակետ Կասպեր Ռուդին: Հայ թենիսիստի հաջորդ մրցակիցը կլինի ԱՄՆ-ի ներկայացուցիչ, աշխարհի 34-րդ ռակետ Ալեքս Միխելսենը: ...
13:45 04.08.2025
Վերականգնման աշխատանքներ՝ Շատիվանք վանական համալիրում և Գնդեվազի Սբ Աստվածածին եկեղեցումՀՀ կրթության, գիտության, մշակույթի և սպորտի նախարարության և «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնագետներն այցելել են Վայոց ձորի մարզի Շատիվանք վանական համալիր և Գնդեվազի Սբ Աստվածածին եկեղեցի, որտեղ ԿԳՄՍՆ ֆինանսավորմամբ իրականացվում են վերականգնման աշխատանքներ։ Շատիվանքում մասնագետները ծանոթացել են «Հնագիտության և ազգագրության ինստիտուտ» ՊՈԱԿ-ի կողմից ԿԳՄՍ նախարարության ֆինանսավորմամբ իրականացվող պեղումների արդյունքներին։ Մասնավորապես, պեղումների […] ...
