18:47 23.06.2022
Գյումրիում ջրահեռացման և ջրամատակարարման ցանցի նորացման ծրագրի երրորդ փուլի աշխատանքների ժամկետն ավարտվում է։ Գերմանական KFW բանկի միջոցներով իրականացվող ծրագրի երկու փուլերով 2010-2015 թվականներին Գյումրիի մի շարք թաղամասերում ցանցն ամբողջությամբ նորացվել է։ Երրորդ փուլի ծրագիրը, որն ուշացումով անցած տարի մեկնարկեց Անի թաղամասից, համարվում է առաջնահերթ, քանի որ ջրագծերի նորոգումով է պայմանավորված, թե երբ թաղամասում ՎԶԵԲ ծրագրով փողոցաշինությունը կմեկնարկի։
Ջրագծերի նորացման ծրագրի երրորդ փուլում է ընդգրկված նաև Շիրակացի փողոցը, որի շինարարությունը պետք է սկսվեր Անի թաղամասի հետ, այս տարվա մայիսին է մեկնարկել։ Ջրաշինարարը երկու թաղամասերի ջրամատակարարման ցանցի նորացման ավարտ է նշում մինչև հուլիսի 1-ը, որով կամբողջանա ծրագրի այս փուլը։ Շիրակացի փողոցում աշխատանքներ են տարվում մոտ մեկուկես կիլոմետր երկարության հատվածում, որտեղ միայն խմելու ջրի խողովակները չէ, որ փոխում են, կոյուղատար ցանցի համար ևս նոր խողովակներ են տեղադրվում՝ ավելի մեծ տրամաչափի ու երկարադիմացկուն, նախկինի համեմատ՝ ավելի խոր՝ մոտ 3,5 մետր խորության վրա։
Քաղաքի ջրամատակարարման համակարգի նորացման ծրագրի գրեթե բոլոր փուլերում ջրաշինարարները տարբեր թաղամասերում նույն խնդիրներին են բախվել։ Խրամուղիներ փորելիս խանգարում են տարածքում տեղադրված ժամանակավոր կացարանները, փլված կամ ապամոնտաժված շենքերից մնացած հիմքերը։
Անկանոն տեղադրված տնակներն էլ, որոնք հիմնականում բնակեցված չեն, խանգարում են հիմնական կոյուղատար խողովակները միացնել բնակելի շենքերի դիտահորերին։
«Շատ են այնպիսի դեպքերը, երբ հին փլված շենքի հիմքերի ենք հանդիպել։ Դրանք չնախատեսված բարդություններ են, որ դժվարացնում են մեր աշխատանքը։ Շիրակացի փողոցում, օրինակ, բացի շենքի հիմքերից, հանդիպել ենք նաև կոյուղատարի վրա տեղադրված տնակի, որի ցանկապատը մեզ խանգարում է դիտահորին մոտենալ։ Քաղաքապետարանի օգնությամբ և թույլտվությամբ ցանկապատն ապամոնտաժելու ենք, եթե պարզվի, որ տնակն ինչ-որ մեկի սեփականությունն է, նորից վերականգնելու ենք այն»,- ասում է Գյումրիի ենթակառուցվածքների վերականգնման ծրագրի ղեկավար Սուրեն Մամաջանյանը։
Շիրակացի փողոցում կոյուղատար և խմելու ջրի ցանցի նորացումը կատարում են միաժամանակ։ Հիմնական, սնուցող խողովակաշարերի նորացումն ավարտել են։ Ի տարբերություն Անի թաղամասի, Շիրակացի փողոցում հին ջրագծերը եղել են ամբողջովին քայքայված։
Բայց բարդ ու դժվար լուծելին ջրաշինարարների համար մնում է Անի թաղամասի բարդ տեղանքում գտնվող կոյուղատար ցանցի մոտ 500 մ երկարության հատվածի շինարարությունը։ Իսկ ընդհանուր առմամբ, ծրագրով Անի թաղամասի կոյուղատար համակարգի նորացում չի նախատեսված, ուղղակի աշխատանքները տարվում են այն հատվածներում, որոնցում խիստ անհրաժեշտ է, որպեսզի հետո վթարներ ու խցանումներ չլինեն։
Անի թաղամասի ջրամատակարարման ցանցի նորացման ծրագրի շարունակությունն են նաև Մուշում ընթացող աշխատանքները։ Միայն խմելու ջրի նոր խողովակներ են անցկացվել 88-ից հետո կառուցված շենքերի համար։ Այստեղ աշխատանքները համեմատաբար փոքր ծավալի են, և շինարարը կավարտի նույն ժամկետում՝ մինչև հուլիսի մեկը։
13:00 30.04.2025
Շրջանառության հարկ վճարողները 2025 թ․ առաջին եռամսյակի աջակցության ծրագրից օգտվելու համար անհրաժեշտ է դիմումը ներկայացնեն մինչև մայիսի 10-ըՊետական եկամուտների կոմիտեն հիշեցնում է, որ առևտրական (առք ու վաճառքի) գործունեություն իրականացնող շրջանառության հարկ վճարողները 2025 թվականի առաջին, երկրորդ եռամսյակների համար կարող են օգտվել աջակցության ծրագրից և հետ ստանալ շրջանառության հարկի 5 տոկոս շեմից ավելի վճարված գումարները: Աջակցության ծրագրից կարող են օգտվել այն տնտեսվարողները, որոնք միաժամանակ բավարում են հետևյալ պայմաններին՝ 2024 թվականին իրականացրել են առևտրական […] ...
12:55 30.04.2025
Նիկոլ Փաշինյանը ցավակցական հեռագրեր է հղել Իրանի հոգևոր առաջնորդին և նախագահինՎարչապետ Նիկոլ Փաշինյանը ցավակցական հեռագրեր է հղել Իսլամական հեղափոխության գերագույն առաջնորդ Սեյեդ Ալի Խամենեիին և Իրանի Իսլամական Հանրապետության նախագահ Մասուդ Փեզեշքիանին՝ Բանդար Աբբաս քաղաքի Շահիդ Ռաջայի նավահանգստում տեղի ունեցած պայթյունի հետևանքով անմեղ քաղաքացիների զոհվելու կապակցությամբ: Իրանի հոգևոր առաջնորդին ուղղված հեռագրում նշված է. «Խորին ցավակցություն եմ հայտնում Բանդար Աբբաս քաղաքի Շահիդ Ռաջայի նավահանգստում տեղի ունեցած պայթյունի […] ...
12:50 30.04.2025
Քննարկվել է Քաջարան-Ագարակ ճանապարհի կառուցման ընթացքը«Ճանապարհային դեպարտամենտ» հիմնադրամի գործադիր տնօրեն Արկադի Չերչինյանն ընդունել է Կայունացման և զարգացման Եվրասիական հիմնադրամի պատվիրակության անդամներ Արթուր Առաքելյանին, Վասիլի Գլուխովին և Վիկտոր Պոպովին։ Հանդիպմանը մասնակցում էին Ճանապարհային դեպարտամենտի գործադիր տնօրենի տեղակալ Կարեն Բադալյանը, այլ պատասխանատուներ։ Քննարկման առանցքում Հյուսիս-հարավի Տրանշ-4-ի Քաջարան-Ագարակ 32կմ երկարությամբ ճանապարհահատվածի շինարարության հետ կապված հարցերն էին։ Քաջարան-Ագարակ ճանապարհահատվածը կառուցվում է Կայունացման և զարգացման […] ...
12:44 30.04.2025
Պետդեպարտամենտը կրկին սկսել է իր աշխատակիցներին առաջարկել կամավոր կերպով աշխատանքից ազատման հնարավորություն․ ReutersԱՄՆ Պետդեպարտամենտը կրկին սկսել է իր աշխատակիցներին առաջարկել կամավոր կերպով աշխատանքից ազատման հնարավորություն՝ փոխհատուցմամբ, հաղորդում է Reuters-ը ՝ հղում անելով իր ստացած էլեկտրոնային նամակը։ Ավելի վաղ ԱՄՆ պետքարտուղար Մարկո Ռուբիոն հայտարարել էր գերատեսչությունում աշխատանքների լայնածավալ վերակազմակերպման մասին՝ Պետդեպարտամենտը բյուրոկրատիայից ազատելու և անձնակազմը կրճատելու նպատակով։ «Մենք շարունակում ենք լսել արձագանքները և ցանկանում ենք մեր աշխատակիցներին հնարավորություն […] ...
12:39 30.04.2025
ԱՄՆ-ը ձգտում է կանխել Իրանի՝ միջուկային զենք ստանալը. ՈւոլցԱՄՆ-ը քննարկում է Իրանի միջուկային ծրագիրը սահմանափակելու բոլոր տարբերակները։ Այս մասին հայտարարել է ԱՄՆ ազգային անվտանգության հարցերով խորհրդական Մայք Ուոլցը։ «Բոլոր տարբերակները սեղանին են: Իրանը չպետք է միջուկային զենք ունենա, նախագահը (Դոնալդ Թրամփը) բացարձակ լուրջ է վերաբերվում դրան»,- ասել է Ուոլցը New York Post-ին՝ մեկնաբանելով Իրանի միջուկային օբյեկտներին հարվածելու հնարավորության մասին հայտարարությունները: Նախագահի օգնականը հույս […] ...
12:35 30.04.2025
Մայիսի 2-5-ին սպասվում է կարճատև անձրև և ամպրոպ, քամու ուժգնացումԵրևանում ապրիլի 30-ին կեսօրից հետո, մայիսի 1-ին երեկոյան, մայիսի 2-5-ին սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում 15-18 մ/վ արագությամբ: Մարզերում ապրիլի 30-ի և մայիսի 1-ի ցերեկը, մայիսի 2-3-ի գիշերն առանձին շրջաններում, 2-ի և 4-ի ցերեկը, 5-ին շրջանների զգալի մասում սպասվում է կարճատև անձրև և ամպրոպ, 2-ի ցերեկն առանձին վայրերում՝ հորդառատ։ […] ...
