19:50 05.08.2021
Գյումրիում տեղակայված հակատանկային ուսումնական զորամասի նորակոչիկներն այսօր զինվորական երդում են տվել, որով ստանձնել են պարտավորություն ծառայել հայրենիքին: Զինվորական երդման արարողությունը սովորաբար անցկացվում է այն զորամասում, որտեղ զորակոչվում է զինծառայողը: Բայց այս անգամ Գյումրիում արարողությունը տեղի է ունեցել պատմական Սև բերդ ամրոցի տարածքում, ինչը նաև համավարակային սահմանափակումներով էր պայմանավորված: Տարածքի ընտրությունն էր նաև խորհրդանշական: Սև բերդը եղել է Ալեքսանդրապոլի պաշտպանական կառույցներից մեկը:
Տղաները մոտ մեկ ամիս է, ինչ ծառայության են անցել Գյումրիում տեղակայված ուսումնական զորամասում: Մեկ ամսում հասցրել են շարային վարժություններ կատարել: Շարային քայլի գործնական առաջին կիրառությունն այսօր էր, երբ արդեն որպես զինվոր էին ներկայանում ծնողներին ու հարազատներին:
Տղաները մարտական, իսկ ծնողները փոքր-ինչ հուզված էին: Զինվորական համազգեստով առաջին անգամ էին որդիներին տեսնում և ծառայող տղաներին միայն ոգևորություն էին փոխանցում:
Իրենց ուղղված հարցերին իսկական զինվորականի նման են պատասխանում՝ «ճիշտ այդպես»։
«Կարոտել եմ հարազատներիս, բայց երբ արդեն ծառայության մեջ եմ, կարոտը մեղմվում է: Հիմա սովորական է դարձել: Ես գիտեմ, որ պետք է ծառայեմ, ծառայությունս պատվով կատարեմ: Արդեն որպես ծառայող, ծառայակից ընկերներիս հետ համալրել եմ Հայոց բանակի շարքերը: Երդում եմ տվել, որ պետք է պաշտպանեմ հայրենիքս, հանուն հայրենիքի չեմ խնայի կյանքս»,- Shantnews-ի հետ զրույցում ասում է N զորամասի ծառայող Հրաչ Հովհաննիսյանը:
Եվս մի քանի ժամ ծնողների ու հարազատների հետ անցկացնելու հնարավորություն ունեին այսօր երդում տված զինվորները: Նրանց ծառայությունը Գյումրիում ժամանակավոր է: Զորամասն ուսումնական է, և մի քանի ամսից տղաները կշարունակեն ծառայությունը վիճակահանությամբ ընտրված զորամասերում, իսկ Գյումրիի ուսումնական զորամասում նրանց կփոխարինեն կրկին նորակոչիկները:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
13:35 01.05.2025
Դպրոցականների խմբին վրաերթի ենթարկած տղամարդը խոստովանել է, որ ցանկացել է նրանց սպանելՃապոնիայի Օսակա քաղաքում դպրոցականների ուղղությամբ մեքենան վարած 28-ամյա տղամարդը խոստովանել է, որ ցանկացել է սպանել նրանց, հաղորդում է Kyodo լրատվական գործակալությունը։ «Ես ամեն ինչից հոգնել էի։ Ուզում էի մեքենայով վրաերթի ենթարկել դպրոցականներին և սպանել նրանց», – ոստիկանությանը տված նրա խոստովանությունը մեջբերում է «Կիոդո» լրատվական գործակալությունը։ Տղամարդը ձերբակալվել է սպանության փորձի կասկածանքով։ Ավելի վաղ NHK-ն հայտնել […] ...
13:20 01.05.2025
Մեզ համար կարևոր է ստեղծել այնպիսի միջավայր, որտեղ աշխատանքը ոչ միայն կենսաապահովման աղբյուր է, այլ նաև ինքնադրսևորման, մասնագիտական աճի հարթակ․ ԱՍՀ նախարարՀՀ աշխատանքի և սոցիալական հարցերի նախարար Նարեկ Մկրտչյանը շնորհավորական ուղերձ է հղել Աշխատանքի և աշխատավորների միջազգային օրվա կապակցությամբ․ «Սիրելի՛ քաղաքացիներ, Մայիսի 1-ը որպես Աշխատանքի և աշխատավորների միջազգային օր, կրկին հնարավորություն է ընդգծելու արժանապատիվ աշխատանքի կարևորությունը՝ հիմնված ազատության, արդարության և հավասարության վրա. սա այն հիմնական նպատակն է, որին ուղղված են պետության կողմից իրականացվող ոլորտային բարեփոխումները։ Մեզ […] ...
13:03 01.05.2025
Նոր Զելանդիայում արտակարգ դրություն է հայտարարվել ջրհեղեղի պատճառովՆոր Զելանդիայի Քրայսթչըրչ քաղաքում և Սելվին շրջանում արտակարգ դրություն է հայտարարվել՝ ուժեղ անձրևների հետևանքով առաջացած լայնածավալ ջրհեղեղներից հետո, հաղորդում է New Zealand Herald թերթը։ «Քրայսթչըրչում և Քենթերբերիի Սելվին շրջանում հայտարարվել է արտակարգ դրություն», – գրում է հրատարակությունը։ Հայտարարությունը արել է երկրի արտակարգ իրավիճակների նախարար Մարկ Միտչելը։ ...
12:50 01.05.2025
Վարազդատ Լալայանն այսօր տոնում է ծննդյան օրըՕլիմպիական խաղերի արծաթե մեդալակիր, աշխարհի և Եվրոպայի կրկնակի չեմպիոն Վարազդատ Լալայանը մայիսի 1-ին տոնում է ծննդյան օրը: «Հայաստանի ծանրամարտի ֆեդերացիայի ամբողջ անձնակազմն ի սրտե շնորհավորում է Վարազդատին` մաղթելով նորանոր նվաճումներ ու հպարտության բազմաթիվ պահեր»,-նշված է ֆեդերացիայի տարածած հաղորդագրության մեջ: ...
12:37 01.05.2025
Հրդեհ Աղավնավանք գյուղումՄայիսի 1-ին, ժամը 07։44-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աղավնավանք գյուղի 5-րդ փողոցի տներից մեկի բակում այրվում է անասնագոմ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Աղավնավանք գյուղի 3-րդ փողոցի տներից մեկի բակում գտնվող անասնագոմի տանիքում: Հրդեհը մեկուսացվել է ժամը 08:30-ին, մարվել՝ 08:55-ին։ Այրվել է անասնագոմի […] ...
12:20 01.05.2025
Աշխատանքը չպետք է ընկալվի որպես պարտադրանք կամ բեռ, այլ որպես ինքնադրսևորման, կայուն ապագայի կառուցման հնարավորություն․ ՊապոյանՀՀ էկոնոմիկայի նախարար Գևորգ Պապոյանը շնորհավորական ուղերձ է հղել Աշխատանքի և աշխատավորների համերաշխության միջազգային օրվա կապակցությամբ։ «Հարգելի՛ հայրենակիցներ, Շնորհավորում եմ Աշխատանքի և աշխատավորների համերաշխության միջազգային օրվա կապակցությամբ։ Այս օրը մեզ հիշեցնում է, որ առանց նպատակային, համակարգված և գիտելիքի վրա հիմնված աշխատանքի հնարավոր չէ ապահովել տնտեսական իրական առաջընթաց։ Աշխատանքը չպետք է ընկալվի որպես պարտադրանք, տանջանք կամ […] ...
