19:13 22.06.2022
Մեկ տարի առաջ սուբվենցիոն ծրագրով և ընդհանուրը՝ մոտ մեկ միլիարդ դրամ արժողության 63 նոր միկրոավտոբուսների մի մասն առաջիկա օրերին փորձնական դուրս կգա երթուղի։ Թե առաջինը որ երթուղով կշահագործվեն, առայժմ հստակ չէ, բայց Գյումրիի քաղաքապետն առաջարկում է այլևս չսպասել, որպեսզի բոլոր տեսակի խնդիրները լուծվեն։ Շիրակի մարզպետի մասնակցության Գյումրիի քաղաքապետարանում անցկացված աշխատանքային խորհրդակցության ընթացքում տրանսպորտային միջոցները մեկ տարի անց չշահագործելու պատճառներն են քննարկվել։ Տրանսպորտի բաժինը նշում է, որ տեխնիկական պատճառներ կան, որոնք կարգավորելու համար էլի ժամանակ է պետք։
«Նոր ավտոբուսները շահագործելու համար շատ կարևոր է լվացման պրոցեսը, որպեսզի տրանսպորտային միջոցներն ամեն առավոտ լվանալուց հետո դուրս գան երթուղի։ Առայժմ մենք չունենք հարմարեցված լվացման կետ, ինչն էլ խանգարում է մեր աշխատանքները սկսելուն»,- նշել է «Գյումրիի ավտոբուս» ՓԲԸ տնօրենի ԺՊ Գրիգոր Մաթևոսյանը։
Գյումրիի քաղաքապետն էլ բերած պատճառը չհամարեց լուրջ պատրվակ միկիրոավտոբուսները երթուղի դուրս բերելու համար։
«Դա չպետք է պատրվակ լինի, որ գործը դանդաղի, հիմա մենք ասում ենք՝ 2 օր հետո պայմանական դուրս եկեք երթուղի, կարելի է սկիզբը տալ, մինչև բոլոր հարցերը լուծվեն։ Իսկ մեքենաները լվանալու հարցը կարելի է մեկ այլ կերպ լուծել, մենք կոմունալ ծառայությունում ունենք սարքավորումներ, որոնք կարող են ամենօրյա գրաֆիկով լվանալ միկրոավտոբուսները»,- նշել է քաղաքապետ Վարդգես Սամսոնյանը։
Թե սկզբի համար քանի միկրոավտոբուս դուրս կգա երթուղի հստակ չէ։ Հստակ է, սակայն, կառավարության հաստատած կարգի համաձայն, մինչև ընթացիկ տարվա օգոստոս-սեպտեմբեր ամիսները Գյումրիի քաղաքապետարանի բոլոր թափուր հաստիքների համար մրցույթներ հայտարարելը։
Համայնքային լիազորությունների կատարման շրջանակում է համայնքային կառույցներում տնօրենների մրցույթների անցկացումը, որոնք վեց տարուց ավելի է՝ չեն իրականացվում, և համայնքային ծառայողների շուրջ մեկ երրորդը ժամանակավոր պաշտոն են զբաղեցնում։ Քաղաքապետարանի ենթակայությամբ գործող 58 ՀՈԱԿ-ներից 23-ում տնօրենները ժամանակավոր պաշտոնակատար են, իսկ 122 համայնքային ծառայողներից ժամանակավոր են 33-ը։
15:40 16.06.2025
Դուշանբեում տեղի է ունեցել ԱՊՀ անդամ պետությունների ԱԳՆ-ների իրավաբանական ծառայությունների ղեկավարների խորհրդակցական կոմիտեի 38-րդ նիստըՀունիսի 11-ին Դուշանբեում Տաջիկստանի Հանրապետության նախագահությամբ տեղի է ունեցել ԱՊՀ անդամ պետությունների արտաքին գործերի նախարարությունների իրավաբանական ծառայությունների ղեկավարների խորհրդակցական կոմիտեի 38-րդ նիստը, որին մասնակցել են Հայաստանի Հանրապետության, Բելառուսի Հանրապետության, Ղազախստանի Հանրապետության, Ղրղզստանի Հանրապետության, Տաջիկստանի Հանրապետության, Ուզբեկստանի Հանրապետության, Ռուսաստանի Դաշնության ԱԳՆ պատվիրակությունները և ԱՊՀ գործադիր կոմիտեի ներկայացուցիչները: Հայկական կողմը ներկայացնում էր ՀՀ ԱԳ նախարարության միջազգային պայմանագրերի […] ...
15:30 16.06.2025
Պուտինը հեռախոսազրույց է ունեցել Էրդողանի հետՌուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսազրույց են ունեցել, որի ընթացքում քննարկել են Իսրայելի և Իրանի միջև հակամարտությունը, հայտնում է Թուրքիայի ղեկավարի գրասենյակը։ «Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ։ Զրույցի ընթացքում քննարկվել են Իսրայելի և Իրանի միջև հակամարտությունը, երկկողմ հարաբերությունները և տարածաշրջանային հարցեր», – […] ...
15:21 16.06.2025
Հեռախոսազրույց են ունեցել Թուրքիայի և Իրանի նախագահներըԹուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Մասուդ Փեզեշքիանի հետ: Քննարկվել է Իսրայելի և Իրանի միջև հակամարտությունը, ինչպես նաև տարածաշրջանային և համաշխարհային խնդիրներ: Թուրքիայի նախագահը նշել է, որ Իսրայել-Իրան հակամարտության վերաբերյալ բանակցություններ է վարել մի շարք առաջնորդների հետ: Նա ընդգծել է, որ Թուրքիան պատրաստ է ստանձնել միջնորդի դեր՝ հակամարտությունն անհապաղ դադարեցնելու և […] ...
15:14 16.06.2025
ՀՀ պատվիրակությունը մասնակցում է Փարիզում բացված Միջազգային ավիատիեզերական ցուցահանդեսինՀՀ պատվիրակությունը մասնակցում է Փարիզի Լե Բուրժե օդանավակայանում բացված Միջազգային ավիատիեզերական 55-րդ ցուցահանդեսին։ Այս մասին հայտնում են Ֆրանսիայում ՀՀ դեսպանությունից: Ցուցահանդեսին մասնակցությունը հնարավորություն է ընձեռում բացահայտել ռազմավարական նշանակության այս կարևոր ուղղությամբ Հայաստան-Ֆրանսիա համագործակցության հետագա խորացման նոր հեռանկարներ։ ...
15:08 16.06.2025
Կանգառը վնասած վարորդին ու բեռնատարը Վեդիի ոստիկանները հայտնաբերել ենՀունիսի 4-ին Համայնքային ոստիկանության Վեդիի բաժին տեղեկություն էր ստացվել, որ հունիսի 3-ի լույս 4-ի գիշերը Տափերական գյուղի Արամ Խաչատրյան և Հ-8 կենտրոնական փողոցների հատման վայրում գտնվող գազալցակայանի հարակից տարածքում տեղադրված կանգառը դեռևս չպարզված վարորդի կողմից ավտոմեքենայով վնասվել է։ Նախնական տվյալներով՝ պատճառվել է 700 հազար դրամից ավելի վնաս։ Նախաձեռնվել էր քրեական վարույթ։ Համայնքային ոստիկանության Վեդիի բաժնի […] ...
