19:06 28.04.2022
Ամասիայի տարածաշրջանի Արեգնադեմ գյուղում հող մշակելու, հողից բերք ստանալու պայմանները խիստ նվազ են։ Գյուղը սահմանին շատ մոտ է, բայց սահմանամերձի կարգավիճակ չունի, արտոնություններ էլ, հետևաբար, չեն գործում։ Վարուցանք անելուց հետո բերքատվություն ապահովելու համար խիստ անհրաժեշտ ոռոգման ջրից զրկված է գյուղը, ցանում են անձրևի հույսով։
Ոռոգելի չեն, բայց մշակովի մոտ 600 հեկտար ցանքատարածք ունեն։ Արեգնադեմցիները ներկայացնում են, թե անցած տարվա եղանակային պայմաններն ինչպես են ազդել բերքի վրա։
«Հիմա որ սերմը որ ցանում ենք, անցյալ տարվանն է, նվազ է՝ երաշտի տարի էր, անձրև չկար, ոռոգման ջրի հնարավորություն չկար»։
«Գարնանացանի աշխատանքները սկսվել են․ սերմացուի հարցն է, պարարտանյութը թանկ է, դիզվառելանյութը թանկ է, մարդիկ կան, որ իսկապես հնարավորություն չունեն ցանք անելու, շատ ցավալի է»,- ասում է Արեգնադեմ համայնքի վարչական ղեկավար Աշոտ Պողոսյանը։
Գարնանացան սերմացուի սուբսիդավորում չեղավ, անցած տարվա նվազ բերքից թե պահած սերմացու ունեն, դա են ցանում, կամ էլ ֆերմերային տնտեսություններից գնում են թանկով։ Թանկից էժանը չկա՝ այս մոտեցումը հողագործի մոտ չի աշխատում, քանի որ երաշխիք չունի, որ ստացած բերքը կփակի ծախսերը, երբ գյուղը չունի ոռոգման ջուր, հետն էլ կարկուտն ու երաշտը կարող են վնասել։ Թանկ ծախսերին այս տարի ավելացել է նաև պարարտանյութը, որի գինը նույնիսկ պետության սուբսիդավորումից հետո էլ գյուղացուն ձեռնտու չէ։
«Առաջ մեկ պարկի համար 9000 դրամ էինք վճարում, ներկրողները հիմա 21․000 են ասում։ Պիտի 12․000-ը վճարի գյուղացին՝ մեկ պարկի հաշվով, կրկնակի ավելի է, մարդիկ հնարավորություն չունեն վճարելու»,- նշում է համայնքի վարչական ղեկավարը։
Բազմամյա մշակաբույսերին ևս հողագործը պարարտանյութ է տալիս։ Անցած տարվա երաշտային պայմաններում Արեգնադեմում խոտ ու այլ անասնակեր չքաղեցին։ Վաճառվողն էլ թանկ էր, ստիպված անասնագլխաքանակն են կրճատել։
«Առաջ 10-12 գլուխ խոշոր եղջերավոր անասուն ունեի, հմի 3 հատ է մնացել, խոտը թանկ էր՝ չառա»,- ասում է գյուղացին։
Սերմացուի, վառելիքի, պարարտանյութի թանկ լինելուց դժգոհ գյուղացին, ամեն դեպքում, հողն անմշակ չի թողնում, ասում է, թե հեկտարի փոխարեն գոնե կեսը կցանի, որ հացի ալյուրը քաղաքից չառնի, անասնակերն էլ՝ ուրիշ գյուղերից։
«Ճամփորդի գործն էլ Աստված գիտե, եթե եղանակը լավ եղավ, գոնե 1 հեկտարից 2 տոննա էլ ստանանք՝ լավ կլինի»։
Գյուղն ունի 84 տնտեսություն։ Մարտ ամսվա ձնառատ օրերին են ապավինում, հողագործն իր տարիների փորձով կանխատեսումներն ունի՝ ձյունը շատ է եկել, ուրեմն, բերքն էլ լավ կլինի։ Ամբողջ Ամասիայի տարածաշրջանի հողերի մոտ 70 տոկոսը ոռոգելի չեն։
18:58 30.04.2025
ԲՏԱ նախարարի տեղակալը Շվեդիայի Թագավորությունում հանդիպում է ունեցել ոլորտի մի շարք ներկայացուցիչների հետՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանն ապրիլի 22-24-ը աշխատանքային այցով գտնվել է Շվեդիայի Թագավորությունում (Ստոկհոլմ)՝ մասնակցելու Շվեդիայում ՀՀ դեսպանության և Շվեդիայի ԱԳՆ կողմից կազմակերպված «Գործարար համաժողով Հայաստանի վերաբերյալ» (Business Seminar on Armenia) թեմայով միջոցառմանը, որին մասնակցել են շվեդական գործարար և պետական ոլորտի ավելի քան 50 ներկայացուցիչ։ Միջոցառմանը նախարարի տեղակալը ներկայացրել է Հայաստանի բարձր […] ...
18:49 30.04.2025
Վարչապետի գլխավորությամբ քննարկվել է Փրկարար ծառայության զարգացման հայեցակարգըՎարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է Փրկարար ծառայության զարգացման հայեցակարգը: Ներքին գործերի նախարար Արփինե Սարգսյանը նշել է, որ Փրկարար ծառայության զարգացման տեսլականը կարևոր է ՆԳՆ բարեփոխումների շղթայի ամբողջականացման շրջանակում և ներկայացրել հայեցակարգում բարձրացված խնդիրների լուծումները: Մասնավորապես, ներկայացվել են մանրամասներ ՆԳՆ կողմից ոլորտային քաղաքականության մշակման, ոլորտում վարվող քաղաքականության մոնիթորինգի, արտադրական […] ...
18:36 30.04.2025
Կհամաֆինանսավորվի 27 սուբվենցիոն ծրագիր. գործադիրի որոշումներըԿառավարությունը 3 լավարկում է առաջարկում ընդհանուր հայտարարագրման գործընթացում սոցծախսերի փոխհատուցման մասով, կհամաֆինանսավորվի սուբվենցիոն ևս 27 ծրագիր, Հայաստանը կունենա նոր դեսպանատուն Օմանի Սուլթանությունում, առաջիկայում նաև՝ Հունգարիայում: Որոշումները կայացվել են Կառավարության այսօրվա նիստում: Մանրամասները՝ ռեպորտաժում: ...
18:27 30.04.2025
Ընտրական մարմինների ասոցիացիայի 2026-ի գործադիր խորհրդի նիստը կհրավիրվի ՀայաստանումԱպրիլի 25-ից 27-ը ՀՀ Կենտրոնական ընտրական հանձնաժողովի նախագահ Վահագն Հովակիմյանի գլխավորած պատվիրակությունը Մանիլայում (Ֆիլիպիններ) մասնակցել է Ընտրական մարմինների համաշխարհային ասոցիացիայի քարտուղարության (A-WEB) 13-րդ գործադիր խորհրդի նիստին: Պատվիրակության կազմում են ընդգրկված եղել ԿԸՀ անդամ Աննա Գրիգորյանը և ԿԸՀ ֆինանսատնտեսական վարչության գլխավոր մասնագետ Մերինե Սուքիասյանը։ Նիստի ընթացքում քննարկվել են օրակարգային հարցեր, այդ թվում՝ գործադիր խորհրդի նիստի անցկացման […] ...
18:17 30.04.2025
Մեսսին բոլոր ժամանակների լավագույն ֆուտբոլիստն է, իսկ ես ընդամենը 17 տարեկան եմ«Բարսելոնայի» հարձակվող Լամին Յամալը կարծում է, որ Լիոնել Մեսսիի հետ համեմատությունը դրական է ազդում իր վրա։ «Մեսսին բոլոր ժամանակների լավագույն ֆուտբոլիստն է, իսկ ես ընդամենը 17 տարեկան եմ։ Ինձ մոտիվացիա է տալիս, երբ տեսնում եմ, որ մարդիկ համեմատում են ինձ նրա հետ։ Որքան շատ է լինում ճնշումն ինձ վրա, ես ավելի լավ եմ հանդես գալիս։ […] ...
18:08 30.04.2025
Իսրայելի պաշտպանության բանակը հարձակվել է Դամասկոսի արվարձանում գտնվող հասարակական անվտանգության ուժերի վրաՍիրիայի ընդհանուր անվտանգության ուժերը իսրայելական ավիահարվածների են ենթարկվել Դամասկոսի հարավային արվարձանում գտնվող Սահնայա բնակավայրում, հայտնում է Syria TV -ն՝ հղում անելով Սիրիայի ՆԳՆ-ին։ «Իսրայելական ռազմաօդային ուժերի անօդաչու թռչող սարքը հարվածել է Սահնայայի մատույցներում ընդհանուր անվտանգության ուժերի հավաքակայանին», – հաղորդում է հեռուստաալիքը։ Ներքին գործերի նախարարության տվյալներով՝ հարձակման հետևանքով զոհվել է անվտանգության մեկ աշխատակից, մի քանիսը վիրավորվել […] ...
