Մի շարք հետախուզվողներ են հայտնաբերվել

Ոստիկանության Մալաթիայի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 9-ին Ամառանոցային 2-րդ տարածքում հայտնաբերվել և բաժին բերման է ենթարկվել 29-ամյա Տիգրան Կ.-ն, որը փետրվարի 5-ից հետախուզվում էր ՀՀ Քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
Տիգրան Կ.-ն ներկայացվել է դատարան:

Ոստիկանության Երևան քաղաքի վարչության և Արաբկիրի բաժնի ծառայողները համատեղ ձեռնարկած միջոցառումների շնորհիվ փետրվարի 9-ին Ծիծեռնակաբերդի խճուղու շենքերից մեկում հայտնաբերել և Արաբկիրի բաժին բերման են ենթարկել 38-ամյա Գևորգ Ս.-ին, որը 2021 թ. դեկտեմբերի 14-ից հետախուզվում էր ՀՀ Քրեական օրենսգրքի 258-րդ (Խուլիգանությունը) և 235-րդ (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) հոդվածների մեղադրանքով: Բերման ենթարկելու ժամանակ բնակարանում՝ ննջասենյակի դարակի վրայից, հայտնաբերվել է «Մակարով» տիպի ատրճանակ՝ լիցքավորված 9 մմ տրամաչափի 7 փամփուշտներով:
Խափանման միջոցը՝ կալանք:
Գևորգ Ս.-ն ներկայացվել է վարույթն իրականացնող մարմնին:

Ոստիկանության Նոր Նորքի բաժնի ծառայողների ձեռնարկած միջոցառումների շնորհիվ փետրվարի 9-ին Սասունցի Դավթի փողոցից բերման է ենթարկվել 29-ամյա Արծրուն Խ.-ն, որը փետրվարի 4-ից ոստիկանության Կենտրոնական բաժնի կողմից հետախուզվում էր ՀՀ Քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:Հայտնաբերման մասին հայտնվել է հետախուզումը նախաձեռնողին:

Ոստիկանության Շենգավիթի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 9-ին Տպագրիչների փողոցից բերման է ենթարկվել 30-ամյա Գուրգեն Կ.-ն, որը հետախուզվում էր ՀՀ Քրեական օրենսգրքի 343-րդ (Դատարանի նկատմամբ անհարգալից վերաբերմունքը) և 258-րդ (Խուլիգանությունը) հոդվածների մեղադրանքով:
Առանց խափանման միջոցի:
Գուրգեն Կ.-ն ներկայացվել է ԱՆ պրոբացիայի ծառայություն:

`