18:18 17.06.2022
Դատական համակարգի նկատմամբ հանրային վստահության բարձրացման միջոցառումների շրջանակում ՀՀ արդարադատության նախարարի տեղակալ Գրիգոր Մինասյանը ներկա է գտնվել Շվեդիայի ազգային դատարանների (SNCA) ադմինիստրացիայի հետ համագործակցության ծրագրի մեկնարկի միջոցառմանը, որին ներկա էին նաև ՀՀ-ում Շվեդիայի Թագավորության արտակարգ և լիազոր դեսպան Պատրիկ Սվենսոնը, Բարձրագույն դատական խորհրդի նախագահի պաշտոնակատար Գագիկ Ջհանգիրյանը, Արդարադատության ակադեմիայի ռեկտոր Սերգեյ Առաքելյանը և այլ պաշտոնատար անձինք:
Ծրագրի հիմնական նպատակն է աջակցել Հայաստանի դատավորներին՝ դատական համակարգի նկատմամբ նոր ակնկալիքներին համապատասխանելու և դատական համակարգի նկատմամբ հանրային վստահությունն ամրապնդելու գործընթացներում:
Ծրագիրը ֆինանսավորվելու է Շվեդիայի կառավարության կողմից և բաղկացած է լինելու երկու փուլից, որոնցից յուրաքանչյուրը կտևի մոտ 2 տարի:
Ծրագրի հիմնական ուղղություններն են՝ դատավորների շրջանում էթիկայի, կոռուպցիայի դեմ պայքարի և բարեվարքության վերաբերյալ իրազեկվածության բարձրացումը, դատավարության կողմերի և այլոց հետ դատավորների հաղորդակցության կարողությունների զարգացումը, ԶԼՄ-ների հետ հաղորդակցության համար դատավորների կարողությունների զարգացումն, ինչպես նաև ԶԼՄ-ների հետ դատավորների հաղորդակցության վերաբերյալ իրավական շրջանակի բարելավումը:
Հաշվի առնելով Հայաստանի դատարանների գործունեության մեթոդները բարեփոխելու համակարգային մոտեցման անհրաժեշտությունը` Ծրագիրը համագործակցում է երկու պիլոտային դատարանների հետ /Վանաձորի ընդհանուր իրավասության առաջին ատյանի դատարան, Երևանի ընդհանուր իրավասության առաջին ատյանի դատարանի Էրեբունու նստավայր/՝ ներկայիս իրավիճակի խոր ուսումնասիրության և կոնկրետ ոլորտների զարգացման վերաբերյալ բաց քննարկումների համար:
Իր ելույթի շրջանակում, արդարադատության փոխնախարար Գրիգոր Մինասյանն ընդգծել է, որ ծրագրի հետապնդած նպատակները համընկնում են ՀՀ ԱՆ գործունեության ռազմավարական նպատակներին, որոնք ամրագրված են ինչպես Դատաիրավական, այնպես էլ Հակակոռուպցիոն ռազմավարություններում:
Փոխնախարարը նշել է, որ Շվեդիայի դատարանները վերջին տասնամյակներում անցել են դատական իշխանության նկատմամբ հանրային վստահության բարձրացմանն ուղղված մի շարք բարեփոխումների շղթայով: Այս բարեփոխումներն իրենց մեջ ներառել են դատավորների կարողությունների զարգացում ԶԼՄ-ների հետ պրոակտիվ հաղորդակցության համար, դատավորների կողմից ընկալելի որոշումների և վճիռների կայացում, կողմերի հետ դատավորների հաղորդակցության բարելավում:
Ըստ այդմ՝ Գրիգոր Մինասյանը հույս է հայտնել, որ ծրագիրը հարթակ կհանդիսանա լավագույն փորձի փոխանակման համար և կտա իր շոշափելի արդյունքը:
23:59 21.06.2025
Երևանում առաջին անգամ անցկացվեց Les Mills Experience միջոցառումը՝ լեգենդար մարզիչ Մարլոն Վուդսի մասնակցությամբԵրևանում առաջին անգամ անցկացվեց Les Mills Experience միջոցառումը՝ լեգենդար մարզիչ Մարլոն Վուդսի մասնակցությամբ։ Այս մասին հայտնել են Երևանի քաղաքապետարանից: Բացօթյա մարզումներ, երաժշտություն և անսահման էներգիա՝ հենց Երևանի սրտում։ Երևանի քաղաքապետարանը մեծապես կարևորում է առողջ ապրելակերպը խթանող նման միջոցառումները, որոնք քաղաքը դարձնում են ակտիվ ու շարժուն։ ...
23:53 21.06.2025
Tasnim. Իրանի ՀՕՊ համակարգերը Բանդար Աբասի տարածքում իսրայելական ԱԹՍ-ներ են խոցելԻրանի ՀՕՊ ուժերը որսացել են իսրայելական անօդաչու թռչող սարքեր Հորմոզգան նահանգի հարավային հատվածում գտնվող Բանդար Աբբաս և Բանդար Լենգե քաղաքների երկնքում, հաղորդում է Tasnim լրատվական գործակալությունը։ Հարձակման հետևանքով զոհերի կամ նյութական վնասների մասին տեղեկություններ չկան։ Իր հերթին, իսրայելական կողմը պնդում է, որ հարվածել է Իրանի հարավ-արևմուտքում գտնվող Բանդար Աբաս շրջանի ԱԹՍ-ների և զինամթերքի պահեստներին։ ...
23:42 21.06.2025
«Nissan»-ը Հրազդանի կիրճում վրաերթի է ենթարկել 3 անչափահաս երեխաների. շնորհիվ շտապօգնության և «Սուրբ Աստվածամայր» բժշկական կենտրոնի բժիշկների՝ երեխաների կյանքը հնարավոր է եղել փրկելՀունիսի 21-ին, վրաերթ է տեղի ունեցել Երևանում: Ժամը 16:30-ի սահմաններում «Nissan» մակնիշի ավտոմեքենան Հրազդանի կիրճում վրաերթի է ենթարկել 3 անչափահաս հետիոտնի: Ինչպես դեպքի վայրից հայտնում է shamshyan.com-ը, վարորդը փախուստի չի դիմել, ահազանգել է շտապօգնություն, օպերատիվորեն ժամանած Երևանի 1-03 շտապօգնության բժիշկների հերթապահ խումբը երեխաներին նախ տեղում առաջին բուժօգնությունն են ցուցաբերել, ապա տեղափոխել «Սուրբ Աստվածամայր» բժշկական կենտրոն, […] ...
23:35 21.06.2025
Հարավային ակումբները մեծ առավելություն ունեն ԱԱԱ-ում․ ԿովաչԴորտմունդի «Բորուսիայի» գլխավոր մարզիչ Նիկո Կովաչը կարծում է, որ հարավային ակումբները մեծ առավելություն ունեն աշխարհի ակումբային առաջնությունում, հայտնում է RMC Sport-ը։ «Արդեն նկատելի է, որ հարավային ակումբները մեծ առավելություն ունեն աշխարհի ակումբային առաջնությունում։ Ստադիոնում հավաքված երկրպագուների համար սարսափելի շոգ է և կարող եք պատկերացնել, թե որքան բարդ է նաև խաղացողների համար։ Ստվերի տակ արևի ջերմաստիճանը […] ...
23:25 21.06.2025
Արարատի մարզում բախվել են «Opel Astra»-ները, որոնցից մեկը վրաերթի է ենթարկել հետիոտնին․ վերջինը տեղափոխվել է հիվանդանոցՀունիսի 21-ին, ավտովթար-վրաերթ է տեղի ունեցել Արարատի մարզում։ Ժամը 14։10-ի սահմաններում Երևան-Երասխ ավտոճանապարհի սկզբնամասում՝ «Կոնտինենտալ» ռեստորանային համալիրի դիմաց, բախվել են Արարատի մարզի բնակիչ 30-ամյա Գևորգ Ս․-ի վարած «Opel Astra» մակնիշի և Երևանի բնակիչ 32-ամյա Ռոբերտ Ա․-ի վարած «Opel Astra» մակնիշի ավտոմեքենաները, ինչի հետևանքով ավտոմեքենաներից մեկը վրաերթի է ենթարկել հետիոտն, Արագածոտնի մարզի բնակիչ 71-ամյա Ջեմմա Ա․-ին։ […] ...
23:19 21.06.2025
Ի՞նչ ճանապարհ է անցել «Շանթ» ՀԸ-ն․ պատմում է Վարդգես Ավետիսյանը«Շանթ» հեռուստաընկերությունն այսօր դարձավ 31 տարեկան: Նախորդ ողջ տարին հոբելյանական էր և այսօր մենք ամփոփում ենք այն Վարդգես Ավետիսյանի հետ: Մարդ, ով առաջինն էր, որ Գյումրիի հեռուստաաշտարակի մոտից հայտարարեց «Շանթի» աշխատանքի մեկնարկի մասին: «Հեռանկար»-ի տաղավարում նա հետաքրքիր դրվագներ է ներկայացրել «Շանթ»-ի անցած ուղուց: Հարցազրույցն ամբողջությամբ՝ տեսանյութում։ ...
