21:24 23.07.2018
Այսօր Գյումրիի «Վարդուհի» արվեստի դպրոցում վերջին հրաժեշտն են տվել նյույորքաբնակ բժիշկ, բարերար Հովհաննես Օյունջյանին։ Արվեստի դպրոցում, որը կառուցվել է բարերարի հովանավորությամբ, իրենց հարգանքի տուրքն են մատուցել քաղաքային ու մարզային իշխանությունների ներկայացուցիչները, մտավորականներ, «Օյունջյան» դպրոց-վարժարանի մանկավարժական հանրույթն ու բարերարի միակ ազգականը` Նինա Օյունջյանը , որն ապրում է Երևանում։ Կատարվել է հոգեհանգստի կարգ, որից հետո երախտավոր գյումրեցիները ծափերի ներքո ճանապարհել են բարերարին։
Բարերարի աճյունն ամփոփվելու է ԱՄՆ-ում՝ Նյու Յորք քաղաքում։ Հիշեցնենք, որ հայազգի բարերարը, խիստ վատառողջ լինելով, ցանկություն էր հայտնել վերադառնալ Գյումրի և հենց ծննդյան օրը՝ հուլիսի 13-ին, մասնակցել իր հովանավորությամբ նոր ֆիլհարմոնիայի դահլիճի կառուցման հիմնարկեքի արարողությանը: Իսկ հուլիսի 16-ին բարերարը մահացավ Գյումրի բժշկական կենտրոնում: Բարերարի ջանքերով վերանորոգվել է Գյումրիի թիվ 21 միջնակարգ դպրոցը: 2014 թվականին բարերարի հովանավորությամբ շահագործման է հանձնվել «Վարդուհի» արվեստի դպրոցը: Արվեստի դպրոցի կողքին էլ կառուցվել է «Աղավնի» արհեստի կենտրոնը, որի հիմնարկեքը տեղի է ունեցել 2015 թվականին, իսկ օրեր առաջ ֆիլհարմոնիայի դահլիճի կառուցման մեկնարկը տրվեց:
«Հայրենանվեր այս առաքելությամբ մեծանուն բարերարը փոխեց գյումրեցի հարյուրավոր փոքրիկների կյանքը, կերտեց ճակատագրեր և բացեց նոր աշխատատեղեր: Այդպիսով, նա լավագույն օրինակ դարձավ գործնական հայրենասիրության: Վերջինս ըստ արժանվույն գնահատվեց հայրենիքի կողմից. Հովհաննես Օյունջյանը պարգևատրվեց «Մխիթար Հերացի» և «Հայրենիքին մատուցած ծառայությունների համար» 2-րդ աստիճանի մեդալներով, ՀՀ վարչապետի Հուշամեդալով, տարբեր նախարարությունների և Գյումրու քաղաքապետարանի ոսկե մեդալներով՝ դառնալով Գյումրու և Շիրակի մարզի Պատվավոր քաղաքացի: Ամենամեծ պարգևը, սակայն, ավագ ու կրտսեր գյումրեցիների սերն էր, որ լիուլի վայելեց կենդանության օրոք: Չնայած բժիշկների զգուշացումներին ու հորդորներին՝ Հովհաննես Օյունջյանը շտապեց հարազատ Գյումրի՝ հոգին ավանդելու հայոց երկնակամարի ներքո: Այո՛, նշանավոր հայորդին ծնվեց հայրենիքից հեռու, ապրեց հայրենիքով և մահացավ հայրենիքում»,- ասել է «Վարդուհի» արվեստի դպրոցի տնօրեն Գագիկ Լաճիկյանը:
min.800
:
16:43 04.08.2025
Շրջակա միջավայրի նախարարը և ՄԹ դեսպանը քննարկել են Հայաստանում կայանալիք COP17-ի կազմակերպչական հարցերըՇրջակա միջավայրի նախարար Համբարձում Մաթևոսյանը հանդիպել է Հայաստանում Միացյալ Թագավորության դեսպան Ջոն Գալագերի հետ, քննարկման առանցքում COP17-ի կազմակերպչական հարցերն էին: Հանդիպմանը մասնակցել է նախարարի տեղակալ Արամ Մեյմարյանը: Հանդիպման ընթացքում քննարկվել են 2026 թվականին Հայաստանում կայանալիք Կենսաբազմազանության մասին կոնվենցիայի կողմերի 17-րդ համաժողովի՝ COP17-ի կազմակերպչական հարցերը։ Անդրադարձ է կատարվել կազմակերպչական ողջ գործընթացին՝ ներառյալ ֆինանսական, տեխնիկական և գործընկերային […] ...
16:37 04.08.2025
ՆԳՆ շրջիկ սպասարկման գրասենյակները ծառայություններ կմատուցեն Շիրակի և Արագածոտնի մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ օգոստոսի 7-ին ծառայություններ կմատուցվեն․ ժամը 11:00-16:00-Շիրակի մարզի Անի համայնքում՝ համայնքապետարանի հարևանությամբ, ժամը 10:30-16:00-Արագածոտնի մարզի Արագած բնակավայրում՝ վարչական ղեկավարի գրասենյակի հարևանությամբ։ Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, […] ...
16:31 04.08.2025
Հայ շախմատիստների դիրքերը ՖԻԴԵ-ի աղյուսակումՇախմատի միջազգային ֆեդերացիան (ՖԻԴԵ) հրապարակել է շախմատիստների ամենամսյա դասակարգման աղյուսակը։ Տղամարդկանց դասակարգման աղյուսակը շարունակում է գլխավորել աշխարհի 16-րդ չեմպիոն Մագնուս Կառլսենը (Նորվեգիա, 2839 վարկանիշ)։ Լավագույն հնգյակում են նաև Հիկարու Նակամուրան (ԱՄՆ, 2807), Ֆաբիանո Կարուանան (ԱՄՆ, 2784), Ռամեշբաբու Պրագանանդհան (Հնդկաստան, 2779) և Արջուն Էրգիասին (Հնդկաստան, 2776)։ Աշխարհի գործող չեմպիոն Դոմարաջու Գուկեշը (Հնդկաստան) 2776 վարկանիշով 6-րդն է։ […] ...
16:25 04.08.2025
Ամփոփվել են Երևան քաղաքի քննչական վարչության և ենթակա քննչական ստորաբաժանումների 2025 թվականի առաջին կիսամյակում կատարված աշխատանքներըԱրթուր Պողոսյանի նախագահությամբ 2025 թվականի օգոստոսի 1-ին ամփոփվել են Երևան քաղաքի քննչական վարչության և ենթակա քննչական ստորաբաժանումների 2025 թվականի առաջին կիսամյակի ընթացքում կատարված աշխատանքները: Խորհրդակցությանը մասնակցել են ՀՀ քննչական կոմիտեի նախագահի տեղակալ Վազգեն Ավետիսյանը, Տարածքային քննչական վարչությունների գործունեության վերահսկողության գլխավոր վարչության պետի պաշտոնակատար Վահե Միրզոյանը, Հատուկ հանձնարարություններով գլխավոր վարչության պետ Արման Գալստյանը, Ներքին անվտանգության վարչության […] ...
16:18 04.08.2025
Շոգ օրեր, բարձր կարգի հրդեհավտանգ իրավիճակ. Գագիկ Սուրենյանը մանրամասներ է ներկայացրելՀուլիսին դիտված եղանակային, կլիմայական պայմանների վերլուծության, օգոստոս ամսվա ու առաջիկա օրերի եղանակային կանխատեսման և հանրապետության բարձր կարգի հրդեհավտանգ իրավիճակի մասին մանրամասներ է հայտնել Գագիկ Սուրենյանը: Ավելին՝ տեսանյութում: ...
16:12 04.08.2025
Հայտնաբերվել է 464 ոչ սթափ վարորդ․ պարեկների անցած շաբաթվա ծառայության արդյունքներըՀուլիսի 28-ից օգոստոսի 4-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 5448 խախտում՝ պահպանվող հատուկ տարածք տեղափոխելով 200 ավտոմեքենա։ Մասնավորապես, հայտնաբերվել է ոչ սթափ 210 վարորդ, առանց վարորդական իրավունքի վկայականի՝ 307 անձ։ Հայտնաբերվել է հաշվառման համարանիշի հետ կապված՝ 24, չամրակապված վարելու՝ 1161, առանց մանկական նստատեղի՝ քարսիթի՝ 18, վարելու ընթացքում ծխելու՝ 466, […] ...
