15:22 29.10.2021
Կորոնավիրուսը բացասական ազդեցություն է թողնում փսորիազի, մաշկային այլ հիվանդությունների ընթացքի վրա:
«Արմենպրես»-ի մամուլի սրահում հրավիրված ասուլիսում ՀՀ առողջապահության նախարարության մաշկավեներաբանության գծով խորհրդատու, ՀՀ ԱՆ մաշկաբանության ազգային կենտրոնի բուժական գծով փոխտնօրեն Հովհաննես Հովհաննիսյանը նշեց, որ սկզբնական շրջանում որևէ պատկերացում չունեին, թե կորոնավիրուսն ինչ ազդեցություն կարող է թողնել փսորիազ հիվանդության ընթացքի վրա, բայց հետազոտությունները ցույց տվեցին, որ կորոնավիրուսային հիվանդությունն անգամ թեթև արտահայտման պարագայում, լուրջ ազդեցություն է թողնում փսորիազի ընթացքի վրա:
«Քովիդի ծանր ընթացքի դեպքում մենք ունենում ենք նաև ծանր ընթացք փսորիազի պարագայում: Եվ այս երկու հիվանդությունները միասին բուժել, գործնականում դառնում է անհնար, և ունենում ենք անցանկալի ելքեր: Իհարկե, եղել են դեպքեր, երբ քովիդի բուժման ժամանակ փսորիազը հետ է զարգացել, բայց ասեմ, որ դա հիմնականում պայմանավորված է դեքսամետազոնի օգտագործմամբ: Բուժակներն ուրախանում են այդ հանգամանքով, սակայն շտապեմ ասել, որ դա ժամանակավոր է: Բացասական հետևանքներն ակնհայտ են լինում, երբ մենք հրաժարվում ենք դեքսամետազոնից, իսկ բուժակը հրաժարվելու է մի օր, որովհետև չի կարող անվերջ օգտագործել: Նման դեպքում ունենում ենք փսորիազի սրացումներ»,- ասաց մասնագետը:
Հովհաննես Հովհաննիսյանը նշեց, որ մաշկային քրոնիկական հիվանդությունների պարագայում իրենց բուժակներին խորհուրդ են տալիս պատվաստվել: Պատվաստումների հետ կապված որևէ հակացուցում չկա, եթե հիվանդությունները սուր փուլում չեն գտնվում:
«Կան մի քանի հիվանդություններ, որոնց սրացման ժամանակ ցանկալի չէ պատվաստվել, օրինակ, բշտային հիվանդությունները, որոնք ծայրահեղ ծանր ընթացքով մաշկային հիվանդություններ են, բայց խոսքը միայն սրացման շրջանի մասին է: Երբ սրացման շրջանից դուրս ենք գալիս, ապա պատվաստումները ոչ միայն ցանկալի են, այլև՝ պարտադիր: Փորձը ցույց է տալիս, որ կորոնավիրուսը թե´ փսորիազի, թե´ մաշկային այլ քրոնիկ հիվանդության պարագայում հանգեցնում է սրացման, ծանր ընթացքի: Պատվաստումները նվազեցնում են վարակվելու ռիսկը, ծանր ընթացքը: Մենք մեր հիվանդներին բացատրում ենք, հորդորում ենք պատվաստվել: Ունենք բուժառուներ, որոնք պատվաստվել են, ընդ որում, բոլոր պատվաստանյութերով պատվաստված հիվանդներ ունենք, և ոչ մի ձևով դա չի անդրադարձել նրանց բուժման վրա»,- ասաց Հովհաննես Հովհաննիսյանը:
13:25 22.06.2025
Առաջիկա օրերի եղանակային կանխատեսումը
23:59 22.06.2025
ՀՀ օդերևութաբանական կայաններում գամմա-ֆոնի դիտված արժեքների փոփոխություններ չեն դիտվելՇՄՆ Հիդրոօդերևութաբանության և մոնիթորինգի կենտրոն ՊՈԱԿ-ի կողմից 24/7 ռեժիմով շարունակվում են պետական նշանակության հիդրոօդերևութաբանական աշխատանքների կատարումը՝ այդ թվում ֆոնային գամմա-ճառագայթման դոզայի հզորության ամենօրյա չափումները, համաձայն ՀՀ կառավարության 30․05․2024թ․ 826-Լ որոշման պահանջների։ Հունիսի 21-22-ին օդերևութաբանական կայաններում գամմա-ֆոնի դիտված արժեքների փոփոխություններ չեն դիտվել և գտնվել են 14-20 միկրոռենտգեն/ժամ տիրույթում։ ...
23:44 22.06.2025
«Մանչեսթեր Սիթին» տուգանվել է շուրջ 2 միլիոն ֆունտ ստերլինգովԱնգլիական Պրեմիեր լիգան տուգանել է «Մանչեսթեր Սիթիին» հանդիպումները ժամանակին սկսելու և վերսկսելու պարտավորության վերաբերյալ մրցաշարի ընթացակարգը խախտելու բազմաթիվ դեպքերի պատճառով։ Անցած առաջնությունում «Մանչեսթեր Սիթին» այդ կանոնը խախտել է 9 անգամ և ստիպված կլինի վճարել 2,09 միլիոն ֆունտ ստերլինգ տուգանք։ հատկանշական է, որ մանչեսթերյան ակումբը չի վիճարկել տուգանքը և ընդունել է մեղավորությունը։ Պրեմիեր լիգան հիշեցնում է, […] ...
23:29 22.06.2025
Հայաստանյայց Առաքելական Սուրբ Եկեղեցին նշեց Կաթողիկե Սուրբ Էջմիածնի տոնըՀունիսի 22-ին Հայաստանյայց Առաքելական Սուրբ Եկեղեցին նշեց Կաթողիկե Սուրբ Էջմիածնի տոնը: Այն Սուրբ Գրիգոր Լուսավորչի տեսիլքով Կաթողիկե Սուրբ Էջմիածնի հիմնադրման տոն է։ Բերկրառատ օրվա առիթով Միածնաէջ Մայր Տաճարում, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հանդիսապետությամբ, մատուցվեց Սուրբ և Անմահ Պատարագ։ Պատարագիչն էր Մայր Աթոռ Սուրբ Էջմիածնի երիցագույն միաբաններից Գերաշնորհ Տ ․ Հայկազուն […] ...
23:20 22.06.2025
ՄԱԿ-ը կոչ է անում Իրանին թույլատրել ՄԱԳԱՏԷ-ի տեսուչներին մուտք գործել միջուկային օբյեկտներՄԱԿ-ը կոչ է անում Իրանին թույլատրել Ատոմային էներգիայի միջազգային գործակալության (ԱԷՄԳ) տեսուչներին մուտք գործել երկրի միջուկային օբյեկտներ՝ ԱՄՆ-ի հարվածներից հետո պատճառված վնասը գնահատելու համար, հայտարարել է ՄԱԿ-ի գլխավոր քարտուղարի օգնական Միրոսլավ Յենչան։ «Ես կոչ եմ անում Իրանին թույլատրել ՄԱԳԱՏԷ-ի տեսուչներին մուտք գործել օբյեկտներ՝ վնասի գնահատում անցկացնելու համար, հենց որ անվտանգության պայմանները թույլ տան», – ասել […] ...
22:58 22.06.2025
Վարչապետը հետևել է «Դպրոցականների բասկետբոլի լիգա» մարզական խաղերի եզրափակիչ փուլի հանդիպմանըՎարչապետ Նիկոլ Փաշինյանը Երևանի Սպորտի կառավարման կենտրոնի բասկետբոլային մարզադահլիճում հետևել է «Դպրոցականների բասկետբոլի լիգա» մարզական խաղերի 2025 թվականի եզրափակիչ փուլի հանդիպմանը: Մրցաշարը նպատակ ունի խթանելու առողջ ապրելակերպը, զարգացնելու բասկետբոլի նկատմամբ հետաքրքրությունը դպրոցականների շրջանում, ինչպես նաև բացահայտելու տաղանդավոր և հեռանկարային մարզիկներին։ Վարչապետը շնորհավորել է բոլորին մրցաշարի առիթով և հույս հայտնել, որ այն առաջիկա տարիներին անպայման կշարունակվի: […] ...
22:30 22.06.2025
Էլեկտրաէներգիայի պլանային դադարեցումներ՝ Երևանի և մարզերի մի շարք հասցեներում«Հայաստանի էլեկտրական ցանցեր» ՓԲԸ-ն տեղեկացնում է, որ հունիսի 23-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը․ Երևանի Էրեբունի վարչական շրջան՝ 10։00-16։00 Մուշական փ. 2, 4, 5, 6 առանձնատներ և հարակից ոչ բնակիչ-բաժանորդներ, 11:00-16:00 Խորենացու փողոցի առանձնատներ, Խորենացու փ. 72 շենք , Տիգրան Մեծի պող. 39, 41, 43 շենքեր և ոչ բնակիչ-բաժանորդներ, Արմավիրի […] ...
