Մի շարք հետախուզվողներ են հայտնաբերվել

Ոստիկանության «Զվարթնոց» օդանավակայանի գծային բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 6-ին Կրասնոդար-Երևան չվերթի ինքնաթիռի ժամանումից հետո գծային բաժին բերման է ենթարկվել 32-ամյա Կարեն Կ.-ն, որը հունվարի 27-ից ոստիկանության Արարատի բաժնի կողմից հետախուզվում էր ՀՀ Քրեական օրենսգրքի 185-րդ հոդվածի (Գույքը դիտավորությամբ ոչնչացնելը կամ վնասելը) մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է հետախուզումը նախաձեռնողին:

Փետրվարի 6-ին ոստիկանության ՔՈԳ վարչության օպերատիվ խմբի կողմից Տաշքենդ-Մոսկվա-Երևան չվերթով ՀՀ է տեղափոխվել 59-ամյա Ջորջ Գ.-ն, որը 2020 թ. օգոստոսի 31-ից ոստիկանության Թալինի բաժնի կողմից հետախուզվում էր ՀՀ Քրեական օրենսգրքի 242-րդ հոդվածի 3-րդ մասի (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ) մեղադրանքով:
Խափանման միջոցը՝ կալանք:
Ջորջ Գ.-ն փոխանցվել է ոստիկանության Թալինի բաժնի ծառայողներին:

Ոստիկանության Կենտրոնական բաժնի համայնքային ոստիկանները և Երևանի գնդի ՊԾ 1-ին գնդի 2-րդ վաշտի ծառայողները համատեղ ձեռնարկած միջոցառումների շնորհիվ փետրվարի 6-ին Ազատության հրապարակում հայտնաբերել և Կենտրոնական բաժին բերման են ենթարկել 68-ամյա Աշոտ Հ.-ին, որը 2021 թ. օգոստոսի 26-ից հետախուզվում էր ՀՀ Քրեական օրենսգրքի 185-րդ հոդվածի (Գույքը դիտավորությամբ ոչնչացնելը կամ վնասելը) մեղադրանքով:
Խափանման միջոցը՝ ստորագրություն:

Ոստիկանության Կոտայքի բաժնի ծառայողները փետրվարի 5-ին Երևան քաղաքի Զաքարիա Սարկավագի փողոցից բաժին բերման են ենթարկել 25-ամյա Մարտիկ Գ.-ին, որը փետրվարի 4-ից ոստիկանության Արաբկիրի բաժնի կողմից հետախուզվում էր ՀՀ Քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է հետախուզումը նախաձեռնողին:

Փետրվարի 5-ին, ուժեղացված ծառայության շրջանակներում, ոստիկանության Մետրոպոլիտենի պահպանության բաժնի ծառայողների ձեռնարկած օպերատիվ-հետախուզական միջոցառումների շնորհիվ մետրոյի «Բարեկամություն» կայարանի հարակից գետնանցումից բաժին բերման է ենթարկվել 34-ամյա Ռուստամ Մ.-ն, որը հունվարի 13-ից ոստիկանության Մաշտոցի բաժնի կողմից հետախուզվում էր ՀՀ Քրեական օրենսգրքի 177-րդ հոդվածի (Գողությունը) մեղադրանքով;
Խափանման միջոցը՝ ստորագրություն:
Հայտնաբերման մասին տեղյակ է պահվել հետախուզումը նախաձեռնողին: