Գյումրիում բուժհաստատությունների օպտիլացաման գործընթացի առաջին փուլն ավարտված է

Գյումրիում բուժհաստատությունների օպտիլացաման գործընթացի առաջին փուլն ավարտված է: Այս մասին SHANTNEWS-ին ասել է «Գյումրի» ԲԿ տնօրեն Արմեն Իսահակյանը: Կառավարության  որոշմամբ «Գյումրի» բժշկական կենտրոնին նախ միավորվեցին Գյումրիի ծննդատունն ու Պաթոլոգաանատոմիական դիսպանսերը, իսկ օրեր առաջ օպտիմալացման գործընթացն ավարտվեց նաև Ուռուցքաբանական դիսպանսերի համար: Այն ևս միավորվել է բժշկական կենտրոնին: Որոշման հիմնավորումը հետևյալն է, որ «Գյումրի» բժշկական կենտրոնը բազմապրոֆիլ հիվանդանոց է և հասանելի են բոլոր բուժծառայությունները:

«Միայն ուռուցքաբանական դիսպանսերի շենքն է, որը հանձնվում է պետգույքին: Մյուս հիվանդանոցները շարունակելու են աշխատել  նույն շենքերում, տեղի է ունենում միայն  վարչակամ մասի փոփոխություն: Ուռուցքաբանական դիսպանսերը միավորվել է մեզ: Բոլոր վիրահատությունները կատարվելու են մեզ մոտ: Մայրաքաղաքից հրավիրվում են համապատասխան մասնագետները։ Առաջին վիրահատությունը «Գյումրի» բժշկական կենտրոնում արդեն կատարվել է: Խոսքը օնկոգինեկոլոգիական բարդ վիրահատության մասին է, որը երկար տարիներ այստեղ չէր կատարվել: Օնկոլոգիական վիրահատությունները և քիմիոթերապիան կանցկացվի մեզ մոտ , իսկ ճառագայթային բուժման համար մայրաքաղաքի երկու կենտրոններում՝ լավագույն սարքավորումմները կան: Գյումրիի ուռուցքաբանական դիսպանսերի ճառագայթային սարքը հին էր և լիցքավորման կարիք ուներ»,- նշել է Արմեն Իսահակյանը:

Կառավարության որոշմամբ օպտիմալացման երկրորդ փուլում «Գյումրի» բժշկական կենտրոնին կմիանա Գյումրիի ինֆեկցիոն հիվանդանոցը: «Գյումրի» բժշկական կենտրոնի ղեկավարությունն առաջարկել է օպտիմալացումից հետո այստեղ  կենտրոնացնել կորոնավիրուսով հիվանդների բուժումը:

« Ինֆեկցիոն հիվանդանոցի միավորումը «Գյումրի» բժշկական կենտրոնին մարզի համար արդյունավետ կլինի սրանով, որ մենք որոշել ենք  արագ փոփոխություններ իրականացնել: Առաջարկում ենք նախ վերանորոգումներ կատարել, ապա այս հիվանդանոց տեղափոխել մարզի բոլոր հիվանդանոցների Տրիաժ և COVID  բաժանմունքները: Ինֆեկցիոն հիվանդանոցը երկու մասնաշենք ունի: Մեկում կարելի է տեղակայել Տրիաժը, մյուսում՝ բաժանմունքը: Արդյունքում՝ ինֆեկցիոն հիվանդների բուժումը տեղի կունենա  կենտրոնացված նույն շենքում»,- ասել է  Արմեն Իսահակյանը:

Գյումրիի ինֆեկցիոն հիվանդանոցը համավարակի նախորդ ալիքների դեպքում պրոֆիլավորվել էր, որպես կորոնավիրուսով հիվանդներին բուժող հիվանդանոց, սակայն չունի վերակենդանացման բաժանմունք և ծանր հիվանդները տեղափոխվում էին այլ բուժհաստատություններ: Այժմ նախատեսվում է նաև վերակենդանացման բաժանմունք ունենալ և օգտագործել ինֆեկցիոն հիվանդանոցի լաբորատոր հնարավորությունները:

 «Շանթ Գյումրի» հեռուստաալիքն այս պահին հասանելի է Rostelecom, Delta telcom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև  Shant Digital Tv հավելվածով՝ ամբողջ աշխարհում։