19:05 30.10.2021
Շիրակի մարզի ջրամբարները գնում են ձմեռացման։ Սա նշանակում է, որ ոռոգման սեզոնը գրեթե ավարտված է, իսկ ջրամբարներում մնացել է այնքան ջուր, որքան անհրաժեշտ է կենդանական աշխարհի պահպանության և տեխնիկական վիճակի ապահովման համար։ Այս տարին երաշտային էր, ամռանը ջուրը գյուղացիական տնտեսություններին չբավականացրեց։ Շղթայաբար նաև ձմեռացման ջրամբարները գնում են ավելի քիչ ջրի պաշարով՝ նախորդ տարվա համեմատ։
«Շիրակ» ջրօգտագործողների ընկերության ենթակայության 3 ջրամբարներում՝ Կառնուտում, Վարդաքարում ու Սառնաղբյուրում ջուրը մեռյալ ծավալին դեռ չի հասել, բայց մոտ է այդ ցուցանիշին։
«Ջրի ծավալները ձմեռացման գնալու համար բավարար են։ 2 մլն 240 հազար խորանարդ մետր ջուր ունենք Կառնուտի ջրամբարում, 410 հազար՝ Սառնաղբյուրի ջրամբարում, իսկ Վարդաքարի ջրամբարում 400 հազար խորանարդ մետր ջուր կա։ Մեռյալ ծավալը Կառնուտի համար 800 հազար է, Սառնաղբյուրի և Վարդաքարի ջրամբարների համար՝ 200 հազար խորանարդ մետր»,- SHANTNEWS-ին ասել է « Շիրակ» ՋՕ ընկերության փոխտնօրեն Մանվել Նահապետյանը։
Շիրակի մարզում ոռոգման սեզոնը սկսվում է մայիսին, ամփոփվում` նոյեմբերի կեսին։ Այսինք, հիմա դեռ քիչ քանակության, բայց ոռոգման ջուր բաց է թողնվում։ Ախուրյանի տարածաշրջանի գյուղերը ոռոգում են աշնանացան ցորենի ցանքերը։ Ոռոգման ջրի պահանջարկն այս սեզոնին շատ քիչ է։ Այսինքն, մինչև ձմեռացում ջրամբարներում ջրի քանակը քիչ փոփոխության կենթարկվի։
Այս տարի ոռոգման սեզոնին ջուրը չբավականացրեց։ Տարին երաշտային էր, եղած ջուրը ոչ արդյունավետ օգտագործելու մեղադրանքներ էին հնչում։ Կառնուտի ջրամբարի թողունակությունը 23 մլն խորանարդ մետր է, տեխնիկական վիճակը թույլ է տալիս կուտակել մինչև 18 մլն խորանարդ մետր, բայց անգամ այս ցուցանիշին ամռանը Կառնուտում ջուրը չհասավ։
Տեղումներ նաև հիմա չկան։ Ջրօգտագործող ընկերության մասնագետներն են նշում՝ աշունը ևս երաշտային է։ Ջրի պակասի շղթայական հետևանքն այն է, որ նաև ձմեռացման ջրամբարները գնում են, նախորդ տարվա համեմատ, ավելի քիչ ջրի պաշարով։ Կառնուտի ջրամբարը, ըստ մասնագետի, անցած տարի 4-5 մլն խորանարդ մետրով է գնացել ձմեռացման, այս տարի` ընդամենը 2 մլն խորանարդ մետր ջրով։ Երաշտին նաև գումարվում են ջրակորուստները, որոնք տարեցտարի ավելանում են։
«Պլատինայի ներքևի հատվածում նստվածքներ ունենք, անզեն աչքով էլ երևում է, որ թաղանթները լրիվ բացված են։ Հետևանքում՝ ջրակորուստներ են։ Վերանորոգման կարիք կա ջրամբարում։ Կարելի է ասել վերջ՝ ջրամբարն արդեն գնում է ձմեռացման։ 2մլն 240 հազար խորանարդ մետր ջուր ունենք։ Նախորդ տարիներին 4-5 մլն խորանարդ մետրով էինք գնում ձմեռացման»,- SHANTNEWS-ին ասել է Կառնուտի ջրամբարի պետ Արմեն Հովհաննիսյանը։
Հիմա ջրատարներն ուսումնասիրում են՝ գարնանը նորից նորոգումներ կատարելու համար։ Մասնակի նորոգումները գրեթե ամենամյա են։ Կորուստներով ու քայքայված տաշտակներով հիմա էլ դեռ Կառնուտի ջրամբարում ջրի մուտքեր կան։ Կառնուտի համար դոտացիոն է Արփիի ջրամբարը, որտեղից ջրթող այլևս չի կատարվում։ Քիչ քանակության ջուր Աշոցքի ու Ամասիայի սարերից Կառնուտ հասնում է Ախուրյան գետով։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
