18:12 06.06.2022
Հունիսի 6-8-ը Գյումրիում անցկացվում է Աշոտ Մխիթարյանի անվան ծանրամարտի մանկապատանեկան մրցաշար։ Սպորտի վարպետ, ՀՀ վաստակավոր մարզիչ Աշոտ Մխիթարյանը 1997-2005 թվականներին եղել է Հայաստանի ծանրամարտի պատանեկան հավաքականի գլխավոր մարզիչը։ Իսկ 2006-2010թթ․-ին՝ Հայաստանի ծանրամարտի տղամարդկանց հավաքականի գլխավոր մարզիչը։ Իր մարզչական գործունեության ընթացքում Աշոտ Մխիթարյանը տվել է սպորտի 34 վարպետ, 12 միջազգային կարգի սպորտի վարպետ։ Նրա անձնական սաները միջազգային ստուգատեսներում նվաճել են 100-ից ավելի մեդալներ։ Իսկ անկախ Հայաստանի պատմության մեջ առաջին անգամ տղամարդկանց պայքարում ազգային հավաքականը ունեցավ աշխարհի չեմպիոն։ Դա 2010 թվականն էր, երբ Թուրքիայում 77 կգ քաշային կարգում աշխարհի չեմպիոն հռչակվեց Աշոտ Մխիթարյանի սանը՝ Տիգրան Մարտիրոսյանը։
«Աշոտ Մխիթարյանն այն մարդկանցից է, որոնք հայկական ծանրամարտում մեծ լումա ունեն թե՛ պատանիների հավաքականի, թե՛ երեխաների, նաև մեծահասակների։ Դրա վառ օրինակը 2010 թվին իր անձնական մարզիկի՝ Տիգրան Մարտիրոսյանի չեմպիոնությունն է, չնայած այդ ժամանակ ես էի ազգային հավաքականի մարզիչը, բայց դա կապ չունի, իր աշխատանքի արդյունքն է եղել»,- ShantNews.am-ի հետ զրույցում նշել է Հայաստանի ծանրամարտի տղամարդկանց հավաքականի մարզիչ Պողոս Պողոսյանը։
Բազմաթիվ ծանրորդների հաջողություններ ուղղակիորեն կապված են Աշոտ Մխիթարյան մարզչական աշխատանքի հետ։ Մխիթարյանը մահացել է 2010 թվականի մայիսին։ Նրա ունեցած ավանդը կարևորելով հայկական ծանրամարտի պատմության մեջ, իր նախկին մարզիկները նախաձեռնել են հանրապետական հուշամրցաշար, որն արդեն երկրորդ տարին անընդմեջ անցկացվում է։
«Ես ընկեր Աշոտի սանն եմ, իմ կյանքում նա մեծ դեր ունի, հիմա էլ ես, որպես սան, իմ պարտքն եմ համարում կազմակերպել Աշոտ Մխիթարյանի անվան հուշամրցաշարերը։ Նա ծանրամարտի մեծ ավանդույթները բերել, հասցրել է մեր սերնդին, մենք էլ ուզում ենք, որ երեխաները, այս նոր սերունդը նույնպես իմանա մեր վարպետի մասին։ Նա մեծ ներդրում ունի իր մարզիկների կյանքում՝ թե՛ սպորտում, թե՛ անձնական կյանքում»,- նշել է ԿԳՄՍ նախարարության մանկապատանեկան սպորտի բաժնի պետ Հարություն Եղոյանը։
Պատանի ծանրորդները Հայաստանի տարբեր մարզերից տասը քաշային կարգերում պայքարում են լավագույնի անունը վաստակելու և միջազգային առաջնություններում հանդես գալու հնարավորություն ստանալու համար։
16:35 16.06.2025
Երթևեկության կազմակերպման փոփոխություն՝ Երևանի մի շարք փողոցներումԵրևանի քաղաքապետարանից հայտնում են, որ հունիսի 20-ից կկատարվի երթևեկության կազմակերպման փոփոխություն Մաշտոցի պողոտայում, Խորենացու, Բեյրութի և Իտալիայի փողոցներում: Նախատեսվում է հասարակական տրանսպորտի երթուղու փոփոխություն Մաշտոցի պողոտայից «Հաղթանակի» կամուրջ և հակառակ ուղղություններով: Ըստ փոփոխության՝ Մաշտոցի պողոտա – Խորենացու փողոց խաչմերուկ – Մաշտոցի պողոտայի թունել – «Հաղթանակի» կամուրջ ուղեգծի փոխարեն, այդ երթուղով երթևեկող հասարակական տրանսպորտը կերթևեկի Մաշտոցի […] ...
16:28 16.06.2025
«Ասպիրանտների և երիտասարդ հայցորդների հետազոտությունների աջակցության ծրագիր-2025» մրցույթ. ԿԳՄՍՆԿԳՄՍ նախարարության բարձրագույն կրթության և գիտության կոմիտեն կազմակերպում է «Ասպիրանտների և երիտասարդ հայցորդների հետազոտությունների աջակցության ծրագիր- 2025» մրցույթը, որն ուղղված է ՀՀ գիտական և գիտատեխնիկական գործունեություն իրականացնող հաստատությունների ասպիրանտների և հայցորդների մասնագիտական որակավորման բարձրացմանը: Մրցույթին մասնակցելու հայտ կարող են ներկայացնել 1990թ․ հունվարի 1-ից հետո ծնված առկա ուսուցմամբ ասպիրանտը, հեռակա ուսուցմամբ երկրորդ, երրորդ կամ չորրորդ կուրսի […] ...
16:20 16.06.2025
Հայաստանի և Թուրքմենստանի ԱԳՆ-ների միջև տեղի են ունեցել հյուպատոսական խորհրդակցություններՀունիսի 11-ին թուրքմենական կողմի նախաձեռնությամբ Երևանում կայացել են Հայաստանի Հանրապետության և Թուրքմենստանի արտաքին գործերի նախարարությունների հերթական հյուպատոսական խորհրդակցությունները: Հայկական կողմը խորհրդակցություններին մասնակցում էր ՀՀ ԱԳ նախարարության հյուպատոսական վարչության պետ Արթուր Պետրոսյանի գլխավորությամբ, իսկ թուրքմենական կողմը՝ Թուրքմենստանի հյուպատոսական դեպարտամենտի պետ Դովլեթմուրատ Մուրատովի գլխավորությամբ: Խորհրդակցությունների օրակարգում ընդգրկված էին 1963թ. ապրիլի 24-ի «Հյուպատոսական հարաբերությունների մասին» Վիեննայի կոնվենցիայի կատարման, […] ...
16:14 16.06.2025
Մահվան ելքով վրաերթ Երևան-Երասխ ավտոճանապարհինՀունիսի 13-ին՝ ժամը 09:15-ի սահմաններում, Երևան-Երասխ ավտոճանապարհի 10-րդ կմ-ին «Ֆորդ» մակնիշի ավտոմեքենայի վարորդը վրաերթի է ենթարկել 40-ամյա Մարգարիտ Հ․-ին, որը տեղում մահացել է։ Կատարվում է նախաքննություն։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: ...
16:08 16.06.2025
Ավշար բնակավայրում հողամասի և նախկին կոլտնտեսության շենքի նկատմամբ վերականգնվել է համայնքի սեփականության իրավունքը. վարչապետԱրարատի մարզի Արարատ համայնքի Ավշար բնակավայրի Հ. Շիրազի փողոցում գտնվող՝ 0,966 հա մակերեսով հողամասի և 416,6 քմ մակերեսով նախկին կոլտնտեսության շենքի նկատմամբ վերականգնվել է համայնքի սեփականության իրավունքը: Հողամասի՝ շուկայականին մոտարկված կադաստրային արժեքը՝ 21 միլիոն 622 հազար դրամ: Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը: ...
16:00 16.06.2025
Գլխավոր դատախազը Նիդերլանդների դեսպանի հետ քննարկել է համագործակցության հեռանկարներըԳլխավոր դատախազ Աննա Վարդապետյանն այսօր ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպան Մարիկե Հարիետ Մոնրոյ-Վինթերին: Աննա Վարդապետյանը ողջունել է դեսպանին Հայաստանի Հանրապետության գլխավոր դատախազությունում և բարձր գնահատել Դեսպանության աջակցությամբ իրականացված վերապատրաստման դասընթացների արդյունավետությունը: Հիշեցնենք, որ Գլխավոր դատախազությունը, Հայաստանում Նիդերլանդների Թագավորության դեսպանության աջակցությամբ, 2024 թվականի նոյեմբերի 16-ին մեկնարկել էր Հայաստանի Հանրապետությունում գործող բոլոր […] ...
