19:37 17.12.2021
Գյումրիի քաղաքապետարանի սեփական եկամուտները հաջորդ տարում կաճեն, ինչն էլ իր հերթին կապահովի 2022-ի բյուջեում սեփական եկամուտների ավելացում՝ 2021-ի համեմատ։ Այս մասին այսօր բյուջեի հանրային քննարկման ժամանակ հայտնել է Գյումրիի քաղաքապետարանի ֆինանսատնտեսագիտական բաժնի պետի ժամանակավոր պաշտոնակատարը։ Սեփական եկամուտների աճ է կանխատեսվում՝ ի հաշիվ տեղական տուրքերի դրույքաչափերի բարձրացման։ Քաղաքի գլխավոր ֆինանսական փաստաթղթի նախագիծը ներկայացվել է հանրային քննարկման։ Նախագծի շուրջ հարցեր, առաջարկներ կամ ելույթներ չեն հնչել։
Հանրային քննարկումը գրեթե դատարկ դահլիճում էր՝ քաղաքապետարանի մի քանի աշխատակիցների և ավագանու միայն մեկ խմբակցության անդամների ներկայությամբ։ Հանրային քննարկումն, ըստ էության, արվում է քաղաքի գլխավոր ֆինանսական փաստաթղթի կարևոր հոդվածները հանրության բոլոր շերտերին հասանելի դարձնելու համար։
Հանրային քննարկման միակ բանախոսը քաղաքապետարանի ֆինանսատնտեսագիտական բաժնի պետի ժամանակավոր պաշտոնակատարն էր։ Մենուա Մկրտչյանը ներկայացրեց, որ 2022-ի բյուջեի վարչական հատվածը՝ այս տարվա համեմատ, ավելին է լինելու։
«Վարչական բյուջեն ընդգրկում է հարկային եկամուտները՝ անշարժ գույքի հարկը, փոխադրամիջոցների գույքահարկը, տեղական տուրքեր և այլ վճարներ։ 2022-ի բյուջեի վարչական մասի սեփական եկամուտների աճը՝ 2021-ի ճշտված բյուջեի համեմատ, կկազմի մոտ 2%։ Ընդհանուր վարչական մուտքերը և ֆոնդային եկամուտները նախատեսվում է 1 մլրդ 896 մլն 600 հազար դրամ»,- նշել է Գյումրիի քաղաքապետարանի ֆինանսատնտեսագիտական բաժնի պետի ԺՊ Մենուա Մկրտչյանը։
Աճը սեփական եկամուտների հաշվին է։ Այսինքն՝ կանխատեսում են, որ 2022-ին ավելի շատ սեփական եկամուտներ են հավաքագրվելու, քան 2021-ին։ Իսկ այդ կանխատեսման հիմքում տեղական տուրքերի դրույքաչափերի ավելացումն է։ Հունվարի 1-ից կավելանան շինթույլտվությունների տեղական տուրքը, աղբահանությունը իրավաբանական անձանց համար, արտաքին գովազդի տուրքը և թանգարանների վարձավճարները։ Հանրագումարում հաշվել են, թե ինչքան կկազմեն տեղական բյուջեի եկամուտները 2022-ին։
Սեփական եկամուտների մոտ կեսը ապահովում է միայն մեկ հարկատեսակ։ Քաղաքում շահագործվող տրանսպորտային միջոցների քանակն ավելացել է, հետևաբար և աճել է փոխադրամիջոցների գույքահարկը։
Իսկ ծախսային հոդվածներն անփոփոխ են՝ աշխատավարձ, ճանապարհային տնտեսության պահպանման ծախսեր, մշակութային ու մարզական կառույցների ֆինանսավորում, արտաքին լուսավորություն։ 2022-ի տեղական բյուջեով թափառող շների վնասազերծման համար նույնպես գումարներ կհատկացվեն։
Բյուջեի նախագծով նաև պահուստային գումարների տնօրինման ուղղություններն են նշված։ Այս տվյալները դեռ նախնական են։ Քաղաքապետարանը, մինչ բյուջեի հաստատումը, ընդունում է առաջարկներ։ Այսօր ներկայացվեցին բյուջեի միայն վարչական ու ֆոնդային մասերի թվային տվյալները։ Թե ինչքան կկազմի Գյումրիի քաղաքային բյուջեն հաջորդ տարում, կախված է նաև դոտացիայի չափից, որը գումարվելու է սեփական եկամուտների կատարողականին։ Անցնող տարվա՝ 2021-ի բյուջեն կազմել է 4 միլիարդ 700 միլիոն դրամ։
20:36 30.04.2025
Վարչապետն աշխատանքային հանդիպում է ունեցել աշխատանքի և սոցիալական հարցերի նախարարի հետՀՀ վարչապետ Նիկոլ Փաշինյանն աշխատանքային հանդիպում է ունեցել աշխատանքի և սոցիալական հարցերի նախարար Նարեկ Մկրտչյանի հետ: Այս մասին հայտնել է վարչապետը Ֆեյսբուքի իր էջում: Մանրամասները՝ տեսանյութում: ...
20:17 30.04.2025
Աշխարհի լավագույն ռմբարկուների տասնյակըՊորտուգալիայի հավաքականի և սաուդյան «Ալ Նասրի» 40-ամյա հարձակվող Կրիշտիանու Ռոնալդուն 934 գոլով աշխարհի լավագույն ռմբարկուն է գործող ֆուտբոլիստների շարքում։ Լավագույն ռմբարկուների տասնյակը հետևյալն է․ 1․Կրիշտիանու Ռոնալդու («Ալ Նասր»)՝ 934 գոլ 2․Լիոնել Մեսսի («Ինտեր Մայամի»)՝ 858 3․Ռոբերտ Լեւանդովսկի («Բարսելոնա»)՝ 710 4․Լուիս Սուարես («Ինտեր Մայամի»)՝ 587 5․Քարիմ Բենզեմա («Ալ Իթիհադ»)՝ 494 6․Էդինսոն Կավանի («Բոկա Խունիորս»)՝ 462 7․Հարի […] ...
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
19:46 30.04.2025
Էրդողանն ասել է, որ պաշտպանում է Թրամփի տեսլականը Ուկրաինայի վերաբերյալԹուրքիայի նախագահ Ռեջեփ Թայիփ Էրդողանը հայտարարել է, որ «հեռախոսային դիվանագիտություն» է վարում իր ամերիկացի գործընկեր Դոնալդ Թրամփի հետ և աջակցում է Ուկրաինայի հակամարտության կարգավորման նրա տեսլականին։ «Մենք պարոն Թրամփի հետ ժամանակ առ ժամանակ շփվում ենք հեռախոսային դիվանագիտության ձևաչափով: Կարծում եմ, որ նոր շրջանում մեր երկկողմ հարաբերություններն իմ ընկեր Թրամփի հետ բոլորովին այլ խթան կստանան: Մենք […] ...
