17:31 08.06.2022
ԱԻՆ ՓԾ Սյունիքի մարզային փրկարարական վարչությունը «Անտառային հրդեհների հրդեհաշիջման աշխատանքների կազմակերպումը և իրականացումը» թեմայով հատուկ տակտիկական ուսումնավարժություն է անցկացրել։
Մասնակցել են ԱԻՆ փրկարար ծառայությունը, Սյունիքի մարզային փրկարարական վարչությունը, Կապանի և Քաջարանի հրշեջ-փրկարարական ջոկատները, Շիկահող բնակավայրի կամավորական ջոկատը, «Կապանի անտառտնտեսություն» ՊՈԱԿ-ը, շրջակա միջավայրի նախարարության «Զանգեզուր կենսոլորտային համալիր» ՊՈԱԿ-ը, «Կապանի ԲԿ» ՓԲԸ շտապօգնության ու Կապանի ՃՈ բրիգադները, «Զանգեզուրի պղնձամոլիբդենային կոմբինատ» ՓԲԸ, Սյունիքի մարզային Հայկական կարմիր խաչի մասնաճյուղի կամավորները։
Ուսումնավարժությանը ներգրավվել են 47 հրշեջ-փրկարար, 22 անտառտնտեսության աշխատակից, 5 կամավոր, 4 հրշեջ ավտոմեքենա, 12 հատուկ և օժանդակ տեխնիկա, 1 անօդաչու թռչող սարք և այլ գույք-սարքավորումներ:
Ըստ մտահղացման՝ Նորաշենիկ բնակավայրի վարչական տարածքում անտառի հյուսիս-արևմտյան հատվածում հրդեհ է բռնկվել: Մարման աշխատանքները սկզբնական փուլում կազմակերպվել է «ԶՊՄԿ» ՓԲԸ-ի աշխատակիցների ուժերով ու միջոցներով, սակայն չի հաջողվել մարել հրդեհը, որը քամու ուժգնության պայմաններում արագ տարածվել է: Այդ մասին ահազանգ է փոխանցվել Սյունիքի ՄՓՎ ՃԿԿ «911» ահազանգման կենտրոն:
Ղեկավար կազմի որոշման համաձայն ծավալվել է ղեկավարման շտաբ, որոշում է կայացվել հրդեհաշիջման աշխատանքներին ներգրավել նաև Շիկահողի կամավորական հրշեջ ջոկատին, «Զանգեզուր կենսոլորտային համալիր» ՊՈԱԿ-ին, ինչպես նաև անհրաժեշտության դեպքում Պաշտպանության նախարարության և ոստիկանության ստորաբաժանումներին:
Անտառի անվտանգ տեղամասում ծավալվել է օպերատիվ շտաբ, որի կազմում ընդգրկվել են լիազոր և տեղական ինքնակառավարման մարմինների ներկայացուցիչներ: Նշանակվել են հրդեհաշիջման աշխատանքների տեղամասերի ղեկավարներ, նրանց ենթակայությանը տրամադրվել են ուժեր և միջոցներ: Իրականացվող գործողությունների ընդհանուր համակարգումն իրականացվել է Սյունիքի ՄՓՎ պետի կողմից:
Ուսումնավարժության նպատակն էր ամրապնդել և բարձրացնել հրշեջ-փրկարարական ջոկատների անձնակազմի, հրդեհաշիջման ղեկավարների գիտելիքները խոշոր անտառային հրդեհների հրդեհաշիջման, աշխատանքների կազմակերպման և իրականացման ժամանակ: Ինչպես նաև կատարելագործել գիտելիքները և փորձը՝ անտառային հրդեհների դեպքում հրդեհաշիջման աշխատանքների ղեկավարման ոլորտում, նաև արձագանքող ուժերի և այլ ծառայությունների միջև փոխգործակցության կազմակերպման և գործողությունների ներդաշնակեցման առումով:
Վարժանքին հետևել են ՓԾ տնօրեն Արմեն Գասպարյանը, տնօրենի տեղակալներ Տիգրան Պետրոսյանը և Կարապետ Մանուկյանը, «Կապանի անտառտնտեսություն» ՊՈԱԿ-ի տնօրեն Սասուն Մանուկյանը, «Զանգեզուր կենսոլորտային համալիր» ՊՈԱԿ-ի տնօրեն Արման Մկրտչյանը, «ԶՊՄԿ» ՓԲԸ անվտանգության պետ Արթուր Աղայանը, ԱԻՆ ՓԾ տարբեր ստորաբաժանումների և մարզային փրկարարական վարչությունների ղեկավարներն ու աշխատակիցները:
Հատուկ տակտիկական ուսումնավարժության մասնակիցները լիարժեք կատարել են իրենց առջև դրված խնդիրը:
16:16 21.06.2025
Նարեկ Մկրտչյանը Միխեիլ Սարջվելաձեի հետ քննարկել է աշխատանքի և սոցիալական պաշտպանության ոլորտում փոխադարձ հետաքրքրություն ներկայացնող հարցերՀՀ աշխատանքի և սոցիալական հարցերի նախարար Նարեկ Մկրտչյանը Երևանում հանդիպում է ունեցել Վրաստանի Հանրապետության օկուպացված տարածքներից ներքին տեղահանված անձանց, աշխատանքի, առողջապահության և սոցիալական հարցերի նախարար Միխեիլ Սարջվելաձեի հետ։ Վրաստանի նախարարը Հայաստան էր ժամանել՝ մասնակցելու Աշխատանքի և սոցիալական հարցերի նախարարության կողմից անցկացվող Սոցիալական արդարության միջազգային ամենամյա 3-րդ համաժողովին։ Հանդիպման ընթացքում նախարարները քննարկել են աշխատանքի և սոցիալական […] ...
16:00 21.06.2025
«Ֆլամենգոն» հաղթել է «Չելսիին» և ապահովել տեղը փլեյ-օֆֆումԲրազիլական «Ֆլամենգոն» ԱՄՆ-ում ընթացող աշխարհի ակումբային առաջնությունում երկրորդ հաղթանակն է տարել և առաջին թիմն է մրցաշարում, որն ապահովել է տեղը փլեյ-օֆֆում: Ֆիլիպե Լուիսի գլխավորած թիմը D խմբի երկրորդ տուրում 3-1 հաշվով կամային հաղթանակի է հասել Լոնդոնի «Չելսիի» հետ պայքարում: Անգլիական թիմը 68-րդ րոպեից խաղում էր 10 ֆուտբոլիստով. կոպիտ խախտման համար կարմիր քարտ էր ստացել սենեգալցի […] ...
15:45 21.06.2025
Ինչպե՞ս կազդի Իրան-Իսրայել հակամարտությունը Հայաստանի վրա. Հեռանկար բանավեճ«Առյուծների ազգ» ու «Ճշմարիտ պատասխան»: Այս անունները կրող Իսրայելի ու Իրանի ռազմական օպերացիաները ուղղակի ազդում են նաև Հայաստանի վրա: Ի՞նչ զարգացումների կարող ենք սպասել: Ճի՞շտ է արդյոք պահպանել ընդգծված չեզոքություն, թե՞ հարևանին աջակություն է պետք ցուցաբերել: Կարո՞ղ է արդյոք Ադրբեջանը օգտվել իրավիճակից Սյունիքում ինտերվենցիայի համար: Այս թեմայով իրենց կարծիքն են հայտնել իրանագետներ Արմեն Պետրոսյանը և […] ...
15:30 21.06.2025
Երևանում բախվել են «Mercedes»-ը, «Opel»-ն ու «Subaru»-ն. կա տուժածԱյսօր՝ հունիսի 21-ին, ավտովթար է տեղի ունեցել Երևանում: Ժամը 10:40-ի սահմաններում Շիրակի փողոցում՝ ձիարշավարանի հարևանությամբ, բախվել են «Mercedes», «Subaru» և «Opel» մակնիշի ավտոմեքենաները: Բախման հետևանքով «Subaru»-ն դուրս է եկել երթևեկելի գոտուց և հայտնվել կանաչ գազոնում: Ինչպես հայտնում է shamshyan.com-ը, վթարի հետևանքով 1 հոգի մարմնական վնասվածքներով տեղափոխվել է «Էրեբունի» բժշկական կենտրոն: Վթարի փաստով քննչական բաժնում նախաձեռնվել […] ...
15:14 21.06.2025
Խոակին Կապառոսն ընտրվել է «Սևիլիայի» պատվավոր նախագահՀայաստանի հավաքականի նախկին գլխավոր մարզիչ Խոակին Կապառոսն ընտրվել է իսպանական «Սևիլիայի» առաջին պատվավոր նախագահ։ Այս մասին հայտնում է ակումբի մամուլի ծառայությունը: Անվանի մասնագետը կատարելու է «Սևիլիայի» դեսպանի պարտականությունները, ինչպես նաև ներկայացնելու է ակումբը տարբեր միջոցառումների ժամանակ: Կապառոսն անդալուզյան ակումբին միացել էր 2000 թվականին, իսկ 2005-ին հեռացել էր: Դրանից 13 տարի անց նա կրկին վերադարձել էր, […] ...
