ԱՇԽԱՐՀ

Թուրքիայի ԱԳ նախարար Հաքան Ֆիդանը հինգշաբթի օրը իր ռուս գործընկեր Սերգեյ Լավրովի հետ հեռախոսով քննարկել է իրավիճակը Սիրիայում և Ուկրաինայում, «ՌԻԱ Նովոստի»-ին հայտնել է Թուրքիայի ԱԳ նախարարության աղբյուրը։ «Այսօր ԱԳ նախարար Հաքան Ֆիդանը հեռախոսազրույց է ունեցել Ռուսաստանի արտգործնախարար Սերգեյ Լավրովի հետ»,- ասել է գործակալության զրուցակիցը։ Զրույցի ընթացքում քննարկվել են երկկողմ հարաբերությունները, Սիրիայում տեղի ունեցող իրադարձությունները […]

Թուրքական «Vatan» («Հայրենիք») կուսակցությունը բողոքի ցույց է անցկացրել Անկարայում ԱՄՆ դեսպանատան դիմաց այն բանից հետո, երբ ԱՄՆ նախագահ Դոնալդ Թրամփը հայտարարել է Գազայի հատվածից «պաղեստինցիներին վտարելու» իր մտադրության մասին։ «Vatan» կուսակցության ղեկավարության անդամ Ութքու Ռեյհանը, արձագանքելով Թրամփի հայտարարություններին, ասել է. «ԱՄՆ-ի ծրագրերը Գազայի հարցում ավելի լայն նախագծի՝ «Մեծ Քուրդիստանի» ստեղծման մաս են կազմում (ըստ թուրք […]

2025 թվականի հունվարի 27-31-ը ԵՄ Թայեքս (TAIEX) գործիքի շրջանակում Ֆրանսիայի Ներքին գործերի նախարարության սահմանային ոստիկանության հրավերով ՀՀ պատվիրակությունը մասնակցել է հարկադիր վերադարձի կազմակերպման Ֆրանսիայի փորձի վերաբերյալ ճանաչողական այցին։ Պատվիրակության կազմում էին ՀՀ ներքին գործերի նախարարության միգրացիայի և քաղաքացիության ծառայության, ՆԳՆ միջազգային համագործակցության, ՆԳՆ ոստիկանության քրեական ոստիկանության անօրինական միգրացիայի կազմակերպման դեմ պայքարի բաժնի և ՀՀ ԱԱԾ […]

Ֆրանսիան փորձում է լիովին արգելափակել Փարիզի Ռուսական տան գործունեությունը՝ սառեցնելով կառույցի ֆինանսական հաշիվները, «ՌԻԱ Նովոստի»-ին հայտնել է Ֆրանսիայում Ռուսաստանի դեսպան Ալեքսեյ Մեշկովը։ «Ներկայումս փորձում են ամբողջությամբ կասեցնել Ռուսական տան աշխատանքը՝ սառեցնելով նրա հաշիվները։ Մենք ֆրանսիացիների հետ բարդ բանակցություններ ենք վարում այս հարցի շուրջ, հատկապես, որ Ռուսական տունն այստեղ գործում է օրինական հիմունքներով՝ երկկողմ համաձայնագրի շրջանակում, […]

Ռուսաստանը հետաքրքրված է Աբխազիայի հետ համագործակցության ամրապնդմամբ, հայտարարել է ՌԴ ԱԳ նախարար Սերգեյ Լավրովը՝ Աբխազիայի հայտնի քաղաքական գործիչ Բադրա Գունբայի հետ հանդիպման ընթացքում։ «Մենք շահագրգռված ենք, որ մեր համագործակցությունը շարունակի ամրապնդվել։ Մեր ապրանքաշրջանառությունն աճում է, ինչպես հասկանում եմ, անցած տարի Աբխազիայի ՀՆԱ-ն աճել է 8%-ով։ Մենք վստահ ենք, որ մեր կապերում առկա ներուժը, հատկապես էներգետիկայի […]

Ֆինլանդիայում դաշինքի ուժերի և կառույցների տեղակայման վերաբերյալ ՆԱՏՕ-ի որոշումների իրականացումը, ինչպես և սպասվում էր, կմեկնարկի առաջիկա ամիսներին, հայտարարել է Ֆինլանդիայում Ռուսաստանի դեսպան Պավել Կուզնեցովը «ՌԻԱ Նովոստի»-ին տված հարցազրույցում։ «Երկրի հյուսիսում նախատեսվում է տեղակայել ՆԱՏՕ-ի Միավորված ցամաքային զորքերի առաջապահ ներկայության բազմազգ մարտավարական խումբ՝ շվեդական ղեկավարությամբ։ Երկրի արևելքում, Միկկելի քաղաքում, կստեղծվի դաշինքի ցամաքային ուժերի տարածաշրջանային հրամանատարության շտաբը։ […]

ԱՄՆ նախագահ Դոնալդ Թրամփը հայտարարել է, որ ԱՄՆ-ը կսկսի Գազայի հատվածում իրականացնել «երկրագնդի անշարժ գույքի ոլորտում ամենամեծ նախագիծը»: «ԱՄՆ-ը կամաց-կամաց և խնամքով կսկսի շինարարությունը, ինչը կդառնա երկրի վրա անշարժ գույքի ոլորտում ամենամեծ նախագիծը: Ամերիկացի զինվորների կարիքը չի լինի», – գրել է Թրամփը Truth Social սոցիալական ցանցում։ Ավելի վաղ Թրամփը հայտարարել էր, որ ԱՄՆ-ն «վերահսկելու է» […]

Աշխատանքային այցով Բելգիայում գտնվող ՀՀ ԱԺ նախագահ Ալեն Սիմոնյանի գլխավորած պատվիրակությունը փետրվարի 6-ին այցելել է Ֆլանդրիայի խորհրդարան: Ալեն Սիմոնյանը Ֆլանդրիայի խորհրդարանի նախագահ Ֆղեյա Ֆան Դեն Բոսխի հետ քննարկել է միջխորհրդարանական համագործակցությանը եւ Հայաստան-ԵՄ հարաբերություններին վերաբերող հարցերի լայն շրջանակ: Զրուցակիցների քննարկումների կենտրոնում են եղել նաեւ խաղաղության պայմանագրին, տարածաշրջանային զարգացումներին եւ Ադրբեջանում պահվող հայ գերիների խնդրին վերաբերող […]

Հնդկաստանի ռազմաօդային ուժերի Mirage 2000 օդանավը կործանվել է Մադհյա Պրադեշ նահանգում ուսումնական թռիչքի ժամանակ, օդաչուները հաջողությամբ դուրս են նետվել, հայտնել է Հնդկաստանի ռազմաօդային ուժերը: «Հնդկական ռազմաօդային ուժերի Mirage 2000 ինքնաթիռը այսօր վթարի է ենթարկվել Շիվպուրիի մոտակայքում՝ սովորական ուսումնական թռիչքի ժամանակ՝ համակարգի անսարքության հետևանքով: Երկու օդաչուները փրկվել են»,- ասվում է հաղորդագրությունում: Հետաքննություն է ընթանում՝ պարզելու վթարի […]

Բաքուն Վաշինգտոնին ծանուցում է ուղարկել, որ ԱՄՆ Միջազգային զարգացման գործակալությունը (USAID) դադարեցնում է գործունեությունը Ադրբեջանում։ Այս մասին փետրվարի 6-ին APA գործակալությանը հայտնել է Ադրբեջանի արտաքին գործերի նախարարության պաշտոնական ներկայացուցիչ Այհան Հաջիզադեն։ Նա պարզաբանել է, որ ԱՄՆ ՄԶԳ-ն իրավական հիմք չունի իր գործունեությունը շարունակելու Ադրբեջանում։

Իրանը շահագործման է հանձնել իր առաջին՝ ԱԹՍ կրող ռազմանավը։ Այս մասին հայտնում է Իրանի պետական IRNA գործակալությունը: «Շահիդ Բաղերի» անունը կրող նավը կարող է տեղափոխել անօդաչու թռչող սարքերի մի քանի էսկադրիլիա, ինչպես նաև ուղղաթիռներ և թևավոր հրթիռներ: Անօդաչու սարքերի համար նախատեսված 180 մետր երկարությամբ թռիչքուղով նավը, IRNA-ի փոխանցմամբ, ի վիճակի է ծովում մինչև 22 հազար […]

Ֆրանսիական Mirage առաջին կործանիչները ժամանել են Ուկրաինա, հայտարարել է Ֆրանսիայի պաշտպանության նախարար Սեբաստիան Լեկորնուն։ «2024 թվականի հունիսի 6-ին նախագահ Էմանուել Մակրոնը հայտարարեց Ուկրաինա ֆրանսիական Mirage 2000-ների մատակարարման մասին: Դրանցից առաջինը Ուկրաինա է ժամանել այսօր»,- սոցցանցում գրել է նախարարը։ Ըստ Լեկորնուի՝ ուկրաինացի օդաչուները մի քանի ամիս սովորել են Ֆրանսիայում դրանք վարելու համար:

ՀԱՊԿ անդամ պետությունների խորհրդարանների հանձնաժողովների նախագահների խորհրդակցությունը տեղի կունենա փետրվարի 7-ին Մոսկվայում։ Այս մասին հայտնել է Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի ղեկավար Լեոնիդ Կալաշնիկովը։ «Վաղը մենք, ի դեպ, ՀԱՊԿ-ի հարցերով հանդիպում ենք հանձնաժողովների նախագահների հետ», – ասել է նա Պետդումայի պրոֆիլային  հանձնաժողովների համատեղ նիստի ընթացքում:

Բաքվի ռազմական դատարանում մեկնարկել է Արցախի նախկին պետնախարար, բարերար Ռուբեն Վարդանյանի դեմ շինծու մեղադրանքներով հերթական դատական նիստը: Դատավարությունն ընթանում է Բաքվի զինվորական դատարանում։ Վարդանյանի գործը քննվում է Արցախի նախկին ռազմաքաղաքական ղեկավարների գործից առանձնացված։ Շինծու դատավարության գործընթացը մեկնարկել էր հունվարի 17-ին:

Հունաստանի խորհրդարանը չի կարողացել ընտրել երկրի նախագահին քվեարկության երրորդ փուլում, թեկնածուներից ոչ մեկը չի ստացել պատգամավորների ընդհանուր թվի ձայների 3/5-ը (300-ից 180-ը), չորրորդ փուլը կկայանա փետրվարի 12-ին, ասել է խորհրդարանի խոսնակ Նիկիտաս Կակլամանիսը։ «Ոչ մի թեկնածու չկարողացավ հավաքել ընտրության համար պահանջվող ձայների մեծամասնությունը՝ ըստ կանոնակարգի: Հանրապետության նախագահի ընտրության հաջորդ քվեարկությունը տեղի կունենա հինգ օրից, այսինքն՝ […]

ԱՄՆ-ը պետք է առաջին քայլը անի Ռուսաստանի հետ հարաբերությունների կարգավորման ուղղությամբ, ասել է փոխարտգործնախարար Սերգեյ Ռյաբկովը, նրա խոսքերը մեջբերված են ԱԳՆ կայքում։ Դիվանագետը նշել է, որ «Մոսկվան ձգտում էր ազնիվ գործընկերության, սակայն Արևմուտքը չարձագանքեց դրան, քանի որ նրա սկզբնական նպատակն էր թուլացնել աշխարհաքաղաքական հակառակորդին»։ «ԱՄՆ վարչակազմի փոփոխության ֆոնին առաջին քայլը երկկողմ հարաբերությունների կարգավորման ուղղությամբ, այսինքն՝ […]

Հայաստանի արտաքին գործերի նախարար Արարատ Միրզոյանը X-ի միկրոբլոգում գրառմամբ նշել է, որ Հայաստանը շարունակում է ջանքեր գործադրել՝ զարգացնելու հայ-ամերիկյան հարաբերությունները տարբեր ոլորտներում։ «Հիմնվելով Հայաստան-Միացյալ Նահանգներ ռազմավարական գործընկերության վրա՝ մենք շարունակում ենք մեր ջանքերն ու կարևոր խոսակցությունները Հայաստանի և Միացյալ Նահանգների միջև տնտեսության, առևտրի, անվտանգության և այլ ոլորտներում համագործակցությունն արդյունավետ դարձնելու համար»,-նշել է Արարատ Միրզոյանը։ Հայաստանը […]

Լեհական բանակի անձնակազմի թիվը 2025 թվականին կավելացվի մինչև 230 հազար, հայտարարել է Լեհաստանի ազգային պաշտպանության նախարար Վլադիսլավ Կոսինյակ-Կամիշը։ «Զինվորականների թիվը կշարունակի աճել։ Տարեվերջին այն պետք է կազմի մոտ 230 հազար զինվոր, այդ թվում՝ ավելի քան 150 հազար պրոֆեսիոնալ զինվորական», – ասել է Կոսինյակ-Կամիշը, որին մեջբերում է Լեհաստանի պաշտպանության նախարարության մամուլի ծառայությունը։ «Մենք պարզեցնում ենք զինվորական […]

Միացյալ Նահանգները կկարողանա լուծել Գազայի հատվածի կարգավիճակի հետ կապված հարցերը միայն այն բանից հետո, երբ Իսրայելը ոչնչացնի ՀԱՄԱՍ շարժումը, Fox News-ի եթերում ասել է ԱՄՆ պաշտպանության նախարար Փիթ Հեգսեթը։ «Ոչնչացնելով ահաբեկիչներին, ովքեր ձգտում են ոչնչացնել Իսրայելը, խաղաղություն եք բերում, և ես աջակցում եմ դրան։ Այն, ինչ տեղի կունենա դրանից հետո, ավելի երկար խոսակցություն է», – […]

Իսրայելի պաշտպանության նախարար Իսրայել Կացը հանձնարարել է բանակին պատրաստել ծրագիր, որը թույլ կտա Գազայի բնակիչներին կամավոր լքել անկլավը և մեկնել աշխարհի ցանկացած կետ, հաղորդում է պաշտպանության նախարարության մամուլի ծառայությունը։ «Ես ողջունում եմ ԱՄՆ նախագահ Դոնալդ Թրամփի համարձակ ծրագիրը: Գազայի բնակիչներին պետք է տրվի ելքի և միգրացիայի ազատություն, ինչպես դա տեղի է ունենում ամբողջ աշխարհում: Ծրագիրը […]

Գերմանիայի կանցլեր Օլաֆ Շոլցն ասել է, որ անօրինական միգրացիայի դեմ պայքարում իր և իր կառավարության վարած քաղաքականությունը ճիշտ է և տալիս է իր պտուղները։ Ապաստանի դիմումների թիվը, նրա խոսքով, վերջերս նվազել է մեկ երրորդով: «Ես մտցրեցի սահմանային հսկողություն և համոզվեցի, որ Գերմանիայի սահմաններում ավելի քան 40 հազար մուտքի մերժում է գրանցվել։ Հունվարին մենք ունեցել ենք […]

Սիրիայի անցումային նախագահ Ահմեդ ալ-Շարաան իր ֆրանսիացի գործընկեր Էմանուել Մակրոնից հրավեր է ստացել առաջիկա շաբաթներին պաշտոնական այց կատարել Փարիզ։ Այս մասին հայտարարել է Սիրիայի ղեկավարի գրասենյակը՝ Մակրոնի հետ նրա հեռախոսազրույցից հետո։ «Ահմեդ Ալ-Շարաան Ֆրանսիայի նախագահից հրավեր է ստացել առաջիկա շաբաթներին այցելել Ֆրանսիա»,- ասվում է տեքստում։ Գրասենյակի տվյալներով՝ Մակրոնը շնորհավորել է ալ-Շարաային նախագահի պաշտոնը ստանձնելու կապակցությամբ […]

Կանադայի կառավարությունը չի փոխել իր դիրքորոշումը Գազայի հատվածի հակամարտության վերաբերյալ և շարունակում է հանդես գալ Պաղեստինի ճանաչման օգտին։ Այս մասին հայտարարել է Կանադայի արտաքին գործերի նախարար Մելանի Ջոլին։ «Կանադայի վաղեմի դիրքորոշումը Գազայի մասով չի փոխվել: Մենք աջակցում ենք երկու պետությունների հակամարտության լուծմանը, որով իսրայելցիներն ու պաղեստինցիները կարող են ապահով ապրել միջազգայնորեն ճանաչված սահմաններում»,-գրել է նախարարը […]

Գերմանիայի նախկին կանցլեր (2005-2021) Անգելա Մերկելը սխալ չի համարում երկրի վերջին 10 տարիների միգրացիոն քաղաքականությունը։ «Ես չեմ կարծում, որ վերջին 10 տարվա փախստականների քաղաքականությունը սխալ է եղել»,- ասել է Մերկելը Die Zeit թերթի կազմակերպած միջոցառման ժամանակ։ Դա լավ է արվել 2017, 2018 և 2019 թվականներին, ասել է նա՝ նկատի ունենալով Ավստրիայի հետ սահմանային վերահսկողությունը և […]

ԱՄՆ նոր պետքարտուղար Մարկո Ռուբիոն ասել է, որ չի գնա Յոհանեսբուրգում կայանալիք 20-րդ խմբի (G20) երկրների արտաքին գործերի նախարարների հանդիպմանը՝ Հարավային Աֆրիկայի հակաամերիկյան քաղաքականության պատճառով։ Այս մասին նա չորեքշաբթի օրը գրել է X-ում։ «Ես չեմ մասնակցի Յոհանեսբուրգում G20-ի գագաթնաժողովին: Հարավային Աֆրիկան ​​շատ վատ բաներ է անում: Օտարում է մասնավոր սեփականությունը։ Իմ աշխատանքն Ամերիկայի ազգային շահերն […]

Պենտագոնի ղեկավար Փիթ Հեգսեթը և Իսրայելի վարչապետ Բենիամին Նեթանյահուն պայմանավորվել են համակարգել Իրանին հակազդելու ջանքերը: Այս մասին ասվում է ամերիկյան ռազմական գերատեսչության հաղորդագրության մեջ։ Ինչպես նշվում է փաստաթղթում, Հեգսեթը և Նեթանյահուն «համաձայնել են, որ Իրանը շարունակում է սպառնալիք հանդիսանալ տարածաշրջանային անվտանգության համար և պայմանավորվել են համատեղ աշխատել այս խնդրի լուծման համար»։ Հանդիպման ընթացքում Հեգսեթը նաև […]

Կոլումբիայի ՆԳՆ ղեկավար Խուան Ֆերնանդո Քրիստոն առաջարկել է երկրի կառավարության նախարարներին հրաժարական տալ՝ առկա հակասությունների պատճառով։ «Կաբինետը, որը ձևավորվել է այսօր, անկայուն է: Կառավարությանը անհրաժեշտ է մեկուկես տարի մինչև Կոլումբիայի նախագահ Գուստավո Պետրոյի նախագահական ժամկետի ավարտը, կոլումբիացիները ակնկալում են, որ կառավարության ծրագրի և ազգային զարգացման ծրագրի հիմնական ասպեկտները կիրականացվեն։ Առաջարկում եմ, որ նախարարները հրաժարական տան՝ […]

Թայվանի զինված ուժերը գրանցել են 27 ինքնաթիռի, Չինաստանի ժողովրդական ազատագրական բանակի (PLA) 6 նավի, ինչպես նաև ՉԺՀ-ի մեկ պաշտոնական նավի մոտեցումը կղզուն։ Ինչպես հայտնել է կղզու պաշտպանության նախարարությունը X-ում, 23 ինքնաթիռ հատել է Թայվանի նեղուցի միջին գիծը, որը բաժանում է կղզին և մայրցամաքային Չինաստանը: «Այսօր առավոտյան Թայվանի շրջակայքում հայտնաբերվել է 27 PLA ինքնաթիռ, 6 PLA […]

Չինաստանի ժողովրդական ազատագրական բանակը երկու նավ կուղարկի Պակիստան՝ մասնակցելու «Խաղաղություն 2025» բազմակողմ զորավարժություններին։ Այս մասին հայտնում է ՉԺՀ պաշտպանության նախարարությունը։ Ինչպես նշվում է ռազմական գերատեսչության WeChat էջում, ի պատասխան Պակիստանի զինված ուժերի հրավերի, Պեկինը փետրվարի առաջին կեսին կուղարկի Baotou կործանիչն ու Gaoyuhu նավը։ Առաջիկա զորավարժությունների ընթացքում կիրականացվեն այնպիսի գործողություններ, ինչպիսիք են ծովային մատակարարումը և ծովահենության […]

Միացյալ Նահանգների կառավարությանը պատկանող նավերն այսուհետ կկարողանան անվճար անցնել Պանամայի ջրանցքով։ Այս մասին Պետդեպարտամենտը հայտնել է X-ում։ «Միացյալ Նահանգների կառավարական նավերն այժմ կարող են տարանցիկ անցնել Պանամայի ջրանցքով առանց գանձման՝ ամեն տարի խնայելով ԱՄՆ կառավարությանը միլիոնավոր դոլարներ»,-ասվում է հայտարարության մեջ: ԱՄՆ պետքարտուղար Մարկո Ռուբիոն փետրվարի 2-ին հանրապետության մայրաքաղաքում հանդիպել է Պանամայի նախագահ Խոսե Ռաուլ Մուլինոյի […]