15:13 25.10.2021
Կարեն Դեմիրճյանի անվան մարզահամերգային համալիրում ավարտվել է «Yerevan Open» շախմատային միջազգային մրցաշարը, որն անցկացվում էր արդեն երրորդ անգամ: Հայ գրոսմայստեր Արման Միքայելյանը մրցաշարի արդյունքներով գրավել է պատվավոր երրորդ հորիզոնականը:
Հարկ է նշել, որ 9 տուր տևած ծանր պայքարի արդյունքում մրցանակային տեղեր զբաղեցրած 3 շախմատիստներն էլ վաստակել են 7.5-ական միավոր: Վերջին տուրում Հնդկաստանի ներկայացուցիչներ Նարայանանն ու Պուրանիկ Աբհիմանյուն ոչ-ոքի են խաղացել. վերջինս լրացուցիչ արդյունքներով դարձել է մրցաշարի հաղթող ու արժանացել 2 միլիոն դրամ պարգևի, երկրորդ տեղը գրավել է Ուկրաինայի ներկայացուցիչ Վիտալի Սիվուկը՝ ստանալով 1 միլիոն 4 հարյուր հազար դրամ: Արման Միքայելյանը վերջին տուրում առավելության է հասել Կարտիկ Վենկատարամանի նկատմամբ:
4-րդ անընդմեջ հաղթանակն է տարել ու մրցաշարը 5.5 միավորով ավարտել կանանց Հայաստանի հավաքականի անդամ Աննա Սարգսյանը: Վերջին տուրում ցավալի պարտություն է կրել Դավիթ Շահինյանը՝ միավորը զիջելով Էրիգայիսի Արյունին: Մամիկոն Ղարիբյանը ոչ-ոքի է խաղացել Գուկեշի, իսկ Հայկ Երիցյանը՝ Արաշ Դաղլիի հետ: Տիգրան Պետրոսյանը «Yerevan Open»-ն ավարտել է 6 միավորով՝ 9-րդ տուրում հաղթելով Բաչանա Մորչիաշվիլիին: Հովիկ Հայրապետյանն էլ հաղթել է հնդիկ Բարաթ Սուբրամանիյամին ու բավարարվել 9-րդ տեղով:
Կանանց պայքարում լավագույն արդյունքը գրանցել ու 200 հազար դրամ մրցանակի է արժանացել Ագրավալ Վանդիկան՝ Հնդկաստանից, իսկ երկրորդ տեղը գրավել է Վաիշալին՝ դարձյալ Հնդկաստանից:
B խմբում վաստակած 8 միավորով լավագույնի կոչմանն արժանացել է Արամ Վարդանյանը: Մրցանակներ էին սահմանված նաև առանձին անվանակարգերում:
«Yerevan Open»-ի բլից մրցաշարում հայ գրոսմայստեր Հայկ Մարտիրոսյանը, ինչպես հայտնի է, երրորդ հորիզոնականն էր զբաղեցրել: Կայացած 9 բլից պարտիաներից հետո Հայաստանի հավաքականի ներկայացուցիչը վաստակել էր 7,5 միավոր և եզրափակել լավագույն եռյակը:
«Yerevan Open» շախմատային միջազգային մրցաշարին մասնակցել է ՖԻԴԵ-ի վարկանիշ ունեցող 311 շախմատիստ՝ 14 երկրից, այդ թվում՝ գրոսմայստերներ և միջազգային վարպետներ:
Երևանի բաց առաջնությունն անցկացվել է արդեն 3-րդ անգամ: Այս տարի մրցաշարը բաղկացած էր երկու ենթախմբից` A և B: A ենթախմբի մրցաշարին մասնակցել է 129 շախմատիստ՝ աշխարհի 10 երկրից: Երևանի բաց մրցաշարն անցկացվել է շվեյցարական մրցակարգով. այն բաղկացած էր 9 տուրից: Մրցաշարի ընդհանուր մրցանակային ֆոնդը կազմում էր 11 միլիոն դրամ:
13:25 22.06.2025
Առաջիկա օրերի եղանակային կանխատեսումը
11:20 23.06.2025
ՏԿԵ նախարարի տեղակալը շեշտել է ՀՀ ընդհանուր օգտագործման պետական ավտոմոբիլային ճանապարհների պահպանման համակարգում բարելավումներ իրականացնելու անհրաժեշտությունըՀՀ ՏԿԵ նախարարի տեղակալ Քրիստինե Ղալեչյանի մասնակցությամբ Ասիական զարգացման բանկի (ԱԶԲ) աջակցությամբ տեղի է ունեցել «Ճանապարհային ակտիվների կառավարման համար ճանապարհների պահպանման կատարողականի վրա հիմնված պայմանագրային մեթոդի կիրառումը» թեմայով աշխատաժողով, որին մասնացել են նախարարության Ճանապարհային ոլորտի քաղաքականության և Գնումների համակարգման և կազմատնտեսական վարչությունների, ՀՀ ֆինանսների նախարարության և «Ճանապարհային դեպարտամենտ» հիմնադրամի, ինչպես նաև բանկի ներկայացուցիչները։ Նախարարի տեղակալը […] ...
11:12 23.06.2025
Տարադրամի փոխարժեքները հունիսի 23-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 385 դրամ, վաճառքի նվազագույն արժեքը՝ 388 դրամ: Եվրոյի առքի առավելագույն արժեքն է 440․50 դրամ, վաճառքի նվազագույն արժեքը՝ 446 դրամ: Ռուսական ռուբլու առքի առավելագույն արժեքն է 4․87 դրամ, վաճառքի նվազագույն արժեքը՝ 4.96 դրամ: ...
11:07 23.06.2025
«Մանչեսթեր Սիթին» դուրս է եկել փլեյ-օֆֆ․ ԱԱԱԱշխարհի ակումբային առաջնության G խմբի երկրորդ տուրում «Մանչեսթեր Սիթին» 6-0 հաշվով հաղթել է «Ալ Աինին»։ Գվարդիոլայի թիմից դուբլ են գրանցել Իլկայ Գյունդողանը, դարպասի մեկական գրավմամբ աչքի են ընկել Կլաուդիո Էչևերին, Էռլինգ Հոլանդը, Օսկար Բոբն ու Ռայան Շերկին։ «Մանչեսթեր Սիթին» 6 միավորով G խմբի երկրորդ տեղում է ու ապահովել է տեղը փլեյ-օֆֆում, իսկ «Ալ Աինը» երկրորդ […] ...
11:00 23.06.2025
Հետախուզվող 24-ամյա երևանցին հայտնաբերվեց․ խափանման միջոցը՝ կալանքՔրեական ոստիկանության Երևան քաղաքի վարչության ծառայողների օպերատիվ-հետախուզական միջոցառումների շնորհիվ հունիսի 19-ին Կոտայքի մարզի Արզական գյուղում հայտնաբերել և վարչություն է ներկայացվել Երևանի բնակիչ 24-ամյա մի երիտասարդ: Նա հետախուզվում էր առողջությանը ծանր վնաս պատճառելու մեղադրանքով, խափանման միջոցը` կալանք: ...
10:52 23.06.2025
Հասարակական տրանսպորտի աշխատանքը շարունակաբար բարելավելու նպատակով երթևեկության կազմակերպման մեջ մի շարք փոփոխություններ են կատարվելՄայրաքաղաքում հասարակական տրանսպորտի աշխատանքը շարունակաբար բարելավելու նպատակով երթևեկության կազմակերպման մեջ մի շարք փոփոխություններ են կատարվել։ Այս մասին Ֆեյսբուքի իր էջում գրել է Երևանի քաղաքապետի մամուլի քարտուղար Հայկ Կոստանյանը։ Դրանց նպատակը հասարակական տրանսպորտին առաջնահերթություն տալն է՝ այն դարձնելով ավելի արդյունավետ և ժամանակին հասանելի։ Փոփոխությունների արդյունքում որոշ հատվածներում երթևեկությունը դարձել է ավելի հագեցած, ինչը բնական է նման […] ...
10:30 23.06.2025
Արաղչի. Իսրայելի և ԱՄՆ-ի ագրեսիան Իրանի դեմ հղի է լուրջ հետևանքներովԻսրայելի և Միացյալ Նահանգների ագրեսիան Իրանի դեմ հղի է լուրջ հետևանքներով ոչ միայն Մերձավոր Արևելքի, այլև ամբողջ աշխարհի համար: Այս մասին հայտարարել է Իսլամական Հանրապետության արտաքին գործերի նախարար Աբբաս Արաղչին՝ Մոսկվա ժամանելուն պես։ «Իսրայելի և ԱՄՆ-ի գործողությունները լուրջ հետևանքներ ունեն և խնդիրներ են ստեղծում ոչ միայն Իրանի, այլև տարածաշրջանի, միջազգային հանրության և միջազգային իրավունքի համար», […] ...
