Ի՞նչն է տարիքին համապատասխան.50-ից հետո հագնվելու որոշ սկզբունքներ

Կանոններն ու կարծրատիպերն անթիվ են՝ 50 ից հետո ոչ մի  կաշվե տաբատ, ոչ մի սքեյթ բորդ, ոչ մի երկար մազ  ու կարճ շրջազգեստ: Համատարած  սահմանափակումներ են:Արգելված իրերի ցանկն անվերջ է, փորձեք  շեղվել, կսկսեն անվերջ քննարկել  ձեր հագուկապը:

Ահա ավելի լավ գաղափար. Եկեք խոսենք այն մասին, թե ինչպես ճիշտ հագնվել ձեր տարիքում, այլ ոչ թե ինչպես խուսափել սխալներից:

Սպիտակ տան ինտերիերի դիզայներ Այրիս Ափֆելը դարձել է նորաձևության  աշխարհումհանրահայտ ինֆլուենսեր:  Նա ընտրում  է H&M-ի վերջին  հավաքածուից  մինի կիսաշրջազգեստներով ,հսկայական ակնոցներով ու ֆանտաստիկ գույների համադրությամբ զգեստներ: Այս տարի Ափֆելը դառնում է 101 տարեկան: «Դու պետք է հագնվես քեզ համար, նախքան քո տարիքին համապատասխան հագնվելը»,- ասում  է Ափֆելը:

Որքան էլ պարադոքսալ  հնչի, ծերանալը պահանջում է մի քիչ ավելի բարձր «ճչացող» հագուստ:
Երբ դուք 22 տարեկան եք, ջինսե տաբատը և սպիտակ  վերնաշապիկը, թվում է, առանց ջանքերի հաջող ստացված տարբերակ  է:  Բայց 30 տարի անց նույն հանդերձանքը կարող է ձեզ «աննկատ»  դարձնել:

40 տարեկանից բարձր յուրաքանչյուր 10 տարին մեկ 10%-ով ավելի  գումար ներդրեք հագնվելու համար: Ահա զգեստապահարանը խելացի թարմացնելու մի քանի տարբերակ :

1.Շապիկները փոխեք օձիքով վերնաշապիկներով,բարակ  կարդիգանները՝  որակյալ  բաճկոններով, կամ  ավելացրեք գույն և դետալ՝ այն դարձնելով դյութիչ:

2.50-ից հետո խամրած գույները «չեն նայվում», ավելի ճիշտ դրանք շեշտում են տարիքային փոփոխություները:  Դեմքին մոտ սև հագուստը՝  նույնպես: Վառ գույներ ընտրեք՝մանանեխի, կանաչ, կարմիր, նարնջագույն, կապույտ, վարդագույն,բալագույն:Պաստելային երանգները միշտ դասական են և ազնվական տեսք են տալիս:

3.Տպագրություններից  նախընտրեք երկրաչափական նախշերը: Պուտերն ու գծերը ցանկալի չեն: Դրանք  ավելորդ  սանտիմետրեր կարող  են ավելացնել : Պատռված ջինսեր, կաշվե տաբատներ, գանգերի պատկերով ցանկացած հագուստ՝  եկեք  զգուշորեն մի կողմ թողնենք:  Հնաոճ կիսսաշրջազգեստները փոխարինեք նորաձև, հետաքրքիր ձևվածքով կիսաշրջազգեստներով:

4.Գումար ծախսեք  միայն որակյալ  հագուստի համար, մոռացեք  էժանագին տրիկոտաժն ու  կազմվածքին չհամապատսխանող զգեստները: Մի փնտրեք բրենդային հագուստներ, փնտրեք  որակյալ ու հետաքրքիր հագուստներ:

5.Կոշիկների ու պայուսակների համար գումար մի խնայեք :Դրանք կարող  են «փրկել» անգամ ամենաանգույն զգեստը:

6.Աքսեսուարներ գնեք, լավ ակնոցներ, գոտիներ, շարֆեր,հետաքրիքր զարդեր: Խուսափեք «թինէյջերական» ոճից: Դրանք ոչ թե երիտասարդացնում են, այլ  ճիշտ հակառակ ուղղությամբ են աշխատում:

7. Խնամված եղեք՝ մի մոռացեք  մաշկի խնամքի  ու կոսմետիկ պրոցեդուրաների մասին: Մեծ գումար  պետք  չէ մաքուր  ու առողջ մաշկ ունենալու  համար: Բավական է  ճիշտ  սնվել ու շաբաական գոնե երկու անգամ սնուցել ու խոնավացնել մաշկը: Այո, տարիքի հետ կոսմետիկ որակյալ միջոցները դառնում են ավելի ու ավելի թանկ, բայց մխիթարությունն այն է, որ դրանք  կարող  են ամիսերով հոգ տանել ձեր մասին: