18:11 31.01.2022
Առողջության առաջնային պահպանման օղակի վերազինումը և շենքային պայմանների բարելավումը կհանգեցնի հիվանդանոցների գերբեռնվածության թեթևացման։ Իսկ համավարակը պատճառներից մեկն էր մարզային բժշկական կենտրոնների և պոլիկլինիկաների բուժսարքավորումների նորացման, շենքային պայմանների բարելավման ուղղությամբ աշխատանքներ իրականացնելու։ Առողջապահության նախարարությունում ստեղծված աշխատանքային խումբը զբաղվում է Հանրապետության պոլիկլինիկաների կարիքների ուսումնասիրությամբ։ Շիրակի մարզում վերազինումների անհրաժեշտություն ունեցող պոլիկլինիկաների թիվը ևս քիչ չէ։ Գյումրիի թիվ 1 և թիվ 2 պոլիկլինիկաները ևս ընդգրկված են կառավարության ծրագրում, և դրանք առաջիկայում կհիմնանորոգվեն։
Գյումրիի թիվ 1 պոլիկլինիկայի պացիենտներին հին բուժսարքավորումներով են հետազոտում։ Ռենտգեն ապարատը 1950-ականների է, որը հեռու է արդի տեխնոլոգիական չափորոշիչներից։ Այն նորացնելու կամ տեխնիկական այլ միջոցների արդիականացման ծրագրեր իրականացնելու համար պոլիկլինիկայի տնօրենը հնարավորություններ տեսնում է բարեգործական կազմակերպությունների հետ, բայց այդ դեպքում շենքային պայմանները թույլ չեն տա դրանք գործարկել։
«Որովհետև պետք է սենյակը կապարապատ լինի, որ կարողանանք նոր ռենտգեն ապարատը դնենք, որը նորից խնդիր է մեզ համար, շենքը ենթակա է հիմնանորոգման»,- նշում է Գյումրիի թիվ 1 պոլիկլինիկայի տնօրեն Հայկ Ալեքսանյանը։
Պոլիկլինիկայի շենքը 1860-ականների կառույց է, 2 տարուց կլրանա մեկ դարը, ինչ ծառայում է որպես բուժհաստատություն, երբևէ չի հիմնանորոգվել։ Շենքը համայնքապատկան է, «Կումայրի» արգելոցին պատկանող շինություն է, որտեղ թեկուզ մեկ պատուհան փոխելու համար թույլտվություն է պետք։ Քաղաքի հին ճարտարապետությանը բնորոշ 1800 թ․-ի կառույց շենքը ներսից քայքայվում է նաև հին տանիքի պատճառով։ Կաթոցները ձնհալին և անձրևային տեղումների ժամանակ մշտական են։ Գոնե մասնակի վերանորոգումներ, կաթոցները վերացնելու համար, չեն եղել։
Թիվ 2 պոլիկլինիկայի ֆլյուրոգրաֆիայի սարքն էլ է հնություն, չնայած դեռ սպասարկում է հիվանդներին, բայց ձմռան ամիսներին չջեռուցվող ցուրտ սենյակում սարքը հրաժարվում է աշխատել։ Այս շենքն էլ քաղաքի հին կառույցներից է՝ 1936 թվականի շինություն, այստեղ 1993-ին մասնակի վերանորոգում է արվել, հետո մի քանի անգամ կոսմետիկ աշխատանքներ են կատարվել, երբ տարիներ առաջ հատակի մասնակի փլուզում եղավ։ Թիվ 1 և 2 պոլիկլինիկաների վթարային շենքերի վերականգման խնդիրների լուծումը կառավարության 5-ամյա ծրագրում է։
«Աշխատանքները, համաձայն կառավարության միջոցառումների ցանկի՝ կմեկնարկեն 2023 թվականի 1-ին կեսին, և, բնականաբար, դա մեզ հնարավորություն կտա թարմացնել շենքային պայմանները, ինչը գրավիչ կդարձնի ծառայությունների մատուցումը քաղաքի բնակչությանը»,- նշում է Շիրակի մարզպետարանի առողջապահության և սոցիալական ապահովության վարչության պետի պարտականությունները կատարող Լեյլի Ասլանյանը։
Բացի բուժհաստատությունների վերազինումից և շենքային պայմանների բարելավումից, մարզում լուրջ խնդիր է նեղ մասնագետների պակասը։ Պոլիկլինիկաներում համապատասխան պրոֆիլի բժշկի դիմելիս հիվանդները ստիպված են հերթագրվել ու օրերով սպասել։ Առողջապահության նախարարությունն իրականացնում է նպատակային կլինիկական օրդինատուրա ծրագիրը, որով երիտասարդ մասնագետներ են ուղեգրվում մարզեր, բայց ամբողջությամբ չի հաջողվում բավարարել մարզերի կարիքները։ Մարզային պոլիկլինիկաները մշտապես սպասում են ուղեգրվող մասնագետների։
08:48 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:40 01.05.2025
Guardian. Լոնդոնը Փարիզի հետ քննարկում է հունիսին Պաղեստինը ճանաչելու հնարավորությունըԲրիտանիան Ֆրանսիայի հետ քննարկում է Պաղեստինի ճանաչման մասին 2025 թվականի ամռան սկզբին հայտարարելու ծրագրերը: Ըստ բրիտանական The Guardian թերթի՝ այս քայլը կարող է համընկնել հունիսի 2-4-ը ՄԱԿ-ի հովանու ներքո կազմակերպված «երկու պետություն երկու ժողովուրդների համար» ծրագրի իրականացման վերաբերյալ միջազգային համաժողովի հետ: Չորեքշաբթի օրը, ելույթ ունենալով բրիտանական խորհրդարանական հանձնաժողովի հետ, Մեծ Բրիտանիայի արտաքին գործերի նախարար Դեյվիդ […] ...
08:30 01.05.2025
ԱՄՆ-ը չի հրաժարվում Ուկրաինայի կարգավորման հարցում միջնորդությունից․ Քիթ ՔելլոգԱՄՆ-ը չի հրաժարվում ուկրաինական հակամարտության կարգավորման իր միջնորդական ջանքերից։ Այս մասին հայտարարել է Ուկրաինայում ԱՄՆ նախագահ Դոնալդ Թրամփի հատուկ բանագնաց Քիթ Քելլոգը։ «Չեմ կարծում»,-ասել է նա Fox News-ին տված հարցազրույցում՝ ի պատասխան հարցի։ Ավելի վաղ բրիտանական Financial Times թերթը հայտնել էր, որ Կիևը և նրա եվրոպացի դաշնակիցները վախենում են, որ Վաշինգտոնը կարող է դուրս գալ […] ...
08:24 01.05.2025
Երկրաշարժ Գավառ քաղաքից 13 կմ հարավ-արևելքՄայիսի 1-ին` տեղական ժամանակով ժամը 07:47-ին (Գրինվիչի ժամանակով` ժամը 03։47-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.25⁰ և արևելյան երկայնության 45․20⁰ աշխարհագրական կոորդինատներով Հայաստան՝ Գավառ քաղաքից 13 կմ հարավ-արևելք, օջախի 10 կմ խորությամբ 2․8 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 3-4 բալ: Երկրաշարժը զգացվել է […] ...
08:13 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
08:05 01.05.2025
«Ինտերը» շատ ուժեղ թիմ է պաշտպանությունում, դա նրանց գլխավոր զենքն է․ Յամալ«Բարսելոնայի» իսպանացի հարձակվող Լամին Յամալը խոսել է Չեմպիոնների լիգայի կիսաեզրափակչի՝ Միլանի «Ինտերի» դեմ առաջիկա հանդիպման մասին. «Մեծ ոգևորությամբ ենք մոտենում այս դիմակայությանը և անհամբեր սպասում ենք առաջին խաղին «Ինտերի» հետ։ Սա իմ կարիերայի առաջին կիսաեզրափակիչն է Չեմպիոնների լիգայում։ «Ինտերը» շատ ուժեղ թիմ է պաշտպանությունում։ Դա նրանց գլխավոր զենքն է։ Նրանք նաև հիանալի հակագրոհում են։ Բայց […] ...
