19:17 12.11.2021
Նոյեմբերի 12-ին ՀՀ էկոնոմիկայի նախարար Վահան Քերոբյանն ընդունել է Հայաստանում Վրաստանի գործերի ժամանակավոր հավատարմատար Իրակլի Կվանչախաձեին։
Հանդիպմանը մասնակցել են նաև նախարարի տեղակալ Արշակ Ասլանյանը, Հայաստանի Հանրապետությունում Վրաստանի դեսպանության առաջին քարտուղար Շալվա Սաբաուրին, նախարարության այլ պաշտոնատար անձինք։
Ողջունելով հյուրին՝ նախարարը նշել է, որ հայ և վրաց ժողովրդների միջև կան բարեկամական կապեր, որոնք գնալով ավելի են ամրապնդվում և նշել, որ միշտ հաճելի է խոսել և գործել հին ընկերների հետ։
Շնորհակալություն հայտնելով նախարարին ընդունելության համար՝ Իրակլի Կվանչախաձեն շեշտել է հայ գործընկերների հետ համագործակցության արդյունավետությունը։ Հայտնելով իր պատրաստակամությունը աջակցել ցանկացած նախաձեռնության իրականացման գործում՝ Իրակլի Կվանչախաձեն խնդրել է նաև տրամադրել տեղեկատվություն Հայաստանի գործարար ասոցիացիաների և միությունների վերաբերյալ։ Նախարարը վերջինիս է փոխանցել Հայաստանի բիզնես ասոցիացիաների, այդ թվում՝ նեղ ոլորտային ասոցիացիաների և միությունների կոնտակտներ՝ երկու երկրների բիզնես համայնքների միջև համագործակցությունն ակտիվացնելու նպատակով։
Վահան Քերոբյանն անդրադարձել է հուլիսի վերջին Վրաստան կատարած այցին և հանդիպումների արդյունքում ձեռք բերված պայմանավորվածությունների շուրջ տարվող ընթացիկ աշխատանքներին։
Խոսելով Երևան-Գյումրի-Թբիլիսի արագընթաց գնացքի գործարկման նախագծի մասին՝ նա նշել է, որ այն շատ մեծ դրական ազդեցություն կունենա երկու երկրների համար՝ նպաստելով թե՛ տնտեսության զարգացմանը, թե՛ զբոսաշրջության խթանմանը։ Նա նաև տեղեկացրել է այս ծրագրի իրականացման հարցում Ասիական զարգացման բանկի հետ համագործակցության մասին և նշել, որ անցկացվել են նաև եռակողմ հանդիպումներ։ Երկուստեք նշվել է, որ սա շատ լավ տարածաշրջանային համատեղ ծրագիր է։ Նախարարը տեղեկացրել է, որ աշխատանքներ են իրականացվում դրանք արագացնելու համար՝ հույս հայտնելով, որ այն հաջորդ տարվա ընթացքում կգործարկվի։
Որպես հաջորդ ուղղություն, որտեղ կարելի է զարգացնել համագործակցությունը, Վահան Քերոբյանն առանձնացրել է համատեղ ծրագրերի իրականացումը միջազգային նախագծերում։ Նա նշել է, որ թե՛ Հայաստանի, թե՛ Վրաստանի շուկաները փոքր են, և միջազգային ոլորտում համագործակցությունը լավ արդյունքներ կարող է ունենալ՝ հատկապես առանձնացնելով Հայաստան-Վրաստան-Իրան, Հայաստան-Վրաստան-ԵԱՏՄ, Հայաստան-Վրաստան-Չինաստան, Հայաստան-Վրաստան-ԵՄ ուղղությունները։
Հանդիպման ընթացքում կողմերն անդրադարձել են նաև Հայաստանի և Վրաստանի տնտեսական համագործակցության միջկառավարական հանձնաժողովի գործունեության ակտիվացման անհրաժեշտությանը։
Կողմերը խոսել են նաև երկու երկրներում գործարարների կողմից բիզնես ծրագրերի իրականացման մասին։ Վահան Քերոբյանը նշել է, որ արդեն իսկ վրացական մի քանի ընկերությունների կողմից կան հետաքրքիր առաջարկներ։
Հանդիպման ընթացքում կողմերն անդրադարձել են լոգիստիկ խնդիրներին, բեռնափոխադրումների իրականացման, Լարսին այլընտրանքային ճանապարհներ ունենալու հնարավորության և մի շարք այլ հարցերի։
Հանդիպման ավարտին կողմերը ևս մեկ անգամ հայտնել են իրենց պատրաստակամությունը ակտիվացնելու և ընդլայնելու համագործակցությունը քննարկված հարցերի շուրջ։
14:41 25.06.2025
«Չելսիի» հարձակվողը որակազրկվել է
14:33 25.06.2025
Դավթաշեն վարչական շրջանում գործարկվելու են էլեկտրական շչակներՀունիսի 26-ին՝ ժամը 11:00-ից մինչև 13:00-ն ընկած ժամանակահատվածում, Երևանի Դավթաշեն վարչական շրջանի 1-ին, 2-րդ և 3-րդ թաղամասերի մի շարք հասցեներում գործարկվելու են էլեկտրական շչակներ։ ...
14:23 25.06.2025
ՆԳ նախարարության համակարգմամբ՝ վիզաների ազատականացման գործողությունների ծրագրի քննարկումներն ակտիվ փուլում ենՀունիսի 24-ին Ներքին գործերի նախարարի տեղակալներ Արմեն Ղազարյանն ու Արմեն Մկրտչյանն ընդունել են Եվրոպական հանձնաժողովի միգրացիայի և ներքին գործերի գլխավոր տնօրինության պատվիրակությանը՝ Միջազգային հարաբերությունների բաժնի ղեկավար Պավել Բուսիակիևիչի գլխավորությամբ։ Քննարկվել է Սահմանների համալիր կառավարման (IBM) հայեցակարգի մշակման գործընթացը: Այս համատեքստում քննարկվել են նաև ռիսկերի գնահատման, տեղեկատվության փոխանակման, տեխնիկական արդիականացման ու մարդկային ռեսուրսների կարողությունների զարգացմանն ուղղված […] ...
14:15 25.06.2025
«Բենֆիկան» հաղթել է «Բավարիային»․ ԱԱԱԱշխարհի ակումբային առաջնության C խմբի վերջին` երրորդ տուրում «Բենֆիկան» 1-0 հաշվով հաղթել է «Բավարիային»։ Հաղթանակի շնորհիվ Բրունու Լաժեի թիմը շրջանցել է «Բավարիային» ու 7 միավորով խմբում առաջին տեղը զբաղեցրել։ Մյունխենյան ակումբը 6 միավորով երկրորդն է։ Երկու ակումբներն էլ 1/8 եզրափակիչում են։ Խմբի մյուս խաղում մրցում էին «Օքլենդ Սիթին» (Նոր Զելանդիա) և «Բոխա Խունիորսը» (Արգենտինա)։ Հանդիպումը, […] ...
14:03 25.06.2025
Կալլաս. Կանադան կարող է միանալ ԵՄ-ին, քանի որ սահմանակից է Արկտիկայի միջոցովԿանադան, չնայած այն հանգամանքին, որ Եվրոպայում չէ, կարող է միանալ Եվրամիությանը, քանի որ սահմանակից է Արկտիկայի հատվածով: Այս հայտարարությունն արել է ԵՄ դիվանագիտական ծառայության ղեկավար Կայա Կալլասը Bloomberg գործակալությանը տված հարցազրույցում ՝ Հաագայում ՆԱՏՕ-ի գագաթնաժողովի շրջանակներում, որին նա հրավիրված էր: «Գիտեք, ինձ նախկինում հարցրել են Կանադայի՝ ԵՄ-ին միանալու ցանկության մասին: Մենք ողջունում ենք մեր բոլոր […] ...
13:56 25.06.2025
Բագրատ արքեպիսկոպոս Գալստանյանը ձերբակալվել է«Սրբազան պայքար» շարժման առաջնորդ Բագրատ արքեպիսկոպոս Գալստանյանը ձերբակալվել է։ «Արմենպրես»-ի փոխանցմամբ՝ այս մասին լրագրողների հետ զրույցում հայտնել է նրա փաստաբան Սերգեյ Հարությունյանը։ Նա հայտնել է, որ դատարանի որոշմամբ իրավապահները խուզարկություն են իրականացրել Բագրատ արքեպիսկոպոս Գալստանյանի կեցավայրում, որից հետո նրան ձերբակալել են և տարել քննչական կոմիտե։ Ավելի վաղ քննչական կոմիտեն հաղորդագրություն էր տարածել՝ հայտնելով, որ «Սրբազան […] ...
13:55 25.06.2025
Սպորտում գերխոշոր՝ 4 300 000 000 եվրոյի գործարք է համաձայնեցվելՖորմուլա 1-ի ղեկավարները մեծացնում են իրենց ազդեցությունը ավտոմոտոսպորտում, հայտնում է Тhe Race-ը: Liberty Media-ն սկզբունքային համաձայնության է հասել MotoGP-ի ղեկավարների հետ՝ մոտոսպորտային սերիան գնելու հարցում: Ամերիկյան կազմակերպության գործադիր տնօրեն Դերեկ Չանգը հայտնել է, որ եվրահանձնաժողովը համաձայնություն է տվել գործարքին, որն ուժի մեջ կմտնի հունիսի 30-ից: Liberty-ն կգնի բաժնետոմսերի 84 տոկոսը Dorna Sports ընկերությունից: Սերիայի գործադիր […] ...
