18:52 15.06.2022
Գյումրիի արվեստների ակադեմիայի բակը կփոխի իր նշանակությունը և կվերածվի բացօթյա արվեստային կանաչ միջավայրի։ Նախագծի հեղինակը Հայաստանի գեղարվեստի պետական ակադեմիայի Գյումրիի մասնաճյուղն է։ Բացօթյա մշակութային այգու բարեկարգումն ու կառուցումը բուհի ուսանողների և աշխատակազմի համատեղ ուժերով սկսել են անցած տարվանից։ 1600 քառակուսի մետր տարածքը մաքրել են աղբից, ստեղծել կանաչ գոտիներ, որը կվերածվի մշակույթի ու արվեստի բացօթյա հարթակի։ Ավելի շուտ սկսել նախագիծը խանգարում էին տարածքում տեղադրված տնակներն ու տարիներով կուտակված շինարարական, կենցաղային աղբը։ Տնակները 2020-ին են ապամոնտաժվել, իսկ տարածքը մաքրել են իրենց ուժերով։
«Երբ որ բարեկարգում ես, քեզ լավ ես զգում, որովհետև հաճելի է վերանորոգված, մաքուր ու գեղեցիկ տարածք տեսնելը։ Քանի որ այստեղ երբեմն բացօթյա դասընթացներ ենք անցկացնում, ավելի հաճելի կլինի բարեկարգված բակում աշխատելը»,- նշում է Գեղարվեստի պետական ակադեմիայի Գյումրիի մասնաճյուղի փոխտնօրեն Կառլեն Հարթենյանը։
Արվեստային տարածքի որոշ հատվածներ կլինեն սալիկապատ, կունենան ճեմուղիներ։ Գեղարվեստի ակադեմիայի նախաձեռնությունը ուսանողներով ու դասախոսներով իրականացնում են բուհի շրջանակներում կազմակերպված հանգանակությունների շնորհիվ, արվեստաց գեղեցիկ անկյուն ստեղծելու նախաձեռնությանը միացել են նաև բարեգործներ։ Բոլորի ջանքերն ուղղված են Գյումրիում դեռևս նմանը չունեցող մի վայր ստեղծելուն, որտեղ ամեն ինչ արվեստի մասին է խոսելու։
«Քաղաքում չունենք կանաչ հետաքրքիր տարածքներ, որտեղ կարող են թե՛ բնակիչները, թե՛ ուսանողները գալ երաժշտություն լսել, թատերական ներկայացումներ նայել, կինոդիտումներ անել։ Եվ, քանի որ այգին գտնվում է քաղաքի կենտրոնում, նաև բաց է լինելու քաղաքի բնակիչների համար, այստեղ հնարավոր կլինի տարբեր միջոցառումներ անցկացնել»,- ասում է Գեղարվեստի պետական ակադեմիայի Գյումրիի մասնաճյուղի տնօրեն Վահագն Ղուկասյանը։
Բակում արդեն տեղադրվել քանդակագործության նմուշներ, որոնք բուհի տարբեր բաժինների ուսանողների ստեղծագործություններն են։ Քանդակներն ուսումնական տարվա ընթացքում կատարված պրակտիկ աշխատանքներն են։ Բակի բարեկարգումից հետո դրանց թիվը կավելանա։ Ստեղծագործական միջավայրին բնորոշ տարրերն այգու անբաժան մասնիկն են դառնալու։ Նախշազարդ այս խաչքարը ուսանողները կնվիրեն արվեստային բակին։
Ուսանողական կանաչ այգին միայն արվեստների ակադեմիայինը չէ, այն լինելու է բոլորինը։ Իր լանդշաֆտային լուծումներով, կանաչ դիզայնով ու միջավայրով կարող է հանգստի վայր դառնալ քաղաքի բնակիչների ու հյուրերի համար։
Մինչև տարեվերջ բոլոր աշխատանքները կավարտվեն, առայժմ ընթացքին խանգարողը տարածքում եղած էլեկտրական ենթակայանն է, որի տեղափոխման համար էլցանցի հետ են աշխատանք տանելու։ Բայց ամեն դեպքում դա չի խանգարի, որ մոտ 1600 քառակուսի մետր տարածքում երկու օրից անցկացվի առաջին բացօթյա կինոդիտումը։
16:14 16.06.2025
Մահվան ելքով վրաերթ Երևան-Երասխ ավտոճանապարհինՀունիսի 13-ին՝ ժամը 09:15-ի սահմաններում, Երևան-Երասխ ավտոճանապարհի 10-րդ կմ-ին «Ֆորդ» մակնիշի ավտոմեքենայի վարորդը վրաերթի է ենթարկել 40-ամյա Մարգարիտ Հ․-ին, որը տեղում մահացել է։ Կատարվում է նախաքննություն։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: ...
16:08 16.06.2025
Ավշար բնակավայրում հողամասի և նախկին կոլտնտեսության շենքի նկատմամբ վերականգնվել է համայնքի սեփականության իրավունքը. վարչապետԱրարատի մարզի Արարատ համայնքի Ավշար բնակավայրի Հ. Շիրազի փողոցում գտնվող՝ 0,966 հա մակերեսով հողամասի և 416,6 քմ մակերեսով նախկին կոլտնտեսության շենքի նկատմամբ վերականգնվել է համայնքի սեփականության իրավունքը: Հողամասի՝ շուկայականին մոտարկված կադաստրային արժեքը՝ 21 միլիոն 622 հազար դրամ: Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը: ...
16:00 16.06.2025
Գլխավոր դատախազը Նիդերլանդների դեսպանի հետ քննարկել է համագործակցության հեռանկարներըԳլխավոր դատախազ Աննա Վարդապետյանն այսօր ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպան Մարիկե Հարիետ Մոնրոյ-Վինթերին: Աննա Վարդապետյանը ողջունել է դեսպանին Հայաստանի Հանրապետության գլխավոր դատախազությունում և բարձր գնահատել Դեսպանության աջակցությամբ իրականացված վերապատրաստման դասընթացների արդյունավետությունը: Հիշեցնենք, որ Գլխավոր դատախազությունը, Հայաստանում Նիդերլանդների Թագավորության դեսպանության աջակցությամբ, 2024 թվականի նոյեմբերի 16-ին մեկնարկել էր Հայաստանի Հանրապետությունում գործող բոլոր […] ...
15:50 16.06.2025
Փրկարար ծառայությունը ներկայացրել է ուժեղ քամու, հորդառատ անձրևի և կարկուտի հետևանքների վերաբերյալ ամփոփ տեղեկատվությունՀունիսի 14-15-ը ՆԳՆ Փրկարար ծառայությունում ստացվել են ահազանգեր՝ Երևանում, Շիրակի, Արագածոտնի, Լոռու և Տավուշի մարզերում ուժեղ քամու, հորդառատ անձրևի և կարկուտի հետևանքների վերաբերյալ: Փրկարար ծառայության ստորաբաժանումները՝ համագործակցելով ՆԳՆ ոստիկանության ծառայողների հետ, իրականացրել են իրավիճակից բխող անհրաժեշտ գործողություններ՝ տարածքների սահմանազատում, տանիքների, կառուցատարրերի ապամոնտաժում, անձրևատար խողովակների ամրացում, տապալված ծառերի մասնատում և հեռացում: Ուժեղ քամու հետևանքով հունիսի 14-ից […] ...
15:40 16.06.2025
Դուշանբեում տեղի է ունեցել ԱՊՀ անդամ պետությունների ԱԳՆ-ների իրավաբանական ծառայությունների ղեկավարների խորհրդակցական կոմիտեի 38-րդ նիստըՀունիսի 11-ին Դուշանբեում Տաջիկստանի Հանրապետության նախագահությամբ տեղի է ունեցել ԱՊՀ անդամ պետությունների արտաքին գործերի նախարարությունների իրավաբանական ծառայությունների ղեկավարների խորհրդակցական կոմիտեի 38-րդ նիստը, որին մասնակցել են Հայաստանի Հանրապետության, Բելառուսի Հանրապետության, Ղազախստանի Հանրապետության, Ղրղզստանի Հանրապետության, Տաջիկստանի Հանրապետության, Ուզբեկստանի Հանրապետության, Ռուսաստանի Դաշնության ԱԳՆ պատվիրակությունները և ԱՊՀ գործադիր կոմիտեի ներկայացուցիչները: Հայկական կողմը ներկայացնում էր ՀՀ ԱԳ նախարարության միջազգային պայմանագրերի […] ...
15:30 16.06.2025
Պուտինը հեռախոսազրույց է ունեցել Էրդողանի հետՌուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսազրույց են ունեցել, որի ընթացքում քննարկել են Իսրայելի և Իրանի միջև հակամարտությունը, հայտնում է Թուրքիայի ղեկավարի գրասենյակը։ «Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ։ Զրույցի ընթացքում քննարկվել են Իսրայելի և Իրանի միջև հակամարտությունը, երկկողմ հարաբերությունները և տարածաշրջանային հարցեր», – […] ...
