19:59 14.06.2022
Հունիսի 14-ին աշխարհը նշում է Արյան դոնորի օրը։ Այս օրը Դոնորի համաշխարհային օրն անցկացնելու նախաձեռնողները չորս միջազգային կազմակերպություններ են, որոնք խրախուսում են արյան կամավոր և անվճար հանձնումը։ Իսկ դոնորի արյունը կարող է կյանքեր նվիրել։ Արյան դոնորի համաշխարհային օրվա առիթով Հայաստանում անցկացվել է արյունատվության արշավ, որին միացել է Գյումրիի արյան փոխներարկման կայանը։ Պահեստավորվող արյան խմբերը առաջին ու կարևոր օգնությունն են մարզի առողջապահական հաստատությունների համար, իսկ արյան պաշարները՝ բոլոր խմբերի, միշտ համալրման անհրաժեշտություն ունեն։
Դոնորի միջազգային օրվա առիթով ամեն տարի անցկացվող ակցիաները շեշտադրվում են կարգախոսի շուրջ։ «Արյան դոնորությունը համերաշխության քայլ է․ դարձեք դոնոր և փրկեք կյանքեր»․ այն այս տարվա արշավի ընտրված կարգախոսն է։ Արյան բոլոր խմբերի բավարար պաշար պարտադիր ունի կայանը, դոնորական արյան քանակի պահեստավորումն անընդհատ գործընթաց է։
«Ամեն դեպքում կայանը պետք է իր մինիմալ պաշարն ունենա, որովհետև մենք ապահովագրված չենք դժբախտ պատահարներից, հիվանդություններից ու վիրահատություններից։ Այսինքն՝ միայն աղետների և պատերազմների ժամանակ չէ, որ արյուն է պետք ունենալ, նաև խաղաղ պայմաններում կան բազմաթիվ հիվանդություններ, որոնք բերում են սակավարյունության»,- նշում է Գյումրիի արյան փոխներարկման կայանի տնօրենի ԺՊ Արկադի Անդրեասյանը։
Գյումրիում դոնորական արյուն հանձնողների թիվը, նախորդ տարիների համեմատ, զգալի պակասել է։ 2021 թվականին արյուն է հանձնել 700 մարդ, որոնցից միայն 88-ն են եղել վճարովի հիմունքներով։ Ակտիվության պակասը նկատելի էր նաև այսօր, արյունատվության ակցիային արձագանքողները բավական քիչ էին։
«Ակտիվություն չկա, սպասվածից շատ քիչ էին այսօրվա մեր այցելուները։ Ընդամենը 10 հոգի եկան, որից 4-5 հոգին էին պիտանի արյուն հանձնելու, մեծ մասն ունեին հակացուցումներ, նրանցից չենք վերցրել արյուն առողջական տարբեր խնդիրների պատճառով»,- նշել է Գյումրիի արյան փոխներարկման կայանի բժիշկ-լաբորանտ Բելլա Խաչատրյանը։
Հիմնականում դժվար համալրվող է ռեզուս բացասական արյան պաշարը։ Այս պահին կայանն ունի դրական երկրորդ խմբի արյան մեծ կարիք։ Սա բացատրվում է նրանով, որ վերջին մեկ ամսում այս խմբի արյան կարիքն է շատ զգացվել մարզի բուժհաստատություններում։
Կամավոր դոնորներից բացի, այստեղ արյան հիմնական պաշարն ապահովողը վճարովի հիմունքներով դոնորներն են։ Վերջին շրջանում նրանց թիվը ևս պակասել է։ Այսօրվա սակավաթիվ դոնորների մեծ մասը հանձնեցին 3-րդ դրական խմբի արյուն, ու դարձյալ կայանը սպասում է անհրաժեշտ խմբի արյան պաշարների լրացմանը։ Արյան բանկն ամեն օր պատրաստ է ընդունել կամավոր արյուն հանձնողների, որոնք կյանքեր կնվիրեն մարդկանց։
15:40 30.04.2025
Պետք է հրաշք գործենք Փարիզում․ Արտետա«Արսենալի» գլխավոր մարզիչ Միկել Արտետան ամփոփել է Չեմպիոնների լիգայի կիսաեզրափակչում ՊՍԺ-ի հետ դիմակայության առաջին խաղը, հաղորդում է Ֆաբրիցիո Ռոմանոն: «Այս խաղում որոշիչ դարձան դետալները: Գոլը չարձանագրվեց միլիմետրանոց խաղից դուրս վիճակի պատճառով, Մարտինելին մեն-մենակ հայտնվեց ու չգրավեց դարպասը, Լեանդրո Տրոսարը նույն իրավիճակում նույնպես վրիպեց: Կիսաեզրափակչում այսպիսի պահերը ճակատագրական են: Եզրափակիչ դուրս գալու համար հարկավոր է հրաշք […] ...
15:36 30.04.2025
Նախկինում օտարված՝ Դիլիջանի մանկապարտեզը վերադարձվել է համայնքինՏավուշի մարզի դատախազությունը պետական շահերի պաշտպանության լիազորության շրջանակում պարզել էր, որ Դիլիջան համայնքի ավագանու՝ 2006 թվականի որոշմամբ Դիլիջան համայնքի ղեկավարին թույլատրվել է Շահումյան փողոցի 34 հասցեում գտնվող 891 քառակուսի մետր մակերեսով մանկապարտեզի շենքն անհատույց օգտագործման իրավունքով տրամադրել մի կազմակերպության, որը կապվում է նախկինում նախարարի կարգավիճակ ունեցող անձին փոխկապակցված մեկ այլ անձի հետ: Նիկոլ Փաշինյանը Կառավարության […] ...
15:31 30.04.2025
Նոր Նորքի թաղապետարանում տեղի ունեցած միջադեպի առնչությամբ ձերբակալվել է 6 անձՆոր Նորք վարչական շրջանի թաղապետարանում տեղի ունեցած միջադեպի առնչությամբ ձերբակալվել է 6 անձ: «Արմենպրես»-ին այս մասին հայտնեցին ՀՀ ներքին գործերի նախարարությունից՝ մանրամասնելով, որ կազմվում են համապատասխան փաստաթղթեր նախաքննական մարմին փոխանցելու համար: Ավելի վաղ հայտնել էինք, որ Նոր Նորք վարչական շրջանի թաղապետարանում ծեծկռտուք է տեղի ունեցել թաղապետարանի աշխատակիցների և ակտիվիստ Արթուր Չախոյանի միջև։ Սոցիալական ցանցերում տարածված […] ...
15:25 30.04.2025
Կկառուցվի շուրջ 27,1 կմ երկարությամբ ճանապարհ, որը հնարավորություն կտա կրճատել Սիսիան-Քաջարան ճանապարհային հատվածի երկարությունըԿառավարությունը հավանություն է տվել 2025 թ. մարտի 18-ին ստորագրված «Հայաստանի Հանրապետության և Ասիական զարգացման բանկի միջև դիմակայուն և ներառական ճանապարհային հատվածի բարելավման ծրագրի համար Ասիական զարգացման բանկի միջոցներից վարկի տրամադրման մասին» համաձայնագիրը վավերացնելու մասին» ՀՀ օրենքի նախագծին: Ինչպես նշել է Տարածքային կառավարման և ենթակառուցվածքների նախարար Դավիթ Խուդաթյանը, ՀՀ-ի համար առաջնահերթություն համարվող Հյուսիս-հարավ ճանապարհային միջանցքի 4-րդ […] ...
15:20 30.04.2025
Պատասխան խաղում կզգանք արդեն մեր երկրպագուների աջակցությունը․ ԷնրիկեՊՍԺ-ի գլխավոր մարզիչ Լուիս Էնրիկեն մեկնաբանել է ՉԼ կիսաեզրափակչում «Արսենալի» հետ առաջին խաղը: «Ինձ համար հաճելի է տեսնել, թե ինչպես է իմ թիմը ցույց տալիս այն աշխատանքը, որ կատարում ենք ամեն օր: Սա էմոցիոնալ հանդիպում էր, քանի որ բարդ էր խաղալ նման մթնոլորտում: Գոլը մեզ մեծ վստահություն հաղորդեց: Պատասխան խաղում կզգանք արդեն մեր երկրպագուների աջակցությունը: […] ...
15:15 30.04.2025
Կապահովվեն Օմանի Սուլթանությունում ՀՀ դեսպանության պահպանման ծախսերըԿառավարությունը չզեկուցվող հարցերի փաթեթով ընդունել է որոշում, որով կապահովվի Օմանի Սուլթանությունում ՀՀ դեսպանության, նստավայրը՝ Մասկատ, պահպանման ծախսերը: Գումարից հիմնական մասը կհատկացվի ԱԳՆ բյուջեից, իսկ մնացածը՝ Կառավարության պահուստային ֆոնդից։ Օմանի Սուլթանությունում Հայաստանի Հանրապետության դեսպանության բացումը կնպաստի Հայաստանի և Օմանի միջև առկա ջերմ քաղաքական երկխոսության, առևտրատնտեսական կապերի ամրապնդմանը, զբոսաշրջային հոսքերի, փոխադարձ առևտրաշրջանառության, այդ թվում՝ տարանցիկ ավելացմանը: Այն […] ...
