19:58 04.12.2021
«Մեր մանկության տանգոն» ֆիլմի հայտնի պատշգամբը և պատմական շենքն ամբողջությամբ շարունակում են փլուզվել, իսկ պահպանության ուղղությամբ որևէ ձեռնարկում չի եղել՝ տարածքը մնում է բաց ու առանց սահմանազատման։ Անգամ այս վիճակում կինոյի քաղաքի հայտնի վայրը մնում է ամենապահանջված զբոսաշրջային ուղղություններից մեկը։
Հարևանությամբ նորաստեղծ ու նույնանուն «Վառեմ-Մարեմ» արվեստանոցի երիտասարդները ստանձնել են պատմական շենքի հանրահռչակման ու պահպանման գործը։ Երիտասարդ ստեղծագործողները շենքին տիրություն են անում հարևանի սրտացավությամբ: Նորաբաց արվեստանոցի երիտասարդները մարդկանց շենքի ու պատշգամբի պատմությունն են ներկայացնում ու դարձել են փլուզվող շենքի պահապանները:
Կինոյի հայտնի պատշգամբում ավելի են մեծացել քայքայված հատվածները, ներսից ու դրսից շաունակվում է հին գերանների քանդելը, այն խիստ վտանգավոր է մարդկանց մուտքի համար, պատշգամբ բարձրանալ ու լուսանկարվել չի թույլատրվում՝ ամեն վայրկյան կարող է փլուզվել: Խարխլված հիմքերով ու պատերով պատմական շենքի միայն ճակատային մասն է համեմատաբար պահպանված։ Երկհարկանի հսկայական շենքի ներսը ավերակների է վերածվել։
Բոլոր նրանց համար, ովքեր տեղյակ չեն պատշգամբի պատմությանը կամ ցանկանում են տեղում դիտել ֆիլմի ամենահայտնի ու սիրված դրվագը, արվեստանոցի երիտասարդները ստեղծել են QR կոդ, որը փակցված է շենքի պատին:
Ռեստավրատոր Միքայել Վարդպարոնյանը պատմաբան Ավետիք- Մելիք Սարգսյանի նախաձեռնությամբ վերականգնել է շենքի դռան վերևի հատվածում գտնվող քարե գրությունը, որը վնասված էր:
«Արձանագրությունը փաստում է, որ այն կառուցվել է 1879 թվականին Խաչատուր Աբովենցի կողմից, այդ գրությունը մինչև վերականգնումը շատ դժվար տեսանելի էր․․․Կոտրված տառերը վերականգնել ու մաքրել ենք ամբողջ տեքստը»,- ասել է «Վառեմ-Մարեմ» արվեստանոցի հիմնադիր Միքայել Վարդպարոնյանը։
«Վառեմ-Մարեմ» արվեստանոցը հայտնի պատշգամբի հարևանությամբ հետաքրքիր միջավայր է դարձել ստեղծագործողների համար, այն բաց հարթակ է։ Այստեղ նաև բրուտագործություն, կավագործություն ու կերամիկական արվեստ են սովորում պատանիները, իրենց պատրաստած կերպարները թրծում են հենց արվեստանոցի կենտրոնում տեղադրված թոնրի վրա, որը նաև օջախը տաքացնելու խորհուրդ ունի:
Արվեստանոցը այս կերպ կշարունակի հայտնի բալկոնի ու շենքի պահպանությունը։ Նորանոր գաղափարներ ունեն, որոնք հերթով կյանքի կկոչեն: Ասում են՝ այնքան ենք Վառեմ-մարեմի պատշգամն ու շենքը հանրահռչակելու, մինչև վերջնականապես լուծվի ճարտարապետական շինության վերականգնման հարցը։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
