09:53 20.02.2018
«2017թ.-ի ընթացքում ՀՀ արդարադատության նախարարությունը ունեցել է 6 գերակա ուղղություն, իրականացրել 18 միջոցառում: Կարևոր եմ համարում մի շարք օրենքների ընդունումը, որը բխում էր նոր սահմանադրության պահանջներից: 6 սահմանադրական օրենք ԱԺ-ի կողմից արդեն ընդունվել է, մեկը դեռ քննարկման փուլում է», – այսօր՝ փետրվարի 20-ին, ամփոփելով 2017թ.-ի աշխատանքները, ասել է ՀՀ Արդարադատության նախարար Դավիթ Հարությունյանը:
Նախարարությունն անցած տարի նորմատիվ ակտերի առնչությամբ նախադեպը չունեցող 6680 փորձագիտական եզրակացություն է ներկայացրել։Արդարատության կարևոր ուղղություններից մեկն էլ դատարանների ծանրաբեռնվածության թեթևացումն է: Ըստ նախարարի՝ դատավորների ծանրաբեռնվածության հավասար բաշխումը նույնպես լուրջ խնդիր կլուծի: Դատական գործերի մի մասը կտեղափոխվեն այլ տիրույթներ, կստեղծվի Երևանի ընդհանուր իրավասության դատարան, կավելանա դատավորների թիվը: Հաջորդ կարևոր ոլորտը, որ առանձնացրել է Դավիթ Հարությունյանը, մարդու իրավունքների պաշտպանության ոլորտն էր: Մարդու իրավունքների պաշտպանության ազգային ռազմավարությունից բխող 2017-2019 թվականների գործողությունների ծրագիրն է կազմվել: Ստեղծվել է համակարգող խորհուրդ:
«Հայտարարել էինք, որ մարդու իրավունքների պաշտպանությունը մեզ համար կարևոր հարց Է: Այստեղ 5 ուղղություն ենք կարևորել՝ ընտրական համակարգի բարելավում, խոշտանգումների կանխարգելում, կանանց և տղամարդկանց իրավահավասարության ապահովում, խտրականության դեմ պայքար, երեխաների իրավունքների պաշտպանություն: Մենք նաև ստանում ենք ԵՄ աջակցությունը այս ոլորտում: Նշված երկու տարիների համար տրամադրվել է 17 մլն եվրո աջակցություն», – ասել է Դավիթ Հարությունյանը:
Նախարարը նաև հայտնել է, որ ՄԻԵԴ-ում աճել է հայկական գործերի թիվը, ինչը վկայում է, որ զարգանում է իրավունքների պաշտպանության ոլորտը:
«Եթե 2013թ.-ին ՄԻԵԴ-ը կայացրել է ընդամենը 2 վճիռ հայկական գործերով, ապա 2016-17 թթ.-ին՝ 27 վճիռ», – ասել է Դավիթ Հարությունյանը:
23:59 15.06.2025
ԵՄ-ն կոչ է արել թույլ չտալ Իրանին միջուկային զենք ձեռք բերելԵՄ արտաքին գործերի նախարար Կայա Կալասը հայտարարել է ԵՄ դիրքորոշումը, որ Իրանին չպետք է թույլատրվի ձեռք բերել միջուկային զենք: «ԵՄ-ն ուշադիր հետևում է Մերձավոր Արևելքում տիրող իրավիճակին և իր խորը մտահոգությունն է հայտնում վտանգավոր սրման վերաբերյալ, որը սպառնում է անկայունացնել ամբողջ Մերձավոր Արևելքը։ ԵՄ-ն միշտ հստակ է եղել, որ Իրանին չպետք է թույլատրվի ձեռք բերել […] ...
23:30 15.06.2025
Իսրայելը հարվածել է Իրանի արտաքին գործերի նախարարության շենքերից մեկինԻսրայելը հարվածել է Իրանի արտաքին գործերի նախարարության շենքերից մեկին, վիրավորվել են մի քանի քաղաքացիական անձինք, այդ թվում՝ դիվանագետներ, հայտարարել է Իրանի արտաքին գործերի փոխնախարար Սաիդ Խատիբզադեն։ «Իսրայելի ռեժիմը դաժան հարձակում է գործել Իրանի արտաքին գործերի նախարարության շենքերից մեկի վրա, որը գտնվում է Թեհրանում։ Այս հարձակման հետևանքով վիրավորվել են մի քանի քաղաքացիական անձինք, այդ թվում՝ իմ […] ...
23:15 15.06.2025
Գատուզոն դարձել է Իտալիայի ֆուտբոլի ազգային հավաքականի գլխավոր մարզիչը2006 թվականի աշխարհի չեմպիոն Ջենարո Գատուզոն նշանակվել է Իտալիայի ֆուտբոլի ազգային հավաքականի գլխավոր մարզիչ: Այս մասին հայտնել է ազգային հավաքականի մամուլի ծառայությունը: Ավելի վաղ Լուչիանո Սպալետին հայտարարել է Իտալիայի ազգային հավաքականի գլխավոր մարզչի պաշտոնից հեռանալու մասին, որը նա գլխավորում էր 2023 թվականից։ «Գատուզոն իտալական ֆուտբոլի խորհրդանիշ է, ազգային հավաքականի համազգեստը նրա համար երկրորդ մաշկի պես […] ...
23:06 15.06.2025
Իրանի զինված ուժերը կոչ են արել իսրայելցիներին լքել կարևորագույն ենթակառուցվածքային օբյեկտների տարածքներըԻրանի զինված ուժերի խոսնակը հայտարարություն է տարածել՝ կոչ անելով իսրայելցիներին լքել կարևորագույն ենթակառուցվածքային օբյեկտների մոտ գտնվող տարածքները: «Հարվածները կուղղվեն կարևորագույն օբյեկտներին, այդ թվում՝ ռազմական և անվտանգության կենտրոններին, որոշումների կայացման կենտրոններին և հրամանատարների շտաբներին», – ընդգծել է նա Իրանի պետական հեռուստատեսության եթերում։ Նշվել է, որ ստորգետնյա ապաստարանները չեն կարող համարվել հրեական պետության բնակչության համար անվտանգ վայր։ […] ...
22:55 15.06.2025
Նեթանյահուն հայտնել է, որ ԱՄՆ-ն օգնում է Իսրայելին հետ մղել Իրանի հարձակումներըՄիացյալ Նահանգներն օգնում է իսրայելական ուժերին՝ հետ մղելու Իրանի կողմից հրեական պետության դեմ ուղղված պատասխան հարվածները: Այս մասին հայտարարել է Իսրայելի վարչապետ Բենիամին Նեթանյահուն Fox News հեռուստաալիքին տված հարցազրույցում: «Ես խորապես շնորհակալ եմ նախագահ Թրամփի՝ Իսրայելը պաշտպանելուն օգնելու որոշման համար», – շեշտել է նա՝ պատասխանելով այն հարցին, թե արդյոք ամերիկյան կողմը հրեական պետությանը տրամադրում է […] ...
22:45 15.06.2025
Նեթանյահուն հայտարարել է Իրանի հետախուզության ղեկավարին չեզոքացնելու մասինԻսրայելի վարչապետ Բենիամին Նեթանյահուն կիրակի օրը հայտարարեց, որ Իսրայելը չեզոքացրել է Իրանի հետախուզության ղեկավարին և նրա տեղակալին։ «Կարող եմ ձեզ ասել, որ մի քանի րոպե առաջ մենք նաև հարվածեցինք Թեհրանում գտնվող հետախուզության բարձրաստիճան պաշտոնյային և նրա տեղակալին։ Մենք թիրախավորում ենք ռազմական օբյեկտներ, միջուկային օբյեկտներ», – ասել է Նեթանյահուն Fox News-ին։ Նա հավելել է, որ Իսրայելի […] ...
