19:35 26.01.2022
2021 թվականի դեկտեմբերին փոփոխված կարգն արդեն կիրառության մեջ է։ Սոցփաթեթի ծախսման ուղղություններն ավելացել են։ Փոփոխությունների շարքում շահառուների համար էական նշանակության է հետևյալը՝ նախկինում սոցփաթեթից բացառապես օգտվում էր շահառուն, այժմ դրա հնարավորությունը տրված է նաև շահառուի ընտանիքի անդամներին։ Իսկ ովքեր են հանդիսանում ընտանիքից պոտենցիալ շահառուներ, պարզաբանումներ է տվել աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը։
«Մենք առաջարկել ենք, որ ընտանիքի անմիջական անդամ համարվի տատը, պապը, ծնողը, որդեգրողը, որդեգրվածը, հոգաբարձության տակ գտնվող անձը, թոռը»։
Փոփոխությունն արվել է այն հիմքով, որ սոցփաթեթում կուտակված գումարները շրջանառություն ունենան կամ առավել ընդգրկուն դառնան։ Շատ հաճախ սոցփաթեթի շահառուն ոչ մի բաղադրիչից չէր օգտվում, իսկ գումարները տարիներով կուտակվում էին։ Լրացուցիչ ծառայությունների ներդրումը կփոխի սոցփաթեթի կիրառման արդյունավետությունը։ Սոցփաթեթի նոր ծառայություններով շահառուները հնարավորություն ունեն օգտվել լողավազանային համալիրներից, մարզասրահներից, առողջարանային կենտրոններից։ Թերևս այս փոփոխությունների ցանկում մարդկանց ավելի անհրաժեշտն ու օգտավետը առողջապահությանն ուղղված առաջարկներն են։
Տվյալ դեպքում, նորություն է ատամնաբուժական ծառայության մասնակի ներառումը։ Սոցփաթեթով շահառուին թույլատրվում է քթի վիրահատություններ միայն ֆունկցիոնալ խանգարումների պարագայում, բայց գումար չի տրամադրվում էսթետիկ հատվածի համար, նույն մոտեցումն է գործում նաև ատամնաբուժականի համար՝ սոցփաթեթով կոսմետիկ փոփոխություն շահառուն չի կարող կատարել, սոցփաթեթը գործելու է միայն բուժական ծառայության համար։
«Մասնավորապես, ատամի կարիեսի բուժում, ատամնաքարերի հեռացում, մաքրում է նախատեսված սոցփաթեթով իրենց ունեցած գումարի շրջանակում ,որի առավելագույն չափը 72․000 դրամ է»,- նշել է Ժորա Սարգսյանը։
Նախկինի պես սոցփաթեթը կիրառելի է վիրահատությունների, առողջական խնդիրների լուծման, դեղորայքային բուժման համար։ Դժվարամատչելի հետազոտությունները դարձյալ մասնակի վճարումով են։
Նոր փոփոխությամբ սոցփաթեթի գումարները կուղղվեն նաև վճարովի մանկապարտեզներին, ուսանողական վարկերը ծածկելուն, ծննդաբերության արձակուրդում գտնվող անձը ևս կստանա։ Շահառուների համար սահմանվել է նաև երաշխիք, որպեսզի սոցփաթեթի շահառուն մեկամսյա ժամկետում այլ աշխատանքի անցնելիս պահպանի սոցփաթեթից օգտվելու իր իրավունքը։
Նախկին գործող կարգավորումներով սոցփաթեթի գումարները հնարավոր էր միանգամից փոխանցել հանգստի ծառայությանը միայն այն պարագայում, եթե շահառուն արձակուրդում էր գտնվում, հիմա այդ պահանջը հանվել է։ Հանգստի մեկնելիս, անկախ արձակուրդից՝ փաթեթը տրամադրվում է։
09:17 01.05.2025
Դատավոր Արտուշ Գաբրիելյանը կալանավորվել է
09:13 01.05.2025
Կարևոր է աշխատանքային իրավունքների ապահովման նկատմամբ պետության պատշաճ վերահսկողության միջոցների ձեռնարկումը․ ՀՀ ՄԻՊՀՀ մարդու իրավունքների պաշտպան Անահիտ Մանասյանը շնորհավորական ուղերձ է հղել Աշխատանքի օրվա առթիվ․ «Սիրելի՛ հայրենակիցներ, Շնորհավորում եմ Մայիսի 1-ի` Աշխատանքի միջազգային օրվա առթիվ: Այս օրը ևս մեկ առիթ է ընդգծելու յուրաքանչյուրի աշխատանքային իրավունքները պաշտպանելու կարևորությունը: Մեր երկրում աշխատանքային իրավունքների պատշաճ իրացման հետ կապված մի շարք խնդիրներ շարունակում են արդիական մնալ: ՄԻՊ աշխատակազմի ուսումնասիրությունները, ստացված բողոքների […] ...
09:10 01.05.2025
Աշխատանքը պետք է լինի արդյունք ստեղծելու և այդ արդյունքը վայելելու միջոց․ Նիկոլ ՓաշինյանՎարչապետ Նիկոլ Փաշինյանի շնորհավորական ուղերձն Աշխատանքի և աշխատավորների համերաշխության միջազգային օրվա առթիվ. «Սիրելի՛ ժողովուրդ, Հայաստանի Հանրապետության սիրելի՛ քաղաքացիներ, Մայիսի 1–ին նշում ենք Աշխատանքի և աշխատավորների համերաշխության միջազգային օրը, և ուզում եմ բոլորիս շնորհավորել օրվա առիթով։ Քաղաքակրթությունը ձևավորվել ու զարգանում է աշխատանքի արդյունքում, և աշխատանքն է այն գործիքը, որով հնարավոր է անհատի և հանրության կյանքն ավելի […] ...
09:00 01.05.2025
Al Jazeera. Իսրայելի հարվածները Գազայում 24 ժամում 35 մարդու կյանք են խլելԳազայի հատվածին Իսրայելի հարվածների հետեւանքով վերջին 24 ժամում առնվազն 35 պաղեստինցի է զոհվել։ Այս մասին հայտնում է քաթարյան Al Jazeera հեռուստաալիքը՝ հղում անելով անկլավի առողջապահության նախարարությանը։ Զոհվածներից առնվազն 8-ը զոհ են դարձել պաղեստինյան անկլավի կենտրոնական մասում գտնվող Նուսեյրաթ փախստականների ճամբարին իսրայելական բանակի հարվածին։ Հաղորդվել է նաեւ, որ Գազայի հատվածի հիվանդանոցներ է տեղափոխվել 109 վիրավոր։ Նախարարությունը […] ...
08:48 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:40 01.05.2025
Guardian. Լոնդոնը Փարիզի հետ քննարկում է հունիսին Պաղեստինը ճանաչելու հնարավորությունըԲրիտանիան Ֆրանսիայի հետ քննարկում է Պաղեստինի ճանաչման մասին 2025 թվականի ամռան սկզբին հայտարարելու ծրագրերը: Ըստ բրիտանական The Guardian թերթի՝ այս քայլը կարող է համընկնել հունիսի 2-4-ը ՄԱԿ-ի հովանու ներքո կազմակերպված «երկու պետություն երկու ժողովուրդների համար» ծրագրի իրականացման վերաբերյալ միջազգային համաժողովի հետ: Չորեքշաբթի օրը, ելույթ ունենալով բրիտանական խորհրդարանական հանձնաժողովի հետ, Մեծ Բրիտանիայի արտաքին գործերի նախարար Դեյվիդ […] ...
08:30 01.05.2025
ԱՄՆ-ը չի հրաժարվում Ուկրաինայի կարգավորման հարցում միջնորդությունից․ Քիթ ՔելլոգԱՄՆ-ը չի հրաժարվում ուկրաինական հակամարտության կարգավորման իր միջնորդական ջանքերից։ Այս մասին հայտարարել է Ուկրաինայում ԱՄՆ նախագահ Դոնալդ Թրամփի հատուկ բանագնաց Քիթ Քելլոգը։ «Չեմ կարծում»,-ասել է նա Fox News-ին տված հարցազրույցում՝ ի պատասխան հարցի։ Ավելի վաղ բրիտանական Financial Times թերթը հայտնել էր, որ Կիևը և նրա եվրոպացի դաշնակիցները վախենում են, որ Վաշինգտոնը կարող է դուրս գալ […] ...
