18:38 30.03.2022
2020 թվականի դեկտեմբերին Արցախի Խծաբերդ գյուղի հատվածում գերեվարված զինվորականներից 62-ը Շիրակի մարզից էին։ Հիշեցնենք, որ տղաների գերեվարումը տեղի է ունեցել 44-օրյա պատերազմից հետո, հրադադարի հաստատումից մեկ ամիս անց։ Շիրակցի տղաների մի մասը տարբեր ժամանակներում վերադարձվել է հայրենիք, նրանցից 30-ը դեռ պահվում են Բաքվում։ Գերեվարվածների հայրենիք վերադարձի ուղղությամբ կատարվող աշխատանքներին ՄԻՊ Քրիստիննե Գրիգորյանն անդրադարձել է Շիրակի մարզպետի հետ հանդիպմանը։
Մարզպետ Նազելի Բաղդասարյանը ներկայացրել է գերիների վերադարձի գործընթացն արագ կազմակերպելու անհրաժեշտությունը, նաև իր մտահոգությունը հայտնել Ադրբեջանում գերիների կարգավիճակի խնդրի շուրջ․
«Մինչ օրս Ադրբեջանում պահվող 30 անձ ունենք հաստատված գերիների ցանկում, և բոլորն էլ Շիրակի մարզից են։ Այս խնդիրը շարունակում է մնալ ամենակնճռոտը մեր մարզի համար։ Ես կուզենայի Ձեր ուշադրությունը հրավիրել այս խնդրին, ևս մեկ անգամ ակնկալել Ձեր գործուն աջակցությունը։ Ուզում եմ Ձեր ուշադրությունը հրավիրել այն հանգամանքի վրա, որ Ադրբեջանի իշխանությունները շարունակում են իրենց ձեռագիրը և, Բաքվում պատանդի կարգավիճակով գտնվող մեր տղաներին անհիմն մեղադրանքներ առաջադրելով, շարունակում են պնդել, որ իրենք այլ կարգավիճակ ունեն»։
ՀՀ Մարդու իրավունքների պաշտպանը նշել է, որ խնդիրն իրենց համար էլ է մտահոգիչ։
«Կարմիր խաչի միջազգային կոմիտեի ներկայացուցչի հետ Երևանում մշտական կապի մեջ եմ, և նա հավաստիացրել է, որ պարբերաբար իրենք անխոչընդոտ այցելում են պահվող անձանց, մեր ռազմագերիներին, և էսօր էլ ծնողների հետ շփման ժամանակ էլ կասեմ, եթե կա կոնկրետ անհրաժեշտություն, ահագնացող ինչ-որ բան, մենք փորձենք նաև Կարմիր խաչի միջոցով ապահովել այդ կապը»,- ասել է Քրիստիննե Գրիգորյանը։
Մարդու իրավունքների պաշտպանը մտահոգիչ է համարել նաև Ադրբեջանի որդեգրած քաղաքականությունը՝ քրեական գործընթացներ իրականացնելով, որոնք ոտնահարում են և՛ մարդասիրական, և՛ միջազգային իրավունքները։ Հայաստանը կարողացել է հասնել նրան, որ Խոշտանգումների կանխարգելման կոմիտեն այցելել է Բաքվում գտնվող հայ գերիներին։
«Խոշտանգումների կանխարգելման կոմիտեն Եվրոպայի խորհրդի հերթական այցի շրջանակներում էր որոշել այցելություններ կատարել նաև մեր ռազմագերիներին, այդ ժամանակ նաև կառավարությունից Մարդու իրավունքների պաշտպանի հաստատությունը պահանջեց այց Բաքու, ու հատկապես քրեական գործում գտնվող որոշակի ուղղորդիչ տվյալներ ունեինք, և կարծում եմ, որ էս առումով չպետք է դադարեցնել մեր ջանքերը»,- ShantNews.am-ի հետ զրույցում ասել է Քրիստիննե Գրիգորյանը։
Շիրակի մարզպետի հետ հանդիպումից հետո Մարդու իրավունքների պաշտպանը փակ հանդիպում է ունեցել գերիների հարազատների և ընտանիքների անդամների հետ։ Ներկայացրել է գերիների վերադարձի աշխատանքներում ՄԻՊ-ի գրասենյակի աշխատակազմի իրականացրած գործողությունները։
«Այս առումով մեր աշխատանքի հիմնական ուղղությունը փաստերը ներկայացնելն է մարդու իրավունքների միջազգային մանդատ ունեցող կազմակերպություններին և նաև դիվանագիտական առաքելություններին՝ խնդրելով ուժեղացնել ճնշումն Ադրբեջանի վրա, որպեսզի այդ ճգնաժամը կարողանանք հաղթահարել»,- նշել է ՀՀ Մարդու իրավունքների պաշտպանը։
Մարդու իրավունքների պաշտպանի գրասենյակը միջազգային իրավական հարթակներում Հայաստանի կառավարության ներկայացուցչի գրասենյակին, միջազգային կազմակերպություններին և դիվանագիտական ատյաններին ներկայացնում է ուսումնասիրություններ ու վերլուծություններ, որոնք նաև փաստական հիմքեր են դատական բողոքների համար։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
