21:00 02.08.2021
Արթիկի տարածաշրջանի Վարդաքար գյուղում նոր անտառային տարածք է հիմնվել: Սա ՄԱԿ-ի Հարմարվողականության հիմնադրամի ֆինանսավորմամբ իրականացվող «Արթիկ քաղաքի փակված քարհանքի թափոնների և ջրհեղեղների կառավարում» պիլոտային ծրագրի մաս է կազմում: Անտառաշերտը գյուղում մի քանի խնդիր է լուծելու: Նախ էկոլոգիական, ապա հանգստյան գոտիների կազմակերպման ու զբոսաշրջության զարգացման և որ ամենակարևորն է՝ անտառաշերտը գյուղի համար քամիներից պաշտպանական գոտի կդառնա:
Ամեն տարի քամիների հետևանքով Վարդաքարը տուժում է: Այս տարի ևս տների ու կից շինությունների տանիքներ են վնասվել: Տների տանիքները բնակիչները մասնակի նորոգել են, իսկ անասնագոմերը բաց երկնքի տակ են:
Գյուղը Վարդաքարի ջրամբարի հարևանությամբ է, քամիներն անպակաս են: Հենց ջրամբարի հարևանությամբ է նոր անտառաշերտը ստեղծվել: 2 հեկտարի վրա 1600 հատ ծառեր են տնկել: Եղևնիների, սոճիների, կաղնիների ու հացենիների տնկիներ են, որոնք Շիրակի մարզի բնակլիմայական պայմաններում կպչողականություն են ապահովում: Տնկիները դեռ շատ փոքր են, բայց գյուղապետն է նշում, մի քանի տարի հետո գյուղի համար կդառնան քամիների դեմ պատնեշ:
«Այս տարի ջերմոցների տանիքները քշեց տարավ քամին: 3 բնակելի տան ու կից կառույցների տանիք է վնասվել: Ամեն տարի մեր գյուղում քամու հետևանքով մեծ վնասներ են: Անտառն այս հատվածում ամբողջությամբ պաշտպանիչ շերտ է հանդիսանալու: Համայնքը երևի մոտ 70%-ով կպաշտպանի քամիներից»,- SHANTNEWS-ին ասել է Վարդաքարի գյուղապետ Գալուստ Ավետիսյանը:
Վարդաքարում երբևէ անտառային տարածք չի եղել: Նոր անտառը ակնկալվում է, որ փոխելու է այս հատվածում էկոհամակարգը, նաև հողերի որակը: Տարածքն անօգտագործելի է եղել: Պատկանել է ջրամբարին: Կառավարության որոշմամբ պետական հողերը դարձել են համայնքապատկան ու հիմա էլ անտառի պահպանությունն ու շահագործումը հատկացված է գյուղապետարանին:
Այն որ տարածքը մոտ է ջրամբարին, ոռոգման հնարավորություն է ստեղծում: Ջրամբարի շատ լցվածության դեպքում, պոմպի օգնությամբ, ջուրը հասնելու է անտառին: Իսկ հիմա, երբ ջրամբարում ջրի մակարդակը բարձր չէ, այլընտրանքային տարբերակ են գտել: Անտառային տարածքի հարևանությամբ ջրհոր են փորել ու էլի պոմպով ջուրը ծառերին են հասցնում, բայց ծրագրերում ոռոգման ավելի հուսալի տարբերակ ունեն:
«Ջրամբարը տարածքին մոտ է: Երբ ջրամբարը լիքն է, կարելի է վերցնել պոմպով, երբ իջնում է ջրի մակարդակը, արդեն չենք կարող ջուր վերցնել՝ պոմպի հզորությունը չի հերիքում: Նախատեսվում է այս տարի կաթիլային ոռոգման համակարգ կառուցել, որն ամբողջությամբ կապահովի կպչողականությունը»,- ասել է Գալուստ Ավետիսյանը:
Այժմ ոչ բոլոր տնկիներն են կպչողականություն ապահովել, չորացածներ էլ կան: Աշխատանքներն իրականացնող կազմակերպությունը պայմանագրով պարտավորվել է չորացածների փոխարեն 400 նոր ծառ է տնկելու:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
11:30 01.05.2025
«Ճանապարհային դեպարտամենտ» հիմնադրամը շնորհավորում է հիմնադրամի և ճանապարհաշինության ոլորտում ներգրավված բոլոր աշխատակիցներին«Ճանապարհային դեպարտամենտ» հիմնադրամը շնորհավորում է հիմնադրամի և ճանապարհաշինության ոլորտում ներգրավված բոլոր աշխատակիցներին Մայիսի 1-ի՝ Աշխատանքի օրվա առթիվ։ «Մաղթում ենք մեր գործընկերներին աշխատանքային հաջողություններ ու ձեռքբերումներ։ Վստահ ենք, որ ճանապարհաշինության ոլորտի մասնագետները պատվով շարունակելու են իրենց շնորհակալ աշխատանքն ու մեր երկրի շենացման և բարեկարգման վերընթաց ուղին»,-նշված է հաղորդագրության մեջ։ ...
11:13 01.05.2025
Լյուքսեմբուրգը Ուկրաինային կտրամադրի 10 միլիոն եվրոյի էներգետիկ աջակցությունԼյուքսեմբուրգը 10 միլիոն եվրո կհատկացնի Ուկրաինայի էներգետիկ աջակցության հիմնադրամին։ Համապատասխան հուշագիրը ստորագրել են Լյուքսեմբուրգի փոխվարչապետ, արտաքին գործերի և արտաքին առևտրի նախարար Քսավիե Բեթելը և Ուկրաինայի վարչապետ Դենիս Շմիգալը։ «Այս միջոցները կօգտագործվեն էներգետիկայի ոլորտում նախագծերի աջակցման համար, մասնավորապես՝ էներգետիկ անվտանգության վերականգնման և ամրապնդման համար», – իր Telegram ալիքում նշել է Շմիգալը։ Նաև, ըստ նրա, 2025 թվականին […] ...
10:58 01.05.2025
Ուկրաինան համաձայնել է ԱՄՆ-ի կողմից Ռուսաստանի հետ հակամարտությունը կարգավորելու պայմաններինԱՄՆ նախագահի Ուկրաինայի հարցերով հատուկ ներկայացուցիչ Քիթ Քելլոգը հայտարարել է, որ անցյալ շաբաթ Լոնդոնում Մեծ Բրիտանիայի, Ֆրանսիայի և Գերմանիայի մասնակցությամբ կայացած բանակցություններում Վաշինգտոնը և Կիևը համաձայնության են եկել ուկրաինական հակամարտության կարգավորման 22 կոնկրետ պայմանների շուրջ։ «Մենք ուկրաինացիների հետ անկեղծ և դժվարին քննարկումների ընթացքում առաջարկել ենք 22 շատ կոնկրետ պայմաններ, և մենք կարծում ենք, որ գտնվում […] ...
10:47 01.05.2025
Մայիսի 1-ը մեր բոլորի համար հատուկ օր է՝ նվիրված արարող մարդու անկոտրում կամքին, նվիրումին և ամենօրյա աշխատանքին․ ԱԺ նախագահՀՀ ԱԺ նախագահ Ալեն Սիմոնյանը ուղերձ է հղել Աշխատանքի օրվա կապակցությամբ. «Սիրելի՛ քաղաքացիներ, Մայիսի 1-ը մեր բոլորի համար հատուկ օր է՝ նվիրված արարող մարդու անկոտրում կամքին, նվիրումին և ամենօրյա աշխատանքին։ Հենց աշխատող քաղաքացու տքնաջան ու հուսալի ձեռքերով է ձևավորվում իր իսկ ընտանիքի բարեկեցությունը, ինչպես նաև ամրանում մեր պետությունն ու անվտանգությունը։ Ցանկանում եմ երախտագիտությունս հայտնել ձեզ՝ […] ...
10:34 01.05.2025
Պատանիներն ու երիտասարդները սկսում են պայքարն ծանրամարտի աշխարհի առաջնությունումՊատանիներն ու երիտասարդները սկսում են պայքարն աշխարհի առաջնությունում: Այս մասին հայտնում են Ծանրամարտի ֆեդերացիայից։ Պերուի մայրաքաղաք Լիմայում ընթացող աշխարհի առաջնությունում Հայաստանի հավաքականից առաջինը մրցահարթակ դուրս կգան 55 կգ Ալեքսանդրա Գրիգորյանն ու 67 կգ քաշային Հովհաննես Հովհաննիսյանը: Մեր մարզիկների ելույթները կմեկնարկեն մայիսի 2-ին` Երևանի ժամանակով գիշերը` 03:30-ին: ...
10:25 01.05.2025
Այնթապ բնակավայրում գործարկվելու է էլեկտրական շչակՄայիսի 2-ին՝ ժամը 11:00-ից մինչև 12:00-ն ընկած ժամանակահատվածում, Արարատի մարզի Մասիս համայնքի Այնթապ բնակավայրի «Արամ և Հասմիկ Կարամանուկյանների անվան թիվ 1 միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով գործնական պարապմունք, որի ընթացքում գործարկվելու է էլեկտրական շչակ։ ...
