ՌԴ Արդյունաբերության և առևտրի նախարարը՝ ավանդական ծխախոտի ու առանց այրման այլընտրանքների մասին

ՌԴ Արդյունաբերության և առևտրի նախարար Դենիս Մանտուրովը «Վեդոմոստի» լրատվամիջոցին պատմել է, թե ինչպես պետությունը կարող է օգնել ավտոարդյունաբերությանը և մանրածախ առևտրին, խոստացել է նոր լիմուզին նախագահի երդմնակալման արարողության համար և կոչ արել հրաժարվել ծխելու ավանդական միջոցներից:

-Առևտրի և արդյունաբերության նախարարությունը հետևողականորեն իրականացնում է մակնշման ներդրման գործընթաց. սկզբում մուշտակներն էին, հետո՝ դեղորայքը, հերթի մեջ են կոշկեղենն ու ծխախոտը՝ չնայած խնդիր է Մաքսային միության տարածքում ծխախոտի շուկայում կեղծ ապրանքների գոյությունը, անդամ-երկրներում ակցիզային ոչ միասնական քաղաքականությունը:

 – Ինչ-որ բանից պետք է սկսել շուկայի կարգավորումը: Կեղծ ապրանքաշրջանառության դեմ պայքարի նպատակով իրենք՝ արտադրողներն ու ծխախոտային բնագավառի ներմուծողներն արդեն առաջարկել են մակնշում իրականացնել: Արդեն որոշված է, որ դա կարող է լինել  DataMatrix-ը: Տեսնենք, թե ինչպես կանցնի պիլոտային ծրագիրը և ինչ արդյունք կտա: Փաստ չէ, որ դա լավագույն որոշումն է, քանի որ, եթե խոսում ենք RFID չափանիշով մակնշման մասին, այն արժե 3,5 ռուբլի: Բայց գոնե այն հայրենական միկրոէլեկտրոնիկան զարգացնելու հնարավորություն է տալիս: Դա տարածված համաշխարհային պրակտիկա է. ցանկանում ես զարգացնել միկրոէլեկտրոնիկան, նպատակային պատվերի ձևավորման հաշվին առավելագույն չափով գործածի՛ր այդ արտադրանքը:

 _ Գլխավորն այստեղ այն է, որ ծխախոտը եռակի չթանկանա:

 – Կարծում եմ, Առողջապահության նախարարությունը դրանից միայն կուրախանա:

 -Բայց ծխողների համար վատ կլինի

– Նրանք պետք է անցնեն նիկոտինի էլեկտրոնային տարբերակին, տաբակի տաքացման էլեկտրոնային համակարգերին. (ժպտում է):

 -Ինչպե՞ս է արդյունաբերության նախարարությունը պատրաստվում կարգավորել էլեկտրոնային ծխախոտի և տաբակի տաքացման համակարգերի շուկան:

 – Մենք նախաձեռնություն ենք ցուցաբերել առանձին կատեգորիայի մեջ մտցնել այդ միջոցները, քանի որ դրանք տրամագծորեն տարբերվում են սովորական ծխախոտից: Էլեկտրոնային սարքերում ծխախոտի այրումը և ծխեցումը բացակայում են, հետևաբար այրման արդյունքը, մասնավորապես խեժը, օրգանիզմ չի ներթափանցում: Իսկ այրումը հենց ամենավտանգավորն է, ես կասեի նույնիսկ մահացու բաղրադրիչը ավանդական ծխախոտում: Էլեկտրոնային միջոցները առավել անվտանգ են. Շատ փորձագետներ, այդ թվում՝ արևմտյան, նույնիսկ  թվեր են նշում: Նիկոտինի մատակարարման էլեկտրոնային միջոցները 95 տոկոսով քիչ վնասակար են, քան սովորական ծխախոտները: Թվերի հետ կարելի է վիճել, բայց փաստը, որ վնասն ավելի քիչ է, ինչպես ասում են, ակնհայտ է: Ուստի միատեսակ կարգավորել ծխախոտային ավանադական արտադրանքը և էլեկտրոնային միջոցները ընդհանրապես ճիշտ չէ: Մենք առաջարկում ենք հատուկ օրենքով ամրագրել այդ միջոցների շրջանառության առավել ակնհայտ սահմանափակումները. օրինակ՝ արգելել վաճառքը անչափահասներին, դպրոցներում, ծխելը մանկապարտեզներում և նմանատիպ այլ վայրերում: Բացի դրանից, վարչական պատասխանատվություն սահմանել այս սահմանափակումների խախտման համար: Մենք նաև կարծում ենք, որ այդ արտադրանքը պետք է մակնշվի, բայց ակցիզի չափը պետք է առավել փոքր լինի, քան ծխախոտային սովորական արտադրանքի դեպքում է: Ի դեպ, հիմա հենց այդպես է:

–Որքա՞ն փոքր:

– Դա հարց է Ֆինանսների նախարարությանը: Բայց ես ևս մեկ անգամ ընդգծում եմ` այդ արտադրանքի օգտագործումը ավելի քիչ վնասակար է: Ուստի` ակցիզային քաղաքականությունը պետք է խթանի ծխողների անցումը սովորականից այսպիսի միջոցների, այլ ոչ թե հակառակը:

Նախարարի հետ հարցազրույցի բնագրին ամբողջությամբ կարող եք ծանոթանալ այստեղ: