18:08 27.12.2021
Գյումրիի ավագանին այսօր արտահերթ նիստ է գումարել, որի օրակարգում 2022-ի բյուջեի նախագծի ու համայնքի զարգացման հնգամյա ծրագրի հաստատումն են եղել։ Ավագանին հաստատել է նաև քաղաքապետարանի հաստիքացուցակը, որը փոփոխվել է, հայեցողական պաշտոններ են ավելացել։ Փոփոխությունը նաև տեղական բյուջեում կառավարության ֆինանսավորման չափին է վերաբերում։
2022-ին Գյումրիին հասանելիք դոտացիայի չափն է նվազելու, փոխարենը՝ շուրջ 2 տոկոսով կավելանան եկամուտները ի հաշիվ տեղական տուրքերի դրույքաչափերի ավելացման։ Արտաքին գովազդը, շինթույլտվությունների վճարը, թանգարանների մուտքավճարը և իրավաբանական անձանց համար աղբահանության վարձը կթանկանան․ սրանք տեղական տուրքերն են, որոնց դրույքաչափերը վերանայվել են ու ավելացել։
Իսկ դոտացիոն հատկացումները կառավարությունից կնվազեն։ Անցած տարվա համեմատ, Գյումրիի քաղաքապետարանը 38 մլն դրամ ավելի քիչ դոտացիա կստանա։
«Դոտացիան կազմում է 2 մլրդ 796 մլն դրամ։ Անցած տարի դոտացիան եղել է 2 մլրդ 834 մլն դրամ։ Ընդհանուր բյուջեն կազմում է 4 մլրդ 717,2 մլն դրամ և նույնքան էլ ծախսային մասն է։ Այսինքն՝ մեր բյուջեն հավասարակշռված է»,- ասել է Գյումրիի քաղաքապետի խորհրդական Լենա Ջիլավյանը։
Աշխատավարձի ֆոնդին հատկացված գումարները էական փոփոխություններ չեն կրի, բայց հաստիքացուցակն է փոփոխվել։ Փոխքաղաքապետների օգնականների հաստիքներն են ավելացել, Գյումրիի քաղաքապետն էլ ևս մեկ օգնական ու գլխավոր խորհրդական կունենա։ Առևտրի ու գովազդի բաժինը նոր տարում երկու առանձին միավորների կբաժանվի և համապատասխանաբար առևտրի ու գովազդի բաժիններ կգործեն։
4 պահակների փոխարեն էլ 13 պահակ կունենա քաղաքապետարանը։ Հիմնավորում են՝ նախկինում համայնքային ենթակայության 4 աշխատողների հետ նաև պատվիրակված կազմակերպություն էր պահակային ծառայություն իրականացնում։ Հիմա քաղաքապետարանում որոշել են մասնավորի ծառայություններից հրաժարվել, փոխարենը՝ կավելանա համայնքային ենթակայության աշխատողների թիվը, միևնույն ժամանակ կոնկրետ պահակային ծառայության համար ֆինանսներ կտնտեսվեն։
Գյումրիի տեղական ինքնակառավարման մարմինների համար 2021-ը փոփոխությունների տարի էր։ Հոկտեմբերին կայացած ՏԻՄ ընտրությունների արդյունքում նոր ավագանու կազմ ձևավորվեց ու նոր քաղաքապետ ընտրվեց։ 2 ամիսների ընթացքում հերթական ու արտահերթ նիստեր հասցրեցին գումարել։ Այսօր վերջին արտահերթն էր՝ Գյումրիի ավագանին ամփոփեց այս տարվա աշխատանքը։ 2022-ի առաջին նիստը կկայանա փետրվարին։
13:06 17.06.2025
Խորհրդարանը քննարկում է 2024 թ. պետական բյուջեի կատարման տարեկան հաշվետվությունըԱզգային ժողովը հունիսի 17-ին սկսել է հերթական նիստերի աշխատանքը: Նիստերի օրակարգը հաստատելուց հետո պատգամավորները քննարկել են ՀՀ 2024 թվականի պետական բյուջեի կատարման տարեկան հաշվետվությունը: Այն ներկայացրել է ՀՀ ֆինանսների նախարար Վահե Հովհաննիսյանը: Նա արձանագրել է, որ բյուջեի նկատմամբ հետաքրքրվածությունը տարեցտարի աճում է՝ պայմանավորված այն հանգամանքով, որ Ֆինանսների նախարարությունը շարունակաբար փորձում է վերջինիս բովանդակությունն ավելի մատչելի […] ...
12:55 17.06.2025
Աշտարակի համայնքային ոստիկանները Օհանավանում հայտնաբերել են ինքնաձիգ ու փամփուշտներՀամայնքային ոստիկանության Աշտարակի բաժնում ստացվել էր օպերատիվ տեղեկություն, որ Օհանավան գյուղի մի բնակիչ ու նրա որդին տանն ապօրինի պահում են ինքնաձիգ: Հունիսի 12-ի առավոտյան 48-ամյա հայրն ու 23-ամյա որդին ձերբակալվեցին և տեղափոխվեցին բաժին: Հայրը խոստովանեց, որ հացատանն ունի մասնատած ինքնաձիգ ու փամփուշտներ, իսկ որդին հայտնեց, որ ամիսներ առաջ տեսել է հրազենը, և հայրն ասել է, […] ...
12:49 17.06.2025
Ավարտվել է 2020 թվականին Երևանում տեղի ունեցած զանգվածային անկարգություններին մասնակցած ևս 10 անձի վերաբերյալ քրեական վարույթի նախաքննությունըՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում շարունակվում է 2020 թվականի նոյեմբերի 10-ին Երևան քաղաքում կազմակերպված զանգվածային անկարգությունների վերաբերյալ քրեական վարույթի նախաքննությունը: Կատարված բազմաթիվ քննչական և վարութային այլ գործողությունների արդյունքում հիմնավորվել է, որ Հ․Ս-ն, Ս․Հ-ն, Ն․Մ-ն, Ա․Ջ-ն, Շ.Կ-ն, Ե.Ս-ն, Գ.Ղ-ն, Հ.Զ-ն, Մ.Ա-ն, Ս.Մ-ն 2020 թվականի նոյեմբերի […] ...
12:42 17.06.2025
Կենտրոնականի ոստիկանները ձերբակալել են մարմնական վնասվածք պատճառած երիտասարդինՀիվանդանոցից ստացվել էր հաղորդում, որ հունիսի 9-ի կեսգիշերին «ստորին ծնոտի կոտրվածք» ախտորոշմամբ բուժօգնության է դիմել 48-ամյա մի տղամարդ: Նա հայտնել էր, թե վնասվածքը ստացել է տանն ընկնելու հետևանքով։ Համայնքային ոստիկանության Կենտրոնական բաժնից մեկնել էր օպերատիվ խումբ: Միջոցառումների արդյունքում պարզվել էր, որ մայրաքաղաքի Իսրայելյան փողոցում անձնական հարցերի շուրջ ծագած վիճաբանության ընթացքում նրան հարվածներ է հասցրել Ռուսթավելու […] ...
12:35 17.06.2025
ՀՀ ԱԳՆ գլխավոր քարտուղարը հանդիպել է Ֆրանսիայի պատվավոր հյուպատոսի հետՀունիսի 17-ին ՀՀ արտաքին գործերի նախարարության գլխավոր քարտուղար Դավիթ Կարապետյանը ընդունել է Գորիսում Ֆրանսիայի պատվավոր հյուպատոս Կարմեն Ափունցին: Հանդիպմանը Դավիթ Կարապետյանը շնորհավորել է Կարմեն Ափունցին՝ պատվո հյուպատոսի պաշտոնում նշանակվելու կապակցության, երկուստեք կարևորվել է Սյունիքում Ֆրանսիայի պատվավոր հյուպատոսի գրասենյակի բացումը: ՀՀ ԱԳ նախարարության գլխավոր քարտուղարը ընդգծել է ապակենտրոնացված համագործակցության կարևորությունը երկկողմ հարաբերությունների զարգացման համատեքստում: Քննարկվել են […] ...
12:27 17.06.2025
Արարատի մարզի Գոռավան բնակավայրի նախկին համայնքապետը ձևական աճուրդ-վաճառքների միջոցով իր և մերձավորների անվամբ գրանցել է սեփականության և վարձակալության իրավունքներԱրարատի մարզի Գոռավան բնակավայրի նախկին ղեկավարը 33 դեպքերով կազմակերպել և անցկացրել է Գոռավանում գտնվող հողատարածքների ձևական աճուրդ-վաճառքներ և մրցույթներ՝ իր, իր ընտանիքի անդամների և մերձավորների անվամբ գրանցելով նույն բնակավայրում գտնվող 543 հա հողատարածքների սեփականության և վարձակալության իրավունքները: Հակակոռուպցիոն կոմիտեում նախաձեռնված քրեական վարույթի շրջանակում պարզվել է, որ Ա.Բ.-ն, 2006 թվականի հոկտեմբերի 1-ից 2021 թվականի դեկտեմբերի 17-ը […] ...
