Մի շարք հետախուզվողներ են հայտնաբերվել

Ոստիկանության Մաշտոցի բաժնի ՔՀԲ ծառայողների բացատրական աշխատանքի շնորհիվ փետրվարի 8-ին բաժին է ներկայացել 32-ամյա Պողոս Պ.-ն, որը փետրվարի 3-ից հետախուզվում էր ՀՀ Քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:

Ոստիկանության ՊԾ Երևանի գնդի 4-րդ գումարտակի 1-ին վաշտի ծառայողների ձեռնարկած օպերատիվ-հետախուզական միջոցառումների շնորհիվ փետրվարի 8-ին Գայի պողոտայում հայտնաբերվել և Նոր Նորքի բաժին բերման է ենթարկվել 30-ամյա Դավիթ Հ.-ն, որը 2021 թ. օգոստոսի 9-ից Արցախի իրավապահների կողմից հետախուզվում էր ԱՀ Քրեական օրենսգրքի 184-րդ հոդվածի մեղադրանքով:
Առանց խափանման միջոցի:

Ոստիկանության Ավանի բաժանմունքի քրեական հետախույզների ձեռնարկած օպերատիվ-հետախուզական միջոցառումների շնորհիվ փետրվարի 8-ին Ավան-Առինջ 1-ին միկրոշրջանում հայտնաբերվել և բերման է ենթարկվել 35-ամյա Ժան Գ.-ն, որը հետախուզվում էր ՀՀ Քրեական օրենսգրքի 258-րդ (Խուլիգանությունը) և 243.1-րդ (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) հոդվածների մեղադրանքով:
Խափանման միջոցը՝ ստորագրություն:

Ոստիկանության Կենտրոնական բաժնի ՔՀԲ ծառայողները փետրվարի 8-ին Երկաթգծի փողոցից բերման են ենթարկել 34-ամյա Արթուր Ղ.-ին, որը փետրվարի 2-ից հետախուզվում էր ՀՀ Քրեական օրենսգրքի 177-րդ հոդվածի (Գողությունը) մեղադրանքով:
Խափանման միջոցը՝ ստորագրություն:

Ոստիկանության Կենտրոնական բաժնի քրեական հետախույզներն ու համայնքային ոստիկանները փետրվարի 8-ին Նոր Խարբերդի 5-րդ փողոցում հայտնաբերել և բաժին բերման են ենթարկել 21-ամյա Արմեն Բ.-ին, որը հունվարի 3-ից հետախուզվում էր ՀՀ Քրեական օրենսգրքի 177-րդ հոդվածի (Գողությունը) մեղադրանքով:
Խափանման միջոցը՝ ստորագրություն:

Ոստիկանության Նոր Նորքի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 8-ին Լուկաշինի փողոցի շենքերից մեկում հայտնաբերվել և բաժին բերման է ենթարկվել 27-ամյա Դավիթ Բ.-ն, որը հետախուզվում էր ՀՀ Քրեական օրենսգրքի 266-րդ հոդվածի (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) 4-րդ մասի մեղադրանքով:
Առանց խափանման միջոցի:

Ոստիկանության ՊԾ Երևանի գնդի 1-ին գումարտակի 2-րդ վաշտի ծառայողները ձեռնարկված միջոցառումների արդյունքում փետրվարի 8-ին Հալաբյան փողոցից ոստիկանության Կենտրոնական բաժին բերման են ենթարկել 23-ամյա Տիրան Մ.-ին, որը հունվարի 14-ից հետախուզվում էր ՀՀ Քրեական օրենսգրքի 258-րդ հոդվածի (Խուլիգանությունը) մեղադրանքով:
Խափանման միջոցը՝ կալանք:

`