Կենդանիների մասսայական էֆթանազիա՝ կորոնավիրուսի տարածումը կանխելու համար

Մինչ աշխարհը սովորում է ապրել COVID-19-ի հետ և թեթևացնում է սահմանափակումները, Հոնկոնգը հետևում է կորոնավիրուսի նկատմամբ  հանդուրժողականության քաղաքականությանը։ Տարածաշրջանը դադարեցրել է մանր կենդանիների ներմուծումը, իսկ դեկտեմբերի 22-ից գնված բոլոր  գերմանամկներին  հրահանգվել է էֆթանազիայի ենթարկել։ Կենդանիների պաշտպանները վրդովված են կառավարության գործողություններից, քանի որ չկան կենդանիներից մարդկանց վիրուսի փոխանցման հիմնավոր ապացույցներ:

Մահ՝ ամենափոքրերին

Կենդանիներին ոչնչացնելու որոշումը կայացվել է այն բանից հետո, երբ կենդանիների խանութի աշխատակցի  COVID-19-ի թեստը դրական է եղել։ Հարյուրավոր կենդանիների փորձարկումներից հետո կորոնավիրուսը հայտնաբերվել է տասնմեկ գերմանամկան մոտ։

Հետագա թեստերը հայտնաբերել են ևս մեկ վարակ մի հաճախորդի մոտ, ով շփվել է խանութի աշխատակցի հետ՝ վանդակներ փոխանակելիս և կեր գնելիս: Նախնական թեստը ցույց է տվել, որ հաճախորդի ամուսինը նույնպես վարակվել է կորոնավիրուսով։

Առողջապահության ոլորտի պաշտոնյաներն ասել են, որ չի գրանցվել  ընտանի գերմանամկներից մարդկանց կորոնավիրուսի փոխանցման  նախադեպ, սակայն նշել են, որ գերմանամկները վարակվել են լաբորատորիաներում:

Հատկապես մտահոգիչ են գերմանամկների երկու փոխադրումները Նիդեռլանդներից: Մոտ 1800 կենդանի ուղարկվել է դեկտեմբերի 22-ին, իսկ ավելի քան 800-ը՝ հունվարի 7-ին: Քաղաքի 34 լիցենզավորված խանութների բոլոր գերմանամկները կվերցվեն փորձարկման, ապա՝ կոչնչացվեն:

Կենդանիների նկատմամբ դաժան վերաբերմունքի  կանխարգելման միությունը կոչ է արել վերանայել իշխանությունների որոշումը:

«Մենք ցնցված և անհանգստացած ենք ավելի քան 2000 մանր կենդանիների  վերաբերյալ կառավարության վերջին հայտարարությունից: Կառավարությունը հաշվի չի առնում ընտանի կենդանիների  և մարդկանց  միջև կապը», – ասվում է կազմակերպության  հայտարարության մեջ:

«Ընտանի կենդանիների սեփականատերերը պետք է պահպանեն  հիգիենայի կանոնները, այդ թվում՝ լվանալ ձեռքերը կենդանիներին, նրանց սննդին կամ այլ առարկաներին դիպչելուց հետո և խուսափել կենդանիներին համբուրելուց», – լրագրողներին ասել է Գյուղատնտեսության, ձկնորսության  դեպարտամենտի տնօրեն Լեունգ Սիու-ֆայ Լեունգը:Հոնկոնգում  թեսթավորվել են  նաև ճագարներ և շինշիլաներ, սակայն միայն գերմանամկների  թեստն է դրական է եղել: Նրանց բոլորը բերվել են Նիդեռլանդներից, հայտնում է տեղական հեռուստաընկերությունը։

Ամբողջ աշխարհում արդեն հաստատվել են կորոնավիրուսի դեպքեր շների և կատուների մոտ, սակայն գիտնականներն ասում են, որ չկա որևէ ապացույց, որ կենդանիները էական դեր ունեն մարդկանց վարակելու գործում։Լեունգն ասել է, որ հոնկոնգյան  գերմանամկներին  պետք է էվթանազիայի ենթարկել, քանի որ անհնար է կարանտինացնել նրանց և հետազոտել յուրաքանչյուրին: Նա նշել է, որ 2021 թվականի դեկտեմբերի 22-ից հետո գերմանամկների  գնորդները պետք է դրանք հանձնեն իշխանություններին՝ էվթանազիայի համար:

Հիշեցնենք՝անցյալ սեպտեմբերին երեք ընտանի կատուներ, որոնց կորոնավիրուսի թեստը դրական է եղել, էվթանազիայի ենթարկվեցին Չինաստանի Հարբին քաղաքում, ինչը բուռն արձագանք առաջացրեց սոցիալական ցանցերում:

Իսկ նոյեմբերին նոր սկանդալ բռնկվեց. Ցզյանսի նահանգի Շանգրաո քաղաքի բնակչուհին ասաց, որ երբ իրեն մեկուսացրել են  կորոնավիրուսի հայտնաբերումից հետո, բուժաշխատողները եկել են նրա տուն և ծեծելով սպանել կորգի շանը, որին  թույլ չեն տվել կարանտինի ժամանակ տեղափոխել հյուրանոց:

Միջադեպը նկարահանվել է տան հսկողության տեսախցիկով, տեսանյութը հայտնվել է սոցիալական ցանցերում և մեծ սկանդալ  առաջացրել։ Պաշտոնյաները հայտնել են, որ շանը դաժանաբար սպանած բուժաշխատողները պատժվել են, իսկ տերը ներողություն է խնդրել:

Ջրաքիսները՝  ևս

Դանիայում միլիոնավոր ջրաքիսներ սպանվել են 2020 թվականին՝ կանխելու COVID-19-ի մուտացիան։

Անցյալ տարվա հոկտեմբերից Ֆինլանդիան առաջինն էր Եվրոպայում, որը սկսեց ջրաքիսների դեմ պատվաստումը: FurcoVac անունով փորձարարական պատվաստանյութը մշակվել է ֆին գիտնականների կողմից:

Հոնկոնգի քաղաքային համալսարանի անասնաբուժական բժշկության քոլեջի դեկան Նիկոլաուս Օստերիեդերն ասում է, որ մարդուց կենդանուն  և  կենդանուց  մարդուն  փոխանցման շղթաները հազվադեպ են, բայց դրանք տեղի են ունենում: