19:40 05.11.2021
Ջուլիետա Ղուկասյանին ծեծելով մահվան հասցնելու գործի քննությունը վկաների հարցաքննության փուլում է։ Նախորդ դատական նիստին ցուցմունքներ էին տվել ամբաստանյալ Անդրեյ Ռազգիլդեևի հարազատները։ Հերթական դատական նիստին պետք է հարցաքննվեին գործով առանցքային համարվող վկաներ։ Խոսքը Ռազգիլդեևի ծառայակիցների մասին է, որոնց հետ նա դեպքի օրը ժամանակ է անցկացրել Գյումրիի գիշերային ակումբներում։ Ծառայակիցները, սակայն, Գյումրիում տեղակայված ռուսական 102-րդ ռազմաբազայում այլևս չեն ծառայում, ըստ այդմ՝ հրապարակվել են նրանց նախաքննական ցուցմունքները։
Ջուլիետա Ղուկասյանին ծեծելով մահվան հասցնելու գործով 5 վկաների ներկայությունը դատարանում ապահովել, ըստ էության, անհնար է։ Պատճառները տարբեր են։ Վկաներից առաջինը Հանրապետությունից բացակայում է։ Խոսքը Գյումրիի գիշերային ակումբներից մեկի անվտանգության աշխատակցի մասին է։ Դատարանը որոշում կայացրեց նրա նախաքննական ցուցմունքները հրապարակելու մասին: Վկան 2018-ի դեկտեմբերի 1-ի լույս 2-ի գիշերը տեսել է Անդրեյ Ռազգիլդեևին և իր նախաքննական ցուցմունքներում նշել է, որ ռուս զինծառայողները ոգելից խմիչք են օգտագործել։
Ռուս զինծառայողները նույն օրը շարունակել են զվարճանալ մեկ այլ գիշերային ակումբում։ Այս մասին իր նախաքննական ցուցմունքում նշել է ոստիկանության աշխատակիցներից մեկը, որը նույն օրը հաճախորդի կարգավիճակում գտնվել է տվյալ գիշերային ակումբում, տեսել է ռուս զինծառայողներին, իսկ դեկտեմբերի 2-ին Ջուլիետա Ղուկասյանին ծեծելով մահվան հասցնելու դեպքի տեսագրությունում ճանաչել է Ռազգիլդեևին։ Ոստիկանության աշխատակից վկան մահացել է, ու հրապարակվեցին նրա նախաքննական ցուցմունքները։
Մյուս վկաները, որոնց ներկայությունը դատարանում հնարավոր չի եղել ապահովել, Ռազգիլդեևի ծառայակից ընկերներն են։ Ըստ նախաքննական տվյալների՝ նրանց հետ է եղել դեպքին նախորդող ժամերին։ Ծառայակից 3 ընկերները Գյումրիում տեղակայված ռուսական 102-րդ ռազմաբազայում այլևս չեն ծառայում։ Այս մասին դատարանը համապատասխան տեղեկատվություն է ստացել։
Պաշտպանական կողմն առաջարկեց նախ ճշտել ռուս զինծառայողների այժմյան հասցեն ու նրանց ծանուցել։ Ըստ պաշտպանի՝ իրենք տեղեկություն ունեն, որ Ռազգիլդեևի ծառայակիցներից մեկը տեղափոխվել է Ռոստովի մարզ, ու քանի որ նրան հնարավոր է ծանուցում ուղարկել, դատարանում հրապարակվեցին մյուս երկու ծառայակիցների նախաքննական ցուցմունքները։ Նրանք իրենց ցուցմունքներում նշել են, որ դեպքի օրը, գիշերային ակումբից դուրս գալիս Ռազգիլդեևը վիճաբանել է ծառայակիցներից մեկի հետ։
Հաջորդ դատական նիստին ներկայանալու համար ծանուցում է ուղարկվելու Ռազգիլդեևի՝ այժմ Ռոստովի մարզում բնակվող ծառայակիցներից մեկին։ Այսքանով գործով վկաների հարցաքննությունն ավարտվելու է, և դատարանում հերթը հասնելու է ամբաստանյալ Անդրեյ Ռազգիլդեևի հարցաքննությանը։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
