20:59 30.09.2021
Եվրոպայի խորհրդի խորհրդարանական վեհաժողովը (ԵԽԽՎ) կարծում է, որ միջազգային հանրությունը պետք է համաձայնեցնի Աֆղանստանում ստեղծված իրավիճակին իր արձագանքման ձևերը: Այս մասին ասվում է «Իրավիճակը Աֆղանստանում. հետևանքները Եվրոպայի և տարածաշրջանի համար» զեկույցի վերաբերյալ հինգշաբթի ընդունված բանաձևում:
ԵԽԽՎ -ն իր «ամենախոր մտահոգությունն» է հայտնում ԱՄՆ զորքերի և նրանց դաշնակիցների դուրսբերումից հետո Աֆղանստանում տիրող իրավիճակի և «Թալիբան» շարժման իշխանության վերադարձի վերաբերյալ: Այս իրադարձությունները, ինչպես ընդգծում է բանաձևը, «սկիզբ դրեցին քաղաքական անորոշության մի փուլի, որի ընթացքում բռնությունը շարունակվում է, և չի բացառվում քաղաքացիական պատերազմի հավանականությունը»: Այս վիճակը «հանգեցնում է խաղաղ կյանքի, կայունության և անվտանգության բարձր ռիսկերի՝ բուն Աֆղանստանում, ինչպես նաև տարածաշրջանում և դրանից դուրս»: Վեհաժողովը համոզված է, որ ծագող խնդիրների լուծումը պահանջում է միջազգային հանրության հետևողական և համակարգված արձագանք, և կարծում է, որ Եվրոպայի խորհրդի (ԵԽ) անդամ երկրները պետք է ամեն ջանք գործադրեն այդ նպատակին հասնելու համար, ընդգծվում է փաստաթղթում:
Միևնույն ժամանակ, ԵԽԽՎ-ն հիշեցնում է Աֆղանստանի ներկայիս իշխանություններին, որ նրանք կարող են պատասխանատվության ենթարկվել մարդու իրավունքների և հումանիտար իրավունքի խախտումների համար, ինչպես նաև միջազգային հակաահաբեկչական օրենքների համաձայն:
Այս առումով, Վեհաժողովն իր վստահությունն է հայտնում, որ ՄԱԿ -ի նպատակային, հուսալի և անկախ մանդատի ստեղծումը` Աֆղանստանում մարդու իրավունքների խախտումները վերահսկելու համար, կլինի տեղում կատարվող իրադարձությունների վերաբերյալ օբյեկտիվ և համակարգված տեղեկատվություն հավաքելու և այն հասցնելու լավագույն միջոցը:
Բանաձևում ընդգծվում է, որ «գերխնդիրը պետք է լինի լուծել ծանր հումանիտար ճգնաժամը, որը բացասաբար կազդի միլիոնավոր մարդկանց կենսապայմանների և ապրուստի միջոցների վրա՝ երկարատև ռազմական հակամարտության, մի շարք երաշտների և կորոնավիրուսի համաճարակի համադրության արդյունքում: ԵԽ անդամ երկրները պետք է նաև «աջակցեն ՄԱԿ -ի և նրա մասնագիտացված գործակալությունների կենտրոնական դերին Աֆղանստանի նկատմամբ միջազգային հանրության ջանքերը համակարգելու գործում ՝ սկսած մարդասիրական օգնությունից»:
15:15 25.06.2025
Պարզ լճին հարող տարածքում չորրորդ անգամ կանցկացվի «ՀՀ վարչապետի գավաթ» դպրոցականների թիմային խճուղավազք մրցաշարըԴպրոցականների շրջանում վազքի և առողջ ապրելակերպի մասսայականացման, ինչպես նաև ֆիզկուլտուրայի և սպորտի քարոզչության ապահովման նպատակով Դիլիջանի Պարզ լճին հարող տարածքում չորրորդ անգամ կանցկացվի «ՀՀ վարչապետի գավաթ» դպրոցականների թիմային խճուղավազք մրցաշարը: Եզրափակիչ փուլին կմասնակցեն հանրապետության դպրոցների լավագույն թիմերը, որոնք հաղթող են ճանաչվել մարզային և համայնքային փուլերում: Մրցաշարին կմասնակցի 11 թիմ` յուրաքանչյուրի կազմում 7 աշակերտ (5 տղա, […] ...
15:11 25.06.2025
Հանցավոր խմբի ղեկավարների և մասնակիցների բնակարաններում խուզարկությամբ հայտնաբերվել են հանցագործության համար նախատեսված մեծաքանակ առարկաներ և իրեր․ ՔԿ«Սրբազան պայքար» անվանումը կրող շարժման ղեկավարների և մասնակիցների կողմից ահաբեկչության և իշխանությունը յուրացնելու նախապատրաստություն կատարելու դեպքերի առթիվ նախաձեռնված քրեական վարույթի շրջանակներում ՀՀ քննչական կոմիտեի քննիչների կողմից ՀՀ ազգային անվտանգության ծառայության և ՀՀ ՆԳՆ ոստիկանության աշխատակիցների հետ համատեղ իրականացվել են ավելի քան 9 տասնյակ խուզարկություններ, որոնց արդյունքում հայտնաբերվել են նշված հանցագործություններին առնչվող, նախաքննությամբ ձեռք բերված տվյալները հաստատող առարկաներ […] ...
15:07 25.06.2025
Թրամփը հաստատել է Զելենսկու հետ հանդիպումըԱՄՆ նախագահ Դոնալդ Թրամփը հաստատել է, որ Վլադիմիր Զելենսկու հետ կհանդիպի, կքննարկվեն Ուկրաինայի առջև ծառացած դժվարությունները։ «Մենք կքննարկենք այն դժվարությունները, որոնց նա բախվում է։ Ես կարծում եմ, որ մենք կքննարկենք Ուկրաինայի հարցը», – ասել է ամերիկացի առաջնորդը Հաագայում ՆԱՏՕ -ի գագաթնաժողովի շրջանակներում։ ...
14:56 25.06.2025
Հայաստանի և Ադրբեջանի միջև խաղաղության պայմանագիրն անհրաժեշտ է տարածաշրջանում կայունության և անվտանգության մթնոլորտի համար․ ՊեսկովՌուսաստանը հույս ունի, որ Հայաստանի ու Ադրբեջանի միջև նոր էսկալացիա չի լինի, քանի որ երկու երկրներն արդեն շատ մոտ են խաղաղության պայմանագրի ստորագրմանը։ Այս մասին խոսել է Ռուսաստանի նախագահի խոսնակ Դմիտրի Պեսկովը։ «Մենք հույս ունենք, որ էսկալացիա տեղի չի ունենա։ Երկրները շատ մոտ են պայմանագրի վրա աշխատանքն ավարտելուն։ Հույս ունենք, որ այդ աշխատանքը կավարտվի։ Այս […] ...
14:41 25.06.2025
«Չելսիի» հարձակվողը որակազրկվել է«Չելսիի» հարձակվող Նիկոլաս Ջեքսոնը որակազրկվել է երկու խաղով, հայտնում է BBC-ն։ Նիգերիացի ֆուտբոլիստն աշխարհի ակումբային առաջնության «Ֆլամենգոյի» դեմ երկրորդ տուրի հանդիպման 68-րդ րոպեին կոպիտ խախտման պատճառով կարմիր քարտ էր ստացել։ ՖԻՖԱ-ի կարգապահական հանձնաժողովի որոշմամբ` 24-ամյա խաղացողը բաց կթողնի Թունիսը ներկայացնող «Էսպերանսի» դեմ և 1/8 եզրափակիչ դուրս գալու պարագայում այդ հանդիպումը։ Լոնդոնյան ակումբը դուրս կգա 1/8 […] ...
