19:47 11.08.2021
Աշոցքի և Ամասիայի ցանքատարածքներում աշնանացան ցորենի բերքահավաք է: Շիրակի մարզի ցածրադիր գոտիներում բերքահավաքի այս տարվա ցուցանիշները գոհացնող չեն, հույսը բարձրադիր հողերից ստացած բերքն է։ Երաշտային պայմանները Աշոցքի բերքառատ հողերի վրա ևս ազդեցություն ունեցել են:
Կոմբայնը քաղում է, հողօգտագործողը բերքի որակն է տեղում ստուգում։ Հողատերը իր ցանքատարածքի այս տարվա բերքի քանակից է դժգոհ, բայց ոչ որակից։ Ամեն տարի իր հողից ստացած ցորենը և՛ սերմացու է պահել, և՛ վաճառել է։ Այս տարի ստացել է այնքան, որ կբավարարի միայն սերմացուի։ Այս տարի մեկ հեկտարից 2 տոննա ցորեն է ստացել, այնինչ անցած տարվա հացքաղին նույն դաշտից 4 տոննա է տարել։
«Աշոցքում ամեն տարի օգոստոսի 15-ից է սկսվել բերքահավաքը։ Հիմա բերքը հասել է ու պիտի քաղել, հակառակ դեպքում կարող է թափվել, հիմա էլ վախենում ենք հանկարծ կարկուտ չտեղա։ Ցորենի բերքն ամեն տարի եղել է մինչև 40 ցենտներ, հիմա հազիվ 25 ցենտներ ենք հավաքում մեկ հեկտարից, ավելին չկա»,- SHANTNEWS.am-ի հետ զրույցում ասել է Աշոցքի խոշորացված համայնքի ղեկավարի տեղակալ Սերգեյ Սողոյանը։
Ընդհանուր առմամբ՝ միջին բերքատվություն մարզի բարձրադիր գոտիների հողերն ապահովում են։ Աշոցքի 11 բնակավայրերում 7000 հա վարելահողերից 600 հա հացահատիկ, 2500 անասնակեր է մշակվում ամեն տարի։ Մինչև ամսվա վերջ ցորենի բերքի արդյունքներն ավելի հստակ կլինեն, իսկ մնացած հացահատիկային մշակաբույսերի քաղն ավելի ուշ կսկսեն։
Գյուղատնտեսները հույս ունեն, որ մարզի ցածրադիր գոտիների նվազ բերքը կլրացնեն Աշոցքի ու Ամասիայի ակնկալվող ցուցանիշի հաշվին, ինչը չի ստացվի անասնակերի դեպքում։ Դաշտերի մի մասն հնձել են, մնացածում հողագործները չեն պատրաստվում խոտհունձ անել, նվազ աճի պատճառով կոմբայնով հնարավոր չէ խոտքաղ անել։
Օգոստոսի վերջին գյուղատնտեսության վարչությունը կամփոփի մարզում հացահատիկային մշակաբույսերի ցանքատարածքներից և խոտհարքներից ստացած բերքի ցուցանիշները։ Երաշտային պայմաններից տուժած հողատարածքները մոտ 3000-4000 հեկտար են կազմում։ Չորային եղանակներից բացի, այս տարի մարզի տասնյակ համայնքների հողերի բերքը վնասվել է ոռոգման ջրի բացակայության պատճառով։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
